muskrate jaiye jeewan ki rah mein

bas muskrate jaiye jeewan ki pyari rah mein,
dil ko lagate jaaiye jeewan ki pyari rah mein.

hai zindagi choti magar ghum ke fasane hain bade,
har ghum bhulate jaiye jeewan ki pyari raah mein.

mousam ho mohabbt ka.. har taraf bahar ho,
teer ho nigahoon ka.. dil nishana yaar ho.

pyar ki barsaat mein bhige sabhi ke dil yahan,
dil se dil mil jaye sabke har taraf bas pyar ho.

tardap uthe armaan sabhi, jo dil ne dil ko yaad kiya,
ho gayi yeh aankhein nam, jo dil ne fariyaad diya.

aye khuda rakhana salaamat jo the kabhi dil mein mere,
tord ke ek pal mein jisne dil ko mere barbad kiya. 

pehchaan apni dhundta ek insaan

ek emaarat par khada khoobsurat ek chaand,
tim-timate shehar mein pehchaan apni dhuundta ek insaan,

bhagti is duniya mein roshni khud ki dhuundta ek chaand,
masrufiyat ki duniya mein khamoshi khud ki dhuundta ek insaan,

anekon taron mein kuch khojta ek chaand,
tut-te taron mein duayein uski yaad karta ek insaan,

jagmagate sitaron ki duniya mein tannha ek chaand,
aahista chalti purvayi mein chandni apni khojta ek insaan,

vrikshon ki do panktiyoon ke madhya khada ek chaand,
akaash ki uchayion mein khoye zamin dhuundta ek insaan,

badlon ke upar chalte vimanoon par parchayi chhord ek chaand,
juda dilon ki yadein aaj taza karta ek chaand,

do masaum nighaon se chaandni apni dhuundta ek chaand,
hathon se fisalti zindagi ke kuch lamhein samet-ta ek insaan,

zamin aur asmaan ki uchaayi nappta ek chaand,
zamin se door ek emaarat par khada tannha ek insaan.

human heart

human heart 

fresh as nature
pure as rain,

grows slowly
with sorrow and pain.

life accelerates
with ample breaks,

heart once pure and plain
stumbling now
with distress-disdain.

life becomes hell of hollow,
heart singing a song of sorrow.

but the rule of life is to live,
we learn to live
from sorrow and grief.

rising from dismal
to turn life’s new leaf,
because the falling step
leads to the rising belief.

life may have fallen 

on hearth and heath,
but we still can try it to heave.

duniya se door ek nayi duniya basayi humne

khud jaag kar chaand ki bhi neendein udayi humne,
lagta hai jaise ek umra bitayi humne.

raat ka humsafar 
humraz ban ke puchhe har sham,

wahi kahani jo har kisi se aajtak chhupayi humne.

khud ke khwabon ki khaq ko khud mein hi samete,
duniya se door ek nayi duniya basayi humne.

sawalon mein uljhi zindagi se ek sawal mera bhi,
yeh zindagi kis gunah ki saza mein payi humne,
lagta hai jaise ek umr bitayi humne..!! 

aisa anokha jeevan jeeta hoon main

chaar din dikhaawe ki hasi aur
ek din khub rota hoon main,

chaar din josh mein hota hoon phir
ek din tut jaata hoon main.

tumhein bhoolne ka dhong phir
ek din khud yaad karta hoon main.

chaar din dikhaawe ki hasi aur
ek din khub ruta hoon main,
aisa anokha sa jeevan

aksar hi jeeta hoon main. 

yeh sapne hain

in sapnon ki udaan to dekho
chhute hain yeh jahaan ko,
panchi bhi jahaan pahunch naa paaye
paate hain us mukaam ko.

in sapno ka kya kehna
yeh hai man ke rang-tarang ki chaaya,
khayalon ke moti chun-chun kar
banti hai khawabon ki maala.

aasha aur ummeed par dekho
in sapnon ke prakash jale hain,
manushya ke maanas ko dekho
kaise yeh ujjwal karte hain.

yeh sapne hain
vayu se chanchal,
jahaan chale urd jaate hain,
puri duniya apni kar lenge
pank yun yeh failatein hain. 

jo waqt kho diya usse jaane do

jo waqt kho diya usse tum jaane do,
jo waqt abhi baki hain usse tum jee lo,

jo lamha ashqon mein kho diya usse tum jaane do,
jo lamha kushi ka pal de gaya usse tum jee lo,

jo pathjhad pattey jhulsa gaya usse tum jaane do,
jo basant naye phool de gaya usse tum jee lo,

jo aandhi chale gayi usse tum jaane do,
jo barish mitti ki khushbu de gayi usse tum jee lo,

jo andhera ashaon ki kirne le gaya usse tum jaane do,
jo pal ashaon ka sawera de gaya usse tum jee lo,

jo jeevan vyarth kiya usse tum jaane do,
jo jeevan ko arth diya woh lamha jee lo,

jo duniya ne liya usse tum jaane do,
jo duniya ko tumne kuch diya woh lamha jee lo,

jo pal kho diya usse tum jaane do,
jo pal kushi ka jiya woh pal jee lo.

why we find much to regret least to celebrate

why we see the life
more as a bane
less as a boon.
more as a problem
less as a solution.

why we find
other’s life a tic-tac-toe
and our life a monster’s toe.

why we think
most precious thing
more as a problem.

why we think

life is a hell
and heaven a distant trail.
why we find much to regret
least to celebrate.
more of sadness
least of happiness.

more occasion to curse
least to thanks.
much of scortching heat
less of soothing air.

just change the view
life’s perview,

you will find more of spring
less of scortching summer,
more of rains, less of flood
more a boon, less a bane.

kehta hai dil chal raaj kahi aur chal

pathron se bante nahi ashiyaan pyaron,
dilon ki kaise yeh bastiyaan pyaron,

hasil nahi aag ke iss dariya se kuch bhi,
dariya-e-ishq mein dubey kitni kashtiyaan pyaron,

woh mera nahi phir kyun apni si lagti hai,
tufanon mein girti hain aksar bijliyaan pyaron,

raaj dhuunde mukaam zindagi ka,
mili har dil mein bas tanhaiyaan pyaron,

afsana nahi baki koi sunane ko yahan,
banti mit-ti yahan kitni zindgiyaan pyaron,

jhuut mein pisti kitni kahaniyaan yahan,
har taraf dikhti hai bas baimaniyaan pyaron,

kehta hai dil chal raaj kahi aur chal,
dil ko nahi bhati abb tasaliyaan pyaron.

door kahi rahte ho

door kahi rehte ho kahi,
dil mein mere baste kyun nahi,

dard mein dube rehte ho kahi,
khwabon mein mere baste kyun nahi,

door kahi rehte ho kahi,
char diware kehte hai yahi,

chal udd jayein dil ke sath kahi,
faasley yeh kam hote hi nahi,

faasley kyon kam hote hi nahi,
duur kahi rehte ho kahi,

dil mein meray baste kyon nahi,
chahat dil ki bantey hi nahi,

dard mein doobey rehte ho kahi,
dil mein meray baste kyon nahi,

jaan naa paye tujhko hum kabhi,
jaan patey to rok latey tughko hum yahi,

duur kahi waqt ke sath chaltey ho kahi,
meray sath chaltey hi nahi,

jo chalogey hamare sath tum agar,
chhod aingey naa tera sath hum kabhi,

door kahi rehte ho kahi,
dil mein meray baste kyon nahi. 

tannhai ki yahi kahaani hai

tannhai woh oss ki bund hai,
jo taru ke pushp-pattiyon par
ek moti ki bund si achi lagti hai.

par jab pattiyan unmein doob jaaye
to ashru si lagti hai.

tannhai woh andhere ki aas hai,
jo khud ka ehsaas karati hai.
jab vyathit man gatha sunaye
to chup kar sunti jaati hai.

tannhai woh aawaaz hai,
jo bin kahe sab kuch keh jati hai.
tanhaayi woh laaw hai..
jo kabhi jalti hai, kabhi jalaati hai.

kabhi aanhsu hai, kabhi paani hai,
kabhi sathi hai, kabhi veeraan hi hai,
tanhayi saade panno ki kahaani hai.

tannhai woh taar hai tarano ki
jinse dhun bhi aati hai,
par in tarangon ke path par
rehti rawaani hai.

kabhi aanshu hai, kabhi paani hai,
tannhai ki yahi kahaani hai. 

kal jispe naaz tha kyun be-emaan ho gaya

aagaz abhi hua bhi na tha ke anjam ho gaya,
rahe wafa pe chalke main nakam ho gaya.

achha hua jo ishq mein badnaam ho gaya,
koi janta na tha shehar mein, ab naam ho gaya.

ab sochta hoon main ki kahan bhool ho gayi?
kyunki mera jeena bhi ab haraam ho gaya.

pahle tha apne dil pe ikhtiyaar likin ab,
kambakht namurraad be-lagam ho gaya.

tujhse mila tha to haath mein ek phul tha mere,
tujhse bichhard ke haath mein ek jaam ho gaya.

khamosh nigaho mein bas ek soch hai baki,
kal jispe naaz tha kyun be-emaan ho gaya.

karni thi bahot baatein, bahot si shikaytein,
jo woh aaye samne to ek dua-salam ho jaye. 

tum bhi oron jaise hi nikle

rishton ko shak ke saaye mein simat-te dekha hai,
apno ko gairo ki bheed mein chalte dekha hai,

humko nahi gila ke tum bhi oron jaise hi nikle,
humne apne ghar ko pahle bhi jalte dekha hai.

tumne ashko ki surat mein lava behte dekh liya,
humne barson tak seene mein dard sulagte dekha hai.

tum kya baat karoge humse insaano ke bikne ki,
saste daamo mein humne bhagwaan ko bikte dekha hai.

ishq mein aanshun chaar baha kar tum dukh kya hai jaan gaye?
bhukhe bachhon ko tumne kya bilakhte kabhi dekha hai?

main sare dard -e- dil sambhal kar rakhta hoon

main jab bhi dil mein kuch thaan ke rakhta hoon,
umeed kam hai bahut maan kar rakhta hoon !

kisi ke pyaar ki tohin na ho jaye kahin,
main sare dard -e- dil sambhal kar rakhta hoon !

na jaane kaun tere khwaabon ki tabeer bane,
main apna aks bhi nikhar kar rakhta hoon !

tere huzur main kuchh kahne ki manjoori nahi,
juban aankhon mein hi dhal kar rakhta hoon !

har ek shaks teri aur hi kyun takkta hai,
jab saari baatein main bayaan kar rakhta hoon !

na kar de maut teri yaadon se mahroom mujhe,
main apni jaan ko sambhaal kar rakhta hoon !

kahi na khul jaye yeh raaz-e-ashiqi mera,
main apne dil pe bhi lagam laga ke rakhta hoon !

kabhi koi hamare bhi apne the

woh pal mere apne the,
jab meri aankhon mein kisi ke sapne the.

aaj hum akele tannha hain,
kabhi koi hamare bhi apne the.

chhup-chhup ke har roz ka milna,
ek duje ko kehna hal-aye-dil apna.

milkar zindagi ke sapne bunana,
lagta hai beeti shaam huyi.

wo pal guzare the
par beet gaya hain woh zamana bohat pehle.

aaj hum akele tannha hain,
kabhi koi hamare bhi apne the.

sar rakh ke uska baahon mein sona,
khelna uski zulfo se.. baatein karna,

dekh kar hamare milan ko
chand sitaare bhi jalte the.

duniya ke ranj-o-gum se door ho jate the,
aaj hamari baahein sooni hain,

aaj hum akele tanha hain,
kabhi koi hamare bhi apne the.

woh pal mere apne the,
jab meri aankhon mein kisi ke sapne the,

aaj hum akele tannha hain,
kabhi koi hamare bhi apne the.

har mehfil meri tannha hai

door tak naa koi apnna hai,
oas ki tarah dhundhla hua mera har sapnna hai.

nazar jaha tak bhi jaati hai meri,
ajnabiyo se bhari yeh duniya hai.

har mehfil meri tannha hai,
meri aur mere ghum ki duniya hai.

sarrd raatein hain aur tim-timate taare hain,
hum bhi khudd mein hi simat se jaate hain.

mere khwaabo mein saaye ki tarah chale aate hain,
kuch pal theharte hain aur chale jaate hain.

oas ki dhundhlahat mein phirr kahi kho jaate hain,
kuch pal hum bhi bebas ho jaate hain.

kuch aanshoo bahate hain,
aur hum bhi us oas mein kahi gum ho jaate hain…. !

zindagi ki raaho par iss kadar hum lardkhadaye hain

zindagi ki raaho par iss kadar hum lardkhadaye hain,
apno se hi hum har waqt kiye gaye praaye hain.

darte-darte rakhe the kadam humne mohabbat ki rasto par,
dil lagane ki khata ki tab hi to yeh sazza paaye hai.

tarasti huyi meri rooh ko kabhi pyaar ki chhav na mili,
mohabbat ki nahi aaj mujh par ghumo ke saaye hain.

phir bhi kambhakhat yeh dil umeed nahi chhordta hai,
iss nadani ki wajah se hi hum har waqt thokare khaye hain.

shayad hi kabhi kisi pal tujhe humara khayal aaya hoga,
magar hum to teri yaadon ke saaye mein hi har pal beetaye hain.

teri bewafai mein bhi “raaj” ko teri wafa nazar aati hai,
tujhe paa lene ki hasrat ab tak dil mein basaye hai.

ek adhure se rishte ko maine jeeya hai

ek adhure se rishte ko phir maine jeeya hai,
ashko ke khare samundar ko maine peeya hai.

humne to jeeya tha badi siddat se yeh rishtaa,
zindaagi tu hi bata ab yeh kya tune kiya hai.

jinko bhulana mushkil hai ab muat se pahle,
unko bhulaane ka iradaa ab humne kiya hai.

hum to chale the unke hi humsafar banke,
beech rashte mein usne manzil ko tay kiya hai.

dil se bhool jaana tum yeh adhooraa saa rishtaa,
adhoore se ristoin ke saath bhala kuan jeeya hai,

katraa katraa bikharne laga jab wazood mera,
badi mushkil se dost.. humne isko siyaa hai.

na jaane ab woh khawab kaha hai

rimjhim rimjhim barsti ghataye,
mere man mein ek pyas uthaati hai,

tere na pass hone ki
humein bohat yaad dilati hai.

jo waqt tere sath beeta tha
ek hassen khawab ki tarah gujraa tha,

na jaane ab woh khawab kaha hai,
meri neendein, meri woh raat kaha hai.

gunjati hain jiski gunj aaj tak mere kaano mein,
pehle jasi khushiya kaha rahi ab mere aashiyane mein.

why do I try

scars remain with pain inside,
my heart holds hurt that I cannot hide,

bruised and broken, torn and tattered,
a world I once knew, has been shattered.

I reach out to you and you push me away.
I try to explain it, but you laugh it away.

so what more can I say?
what more can I do?

nothing will ever be good enough for you.
so why do I try?

kya mil gaya aur main kya chaahta tha

mera dard mujhse mazaa chaahta tha,
main tannha rahun yeh khud chaahta tha,

woh rahe dil mein mere hamesha hamesha,
kuch aise woh hona juda chaahta tha.

makaano mein main kabhi reh na paaya,
hadd se jada mujhe raasta chaahta tha,

mohabbat jo ki to umar bhar nibhaaya,
main apne gunaah ki sazaa chaahta tha.

hai sach dawakhane mein zahar maine maanga,
main dardon ki apne dawaa chaahta tha.

woh kabhi bhi mujhe yaad karte nahi the,
waise woh mujh ko bada chaahte the,

rissta raha khun mera jigar se,
mera zakhm thoda hawa chaahta tha.

jeene ki mujhko dua de gaya jo
shayad woh mera bura chaahta tha,

ishq mujhse mila tha yateemon ko,
besahara tha woh aasraa chaahta tha,

teri bewafaai ne mujhe maar daala,
kya mil gaya aur main kya chaahta tha.

saude mein dil ke wafaa kar raha tha,
saude mein dil ke wafaa chaahta tha,

mujhe maalum tha ki woh mera nahi hai,
main phir kyun usse dekhna chaahta tha.

woh samajh hi na paaye zubaan meri,
bin kahe main unko rokna chaahta tha.

chota hi sahi magar ek ghar aisa bhi hai

jahaan mausam nahi badalte,
jahaan par dil nahi jalte,
tuta futa hi sahi,
magar ek ghar aisa bhi hai.

jahaan pe phool hain khilte,
jahaan dhokhe nahi milte,
mere dil ka hi sahi,
magar ek nagar aisa bhi hai.

sab ki raahein hain titar-bitar,
jism bas bojh se hai tar,
ruh ki pyaas kyun bujhe,
pyaar mein bhi mila zahar,
magar ek aashiyaana hai,
jahaan par raaz hain khulte.

jahaan par jism hain dhulte,
thoda chota hi sahi,
magar ek shahar aisa bhi hai,
mere dil ka hi sahi,
magar ek nagar aisa bhi hai.

jahaan par dard hain pighalte,
gire huye phir se sambhalte,
tuta futa hi sahi,
magar ek ghar aisa bhi hai,
mere dil ka hi sahi,

magar ek nagar aisa bhi hai.

phir kissi mord par hum milen shayad

phir kissi mord par hum milen shayad,
thodi door saath phir chalein shayad,
pathjhard mein bahaar sa shamaa ho,
sehra mein phool phir khilein shayad,
phir kissi mord par hum milen shayad.

humne safaai to badi siddat se di,
phir bhi reh jaayen kuch gile shayad,
soyi huyi hasratein phir se jaag utthein,
shamma umeedon ki phir jale shayad, 
phir kissi mord par hum milen shayad.

sadiyon ki tardap phir aah bann kar nikle,
khaamoshi ke tut jaayein sil-sile shayad,
dooriyaan jinnko raas nahi aati hain,
nikle unhi rishton mein faansle shayad,

phir kissi mord par hum milen shayad.

iss umeed par laash ko nihaarte hain,
phir kabhi jism yeh hille shayad,
ranjishen door ho ek duje ke darmiyan,
bichrde lag jaayein phir gale shayad,
phir kissi mord par hum milen shayad.

karva dikhe kahi aur basera kar len,
dil se hasraton ke kaafile shayad,
phir kissi mord par hum milen shayad,

phir kissi mord par hum milen shayad.

yeh kalyug ka insaan hai

sab kuch jaan kar, na jaane kyu anjaan hai,
sab kuch hai magar naa jaane kyu baimaan hai,

jisme swarth na ho, uska kerta yeh apmaan hai,
yeh aur koi nahi, kalyug ka insaan hai.. 

insaan kyon lalach ke sagar mein behta ja raha hai.

aye malik.. aye khuda,
insaan kyon lalach ke sagar mein
behta jaa raha hai.
chhord kar kyon desh apna,
saat samander paar jaa raha hai.

chhord kar apno ko peeche,
doosron ka pyaar dhoondta hai.
chand ko chune ki tamanna mein
jadein apni bhoolta jaa raha hai.

maanta hoon..
badlna dastoor hai zindagi ka,
magar iss khudgarz duniya mein
khoon ka rang bhi badalta jaa raha hai.

kaun kerta hai vishwash kisi pe koi phele jaisa,
kaun kerta hai pyaar kisisi se koi phele jaisa,
ab to aapne faiyede ke liye
insaan rishte bana raha hai,
unhi rishton mein, ulajh raha hai.

aye malik.. aye khuda,
insaan kyon aajkal,
dikhawat ki duniya mein
chalta jaa raha hai.

koi sambandh nahi hai aapas mein,
koi vishwass, pyaar nahi hai,
phir bhi rishton ki kadi mein,
har roz koi naa koi naam
jordta jaa raha hai.
matlab pura hone par,
in rishton ko tordta jaa raha hai.

aye malik.. aye khuda,
insaan kyon,
lalach ke sagar mein,
behta ja raha hai.

aye zindagi hum bhi tera bojh utha lenge

tere diye har dard ko palkon par utha lenge,
aye zindagi hum bhi tera bojh utha lenge,

sirf aanshu hi mile ab tak iss jahaan mein,
dhundhte rah gaye kismat apni aasman mein,
jab bharega paimana to thoda chalka lenge,
aye zindagi hum bhi tera bojh utha lenge. 

anshun bhare aankhon se muskana padega,
dil ke armanon ko zinda jalana padega,
aanshuon ko apni aankhon mein chuppa lenge,
aye zindagi hum bhi tera bojh utha lenge.

iss jahan mein kisi shakhs ka sahara na milega,
in aankhon ko bahaar ka nazara na milega,
khud ro kar bhi dusron ko hansa lenge,
aye zindagi hum bhi tera bojh utha lenge.

aankhon mein le ker khawab hum chaldiye

aankhon mein le ker khawab ko,
hum chaldiye.

aasman ko banakar seema,
hum chhoone chand ko hain chaldiye.

dil mein liye tammana,
aur poore josh mein,
hum musibton se takrane chaldiye,

un saare taaron ko,

daaman mein chupane,
hum chaldiye.

honsla hai, vishwaas hai,
mil jayegi manzil humein.
aye bhagwan, tera naam leker,

manzil tak ka yeh safar, tay kerne,
dekho hum chaldiye.

leker tera naam aye bhagwaan,
mushkilon ke saath hum lardte chale,

aapne ander thi jo chupi buraayion ko,
essi takrav mein, peeche chordker,
manzil ki taraf, phir se chaldiye.

aankhon mein le ker khawab ko,

hum chaldiye.

tannha-tannha hi zindagi mein kuch pane ki koshish karte hain

aankhon ke aanshoon ke sath muskarane ki koshish karte hain,
ghamon mein doob kar khud ko behlane ki koshish karte hain,

dukhon ke sath-sath chalte hue iss zindagi ki raah mein,
har-waqt har-pal khushi ke geet gane ki koshish karte hain,

zindagi dubi hai meri nakamiyon ke andhere mein,
tannha lardte hue halat se deep jalane ki koshish karte hain,

koi sath nahi deta tannhai hi mukaddar ban gaya “raaj“,
tannha-tannha hi zindagi mein kuch pane ki koshish karte hain.

hothon pe muskan sajaaye baitha hoon

zindagi ko bas yun hi guzar baitha hoon,
ha har khushi se aaj anjaan baitha hoon.

har dar se lauta hoon aaj na umeed hokar,
ki har rishte ko aaj pehchan baitha hoon.

aankh yun to meri bhi num hai aaj yahan.
phir bhi hothon pe muskan sajaaye baitha hoon.

yun mehfilo mein meri barbadi ka sabab mat puchho,
kayi apno ke naam dil mein chhupaaye baitha hoon.

main itna khushnaseeb nahi to kya hua

raat mein chaand nahi to kya hua,
raah mein gulshan nahi to kya hua,
tannhai ke aadi ho chuke hain hum,
safar mein humsafar nahi to kya hua.

aur bhi gham hain ek tannhai nahi,
mushkile anek hain ek ruswai nahi,
pyar ki daulat milti nahi sabko yahan,
main itna khushnaseeb nahi to kya hua.

koi shikva nahi hai naseeb se,
bahare kai guzri hai kareeb se,
par hum registhan ke phool hai shaayad,
sawan jo barsa nahi to kya hua.

mera saaya salamat, gham nahi hai mujhe,
aakelepan ka maatam nahi hai mujhe,
apne aansho khud pee lete hoon ab,
koi pochne wala nahi to kya hua.

khushiyon mein simte hain gham

yeh aanshoo in aankhon se 

nikal kar bah kyon nahi jate?
jo beet chuke hain pal 

woh gujar kyon nahi jate?

kyon har saans mein 

mahak jati hai khusbu uski?
kyon har jikr mein 

nikal aati hai baat uski?

kyon uski yaad mein 

ho jati hai aankhein nam?
kyon lagta hai, 

khushiyon mein simte hain gham?

rahta hoon khoya sa,  

sochta hoon hardam,
door raho chahe jitna,  

yeh pyar na hoga kam.

rahega sada tera intezaar justzoo bankar,
tu rahegi sada is dil mein dhadkan bankar.  

tera mera milan... akhari akhari

raat ke kaandhon par sanjh siskane lagi,
dubati hai kiran... akhari akhari,

yaad aane laga, phir tadrpane laga,
tera mera milan... akhari akhari.

kal ke sapno ko jab hum dhundhane chale,
chupke se dil ne kaha tum kahan chal parde,

ab woh manjar kahan, woh bahare kahan,
mit gaye hain nishan... akhari akhari.

ek muddat se thi dil mein teri yaad,
ek sarhad tak teri chhahat rahi,

kuchh na puchhe koi, ab to aalam hai yeh,
mit gayi hai lagan... akhari-akhari.

yaad aane laga phir tardpane laga,
tera mera milan... akhari akhari.

I miss you my friend

I reach for the stars and 
I can’t see the friend 
who ones stood besides me, 

I look and look 

but can’t see what 

went wrong in our friendship,  

perhaps I never will. 

today I am here thinking,
where’s my friend?  

oh, how lonely I feel. 

my friend was special in his own way,  

he gave me comfort,
help me when all failed. 

where’s my friend? my soul cries out,
what did I do wrong,  

did I push him away? 

I seek for answers and I find none,
why did I loose my friend? 

perhaps I will never know. 

without you my friend I feel lost,  

lost in a world so cruel to us all. 

all I can see is the wonderful times we shared,
when you held me in your arms, 
istening to my living hell.

so my dear where ever you are,
remember the good times we shared, 

let the past be the past,
for all I have learn today as I sit down and write,
that the answers to my questions are all in one, 

"I miss you my friend".

mere humsafar tum jahan hum se chutte

wahin zindagi ke haseen khwaab tootte,
mere humsafar tum jahan hum se chutte,

sitaaron ne dekha, bahaaron ne dekha,
kabhi hum mile they, nazaaron ne dekha,

khabar kya thi hum ko, yeh waade hain jhoote,
mitaa kar tamannaon ke, har nishaan ko loote,

main hasrat se takta raha aasmaan ko,
chaman aarzuon ke fizaaon ne loote,

woh moti lutaati ghatayein na aatin,
kabhi phir woh gaati hawayein na aatin,

khafa ho gaye tum to, sab hum se roothe,

mere humsafar tum jahan hum se chutte.

insaa hi insaa ko mita dega

humne socha na tha ki waqt ka takaza yeh hoga,
ki koi meri wafa pe hi ungli utha dega,

humne pala tha hamesha se hi insaniyat ka jazba,
koi insaniyat pe mera vishwas hila dega,

yeh sach hai aaj har kadam pe dhokha aur fareb hai,
magar koi to sachai ko aage bardha dega,

yeh akhiri ummeed bhi ab to tutne si lagi hai,
yahan har koi aisa hai jo zami ko nark bana dega.

yeh khuda ne bhi socha na tha.. aye khuda ke bando,
ki insaan uske dariya dilon ko yun daga dega,

kitne armano se usne har ek insaa ko banaya tha,
usne socha nahi insaa hi insaa ko mita dega.

un sapano ko dhundhta hoon main

aankhon se door hai jo, 

un khwabon se darta hoon main,

gagan mein door hain jo, 

un sapano ko dhundhta hoon main.

tute phute yakino mein, 

roz sochta hoon main,

phir apni hi thakan mein,

doob ke so jaata hoon main.

roothi hai manzil, 

aur khushamad kar nahi paata hoon main,

jeene ki bhool karke,

marne se nahi darta hoon main. 

woh dost humara kaisa hai?

aye mouz-aye-hawa tu hi bata,
woh dost humara kaisa hai?
jo bhool chuka hai humein kab se,
woh jaan se pyara kaisa hai?

kya us ke jeewan lamhon mein,
koi lammha mera bakki hai?
kya us ki jaggti ankhoon mein,
meri yaad abhi bhi bakki hai?

agar aisa nahi to tu hi bata,
hum yaad usse kyun karte hain?
woh hum se bichard kar khush hai agar
to pal-pal hum kyun marte hain?

aye mouz-aye-hawa tu hi bata,
woh dost humara kaisa hai? 

dil ke armano ko kuch istarah mita leta hoon

dil ke armano ko, kuch istarah mita leta hoon,
ek khat likhta hoon, phir usko mita deta hoon.

phir ek jhooth bolta hoon, main kasam kha kar,
le aaj tujh ko.. apne dilse bhula deta hoon.

dekhte-dekhte jab, aankhein bhar aati hain meri,
teri tasveer ko, seene se laga leta hoon.

khudaya mujh ko maaf karna, haaye kya karoon mein,
sharab pitna nahi par maiykhane chala jata hoon.

aks yeh deta hai jawab.. khudkushi kar lo,
apni soorat ko jab, aaina dikha deta hoon.

nahi aati raas bul-bule ko meri dosti,
pani se bahar jab usse hathon mein utha leta hoon.

mere haalat hain kaise, yeh kya bataoon tumhein,
bas yeh jaan lo.. bahut majboor bana baitha hoon.

kuch bikhar gaye kuch toot gaye

zindagi ne kayi mauke diye par
kuch nikal gaye, kuch chhord diye,

kuch chhut gaye...

kitne hi khawab sajaye the meri aankhon ne,
kuch ujjard gaye, kuch bikhar gaye,

kuch toot gaye.

yeh bhi sach hai

tumhein yaad hum karte nahi par
bhool bhi nahi paayenge kabhi yeh sach hai.

tasweer tumhari dafan kar di kahi,
teri surat na bhool payenge kabhi yeh sach hai.

yun to iss zindagi mein kuch bhi nahi par
tumhein meri yaad jab tak aayegi nahi,
tab tak hum is duniya se

jayenge nahi yeh sach hai.

agar tum ab bhi yehi kahte ho ki
hum tumhein pyaar kerte hi nahi,
to is duniya mein pyaar hai hi nahi

yeh hi sach hai.

hum tum bichard gaye hamesha ke liye,
na jaane ismein tumhari galti hai ya nahi,
par ismein mera bhi kasur nahi 

yeh bhi sach hai.

iss zindagi se humein hai shikve kayi,

par shayad meri kismat hai yehi,
ab isse main aur seh sakta nahi
yeh bhi sach hai. 

kitni hai zalim shard hawa

khwabon se zakhmi,

huyi hain aankhein,
rone laga hai dil mera,

beete zamane yaad dilaye,
kitni hai zalim shard hawa.

aksar woh cheej nahi milti jispe haq hota hai

tabhi to insaan ko,

takdeer pe shaq hota hai,

aksar woh cheej bhi nahi milti,

jispe haq hota hai.

main tujhsa samajhdar nahi

kya hua gar tera deedar nahi,
nazar pe yeh haseen guwar nahi.

teri yaadein tera khayal reh gaya hai bas,
mujhko ab tera intezaar nahi.

bhula doon tujhko yeh hai namumkin,
kyunke yeh mere bas ki baat nahi.

tere khaton ko jala to deta,

teri tasvir, teri nishaniyon ko mitta deta,
magar main tujhsa samajhdar nahi.

badnaseebi hai tera na milna,
aur kuch tu bhi wafadar nahi.

tujhse nafarat si ho gayi hai besak,
kaise keh doon ke tujhse payar nahi.

phir bhi zinda hain hum na jane kyun,
zindagi se to ab koi sarokar nahi.

zinda hoon magar zindagi hai kya pata nahi

seene mein aaj kal mere yeh kaisi jalan hai,
yeh dard hai kaisa bata, yeh kaisi chubhan hai.

arman na koi hasrat, na aarjoo koi,
khali sa dil hua hai veeran sa mann hai.

kya gumm hua hai, jane kya dhondta hai dil,
anjani si talash koi dastan-aye-chaman hai.

duniya se nahi, waqt se hai mujhko shikayat,
jahan shiddatein thi kal tak, wahin aaj agan hai.

zinda hoon magar, zindagi hai kya pata nahi,
jeene ki aarju bhi seene main dafan hai.

waqt ne halaat se lardna sikha diya

har thokar ne meri, 

mujhko chalna sikha diya, 

mere aankhon ke aanshuo ne,
mujhe khul ke hassna sikha diya.

samundar ki lehro ne mujhe ghir kar
phir se ubarna sikha diya,

baarish ki bundo ne
zameen pe rehna sikha diya.

phoolo ne tutkar bhi
mehakna sikha diya,

tara tut jane par bhi
kisi ke kaam aata hai,

zindagi ki sachaiyo ne
mujhe chalte rehna sikha diya.

woh fakeer jo do roti ke liye taras jaata hai,
majbooriyon mein jazbaaton ka,
hadd se guzarna sikha diya.

aage yuh to karvaan chalte rahega,
waqt ne aankhon ki nami ke saath-saath
muskuraane ka hunnar sikha diya.

gile-shikwe se kuch nahi haasil “raaj”
waqt ne halaat se humein lardna sikha diya.

roshan hai sehar diwaali sab manaate hain

roshan hai sehar, yeh ghar hum sajaate hain,
khushi liye chehron, ashk hum bahaate hain.

karo tum dhamaake jagmagaati raahon par,
veeraane mein hum bhi apna dil jalaate hain.

laga do aag aasmaan mein aatishbaazi se,
pee kar do kash hum bhi dhuaan udaate hain.

dikhawe ki hansi, yeh tohfe tumhe mubarak,
nahi haunsla aur, yeh raaz tumhe bataate hain.

jashn to dastoor hai jahaan ka har mauke pe,
har mauke pe hum maatam bas manaate hain.

taras gaye jo deedaar ko karke hum,
keh kar alvida rooh ko apni woh dafnaate hain.

roshan hai sehar, diwaali sab manaate hain,
khushi liye chehron, ashk hum bahaate hain.

takdeer hi aisi pai hai

kaun kisi ka hota hai,
apna apna naseeb hota hai,
dhoka to wahi deta hai,
jo dil ke kareeb hota hai.

har rah par chal kar dekha hai,
har rah par thokar khayi hai,
kisi se gila shikva kya karna,
jab takdeer hi aisi pai hai.

chhoti si hai ek dua

aaj kal na jane kyu mera dil uddas rahata hai,
kabse baitha hoon main khuda ke dar par,

bas khuda se ye dil ek hi darkhwast karta hai,
aye khuda!! tu to sab ki sada sunta hai,

kya meri ek chhoti si dua puri kar sakta hai?
iss jahan mein shayad na mil saku main unse,

tu apne ghar bulana mujhe, unse pahale,
yahan na sahi wahan ek mulakat karna unse,

maine unhein jee bhar ke dekha bhi nahi hai abhi,
ek jhalak.. sirf ek jhalak dikhane ki guzarish karna unse,

mumkin ho to ek dafa gufftagu bhi karana unse,
phir bhale hi narak ka rukh kakh kar dena mera,

magar mulakat apne ghar mein hi karna meri unse,
agar ye mulakat bhi gavaara na ho to,

tu mere naseeb ek aur janam kar dena,
aaj jo naam likha hai maine apne dil pe,

agle janam mein ussi ka pyar mere naam kar dena,
phir hum milke kabhi judda na ho, bas itna karam kar dena,

hey shiv!! kabhi to mile mere pyaar mujhe,
chhoti si hi to hai dua, bas puara ye kaam kar dena.

apni zindagi ko bas yun hi guzarte huye dekhta hoon

kabhi chardte to kabhi dhalte huye suraj ko dekhta hoon,
main apni zindagi ko bas yun hi guzarte huye dekhta hoon,

waqt ke haathon ho chala ek majboor shakhsh hoon main aaj,
har roz yun hi apni tamannann ko marte huye dekhta hoon.

dard aur gum ke milne par koi bhi ranz nahi hai mujhe,
bas ek inhein hi to apne bure waqt mein saath dekhta hoon,

har woh cheez jo mujhe lagi kabhi pyaari woh door ho gayi,
ab jo bhi lagta hai pyaara bas usse door se hi dekhta hoon.

aaj har mord pe khud ko tannha tannha sa mehsoos karta hoon,
iss duniya mein har rishtey ko rang badalte huye dekhta hoon. 

dard ki tarha har dil mein rehne aaya hoon

ek baar phir se aapki iss mahfil mein aaya hoon,
dard hai wahi purana magar alfaaz naye laya hoon.

har waqt auron ki hi kehta aur sunta raha hoon,
par aaj apne dil ki kuch baatein kehne aaya hoon.

jaane kabse kaid hai seene mein dard ki maanind,
magar aaj banke aanshu aankhon se bahane aaya hoon.

khushi ki manzil ka raahi main nahi hoon aye dost mere,
bas dard hoon.. dard ki tarha har dil mein rehne aaya hoon.

hothon pe muskan sajaaye baitha hoon

zindagi ko bas yun hi guzar baitha hoon,
ha har khushi se aaj anjaan baitha hoon.

har dar se lauta hoon.. aaj na-umeed ho kar,
ki har rishtey ko aaj pehchan baitha hoon.

aankh yun to meri bhi nam hai aaj yahan,
phir bhi hothon pe muskan sajaaye baitha hoon.

yun mehfilo mein meri barbadi ka sabab mat puchho,
kayi apno ke naam.. dil mein chhupaaye baitha hoon.

jeevan ke dhoop chaao se ukkta gaya hai dil

zindagi ke har bojh se ukkta gaya hai dil,
jeevan ke dhoop chaao se ukkta gaya hai dil.

khushiyan bahot hain door mujhse inka main kya kahon,
ghum mein bhari har shaam se ukkta gaya hai dil.

na subah ko koi naghma hai na shaam ko hai saaz,
har din ki berukhi se ukkta gaya hai dil.

har phool kaat-ta hai, khushbo bhi deti hai dukh,
har phool har kali se ukkta gaya hai dil.

palkein hain bhaari bhaari, sota nahi hoon phir bhi,
har naakaam khwaab se ukkta gaya hai dil.

maut tu mujh ko de de, aye khuda aisa kar
ghabra gaya hai.. ukkta gaya hai dil.

kya khoya kya paaya ab tak

kya khoya kya paaya ab tak, bhulane do hisaab mujhe,
bahot hua ashkon ko peena, peene do sharab mujhe,

phir yaad teri ne gheraya,  phir dard utha hai seene mein,
hosh abhi tak baaki hai, aur do sharab mujhe,

hosh rahe to main bhi, baatein jhoothi si kahta hoon,
main dhoott nashe mein kaha gaya,  jo baatein lagi kharab tujhe,

nasha ishq ka, talab husn ki, aur naya shikaar koi,
kyun kisi ke dil se khele, kya darr nahi khuda se tujhe.

jee bhar ke pee hai aur hosh mein aaya hai “bekarar”
jhuth lage jo kahte ho, yeh karti hai barbaad mujhe. 

jaane kya baat hai dil udaas hai

jaane kya baat hai, dil tannha hai.. udaas hai,

kucch pal yaad aaya woh dhundhla sa saaya.

saaye se nazar mili to khud ko rok na paya,
yun aanshu – yun aanshu chalak hi aaya.

tannhai ke iss aalam mein,

khud ko dekha to kaha paaya,
na is paar aur na us paar,

jahan dekha khud hi ko tannha paya.

in nazro ko talash hai jane kis ki,
jisko chahha woh na mila.

ab kahi na koi aas hai,
tabhi to yeh dil udaas hai.

eh shehar hai veeraan, chalo ab chalein tannha

suna tha ishq mein haal-e-dil bigad jaate hain,
lo yeh chale hum... dua karna bachaane ke liye.

woh paas bhi aayi to pal-do-pal mere,
waqt tang tha.. kuch unko sunaane ke liye.

mumkin tha mera khaali haath hi rahna,
unki har adda hai baaki.. zamaane ke liye.

ek gham mein humne khud ko jala kar dekha,
kaun aata hai.. meri aag bujhaane ke liye.

toofaan mein ek, bikhar gaya ashiyaan apna,
koi aata nahi.. ghar mera banaane ke liye.

khushi ke aanshoo bhi gham ki aankho se nikle,
dard jaada hai bohat.. dil se bahaane ke liye.

ek umr se, bhari nigaahon se hum jaage hain,
maut bhi aati nahi hai.. mujhko sulaane ke liye.

bohat pyaara mere khwaabon ka jawaan hona tha,
huye sab be-rang se kyun.. ek begaane ke liye.

kya kahein apne shauk bhi badal diye maine,
koi afsaana nahi ab.. kisiko sunaane ke liye.

yeh shehar hai veeraan, chalo ab chalein tannha,
jagah baaki nahi yahaan.. mere thikaane ke liye.

zindagi rooth-ti rahi aur hum manate rahe,

roz ek nayi umeed se ek kadam bardhate rahe,
zindagi rooth-ti rahi aur hum manate rahe,

na socha tha ho jayenge iss kadar tannhaa,
har aahat pe tere aane ki aas lagate rahe,

har aane wala pal hansi laaye lab pe tere,
khud ko teri khushiyon ka saamaan banaate rahe,

nazar na lag jaaye zamaane ki yaadon ko teri,
har mehfil mein jhoota sa muskaan hum sajaate rahe,

har pal jeene ki chah mein reth ke mehal banaate rahe,
waqt ki lahre mitaati rahi aur hum banaate rahe.

meri daastan kisi ne suni nahi

mujhe zindagi se gilaa raha, 

meri zindagi se bani nahi,
main khada hoon aise makam par,
jahan hasraton ki kami nahi.

main jalaa bhi hoon,

main bujha bhi hoon,
main sazaa bhi hoon,

main kata bhi hoon,

mujhe dekh kar hasse hain log,

meri zindagi mein hassi nahi,
kabhi iss gali, kabhi uss gali,

kabhi iss nagar, kabhi uss nagar,

main bhatak raha hoon dar-b-dar,

mere dard-o-dil mein kami nahi,
hai be-khabar, mera humsafar, 

main bhatak gaya, usse kya khabar.

na pohanchi ho meri sada,

yahan aise to koi gali nahi,
haalaat kuch iss kadar phir gaye,

hum apni hi nazar mein gir gaye,
kahi sabne apni hi daastan,

meri daastan to kisi ne suni nahi.

ek dard yahan.. ek dard wahan

ek dard yahan.. ek dard wahan,
mere yaar kahan.. dildaar kahan,

rutha hoon idhar main.. udhar tu bhi hai rutha,
yeh ishq ka zakham hai, humein hain chain kahan,

kabhi khush hoon main bhi, hansta hai kabhi tu bhi,
yeh ishq hai logon.. deewane hain jahaan,

kehte hain kabhi hum, kehte hain kabhi sab,
kabhi ishq na karna.. ismein chain hai kahan..

aaj aur kal ki kash-m-kash

aaj phir se hume tanhai ka guman hua,
ashkon ka samundar ankhon pe meherban hua.

dil mein jo dard tha, beh gaya kuch palon ke liye,
shant huyi dil ki hulchul, 
yeh dil bhi anshoon ka kadardan hua.

beete huye pal kyu aaj mein basna chaha rahe hai,
yeh aaj aur kal ki kashmakash mein,
yeh dil bhi jung ka maidan hua.

ek dard ek tanhaai mili humko

ek dard mila.. ek tanhaai mili humko,
wafaa ke badle bewafaai mili humko,

chaha tha mile chaaon kisi ke pyaar ki,
ek nafrat ki dhoop baar baar mili humko,

ek dard mila.. ek tanhaai mili humko,
wafaa ke badle bewafaai mili humko.

khwahishein rahi baaki zindagi mein kabhi bahar aaye,
ek ujdaa gulistaan.. ek fizaa mili humko,

ek dard mila.. ek tanhaai mili humko,
wafaa ke badle bewafaai mili humko.

raahein manzilon tak to pahuchi par manzil huyi na hasil,
raahein mohobbat mein thokrein baar baar mili humko,

ek dard mila.. ek tanhaai mili humko,
wafaa ke badle bewafaai mili humko.

hua jo khoon-e-khanjar se dil yeh zakhmi,
nikli hai dua dil se phir bhi uske liye,

jisne diya hai yeh zakhm mujhko,

ek dard mila.. ek tanhaai mili humko,
wafaa ke badle bewafaai mili humko.

kya sach mein kabhi mujhe chaha na tha?

bichad kar phir milenge hum
ek roz tune yeh wadaa kiya tha,
sach bata tujhko hai kasam
aakhir tera iradaa kya tha?

mujhe na ho dard yaa
tujhe na bewafaa kahoon kabhi,
sach bata tujhko hai kasam
kyu tune yeh jhoota wada kiya tha?

tu to na aayi magar
dekh main intzaar phir bhi karta raha,
sach bata tujh ko hai kasam
kyu tune chahat ka dikhawa kiya tha?

suna jab tu ban gayi kisi aur ka
na mujh ko yeh yakeen aaya ab tak,
sach bata tujhko hai kasam
kya tune sach mein kabhi mujhe chaha na tha? 

kahi andhera kahi ujaala

kisi ko saathi mila hai kisi ko saaya,
kahi andhera hai to kahi ujaala.

kuch raahon mein bichhti hain palkein,
kuch raahgir hote hain aawara.

koi sota hai zulfon ki chaaon mein,
to jaagta hai koi besahara.

ek karta hai ibaadat pyaar ki,
duja talashta hai madhusala.

saagar sab ko milta nahi yahan
parbat jaisa hai kinara.

shamma bujhti hai kahi raat ko
kahi dil jalne ka hai nazara. 

aao milkar phir se hum ek diya jalaye

aao milkar phir se hum ek diya jalaye,
hain andhiyaara jahan kahi mil kar hum hataye,

rahe sabhi khush diwali ke iss pawan avsar par,
aisa koi raag madhur mil kar sab gaaye,

hai kahin koi dukhi agar dukh door karein hum,
aisa ek sankalp hum sabhi apne dil mein laaye,

jeevan mein hardam sabke failaon ek ujiyaaraa,
yahi baat hum sab jan ko phir se sikhalaye.

life is a big puzzle

the person I wanted to be friends forever
is now like a stranger to me today,

he was so close to my heart
but today being near he is no where,

it hurts me more then anything today
that may be we wont be like we were before,

since I lost everything I had
and there is no more to looose now,

I don't know why I feel that
he is a part of me I dont wanna loose.

life is a big puzzle and there are all the peices,
he is a big peice but may be he don't understands,

sometimes because of one peice
the whole story makes no sense,

wish God makes all things alright
I don't wanna loose anyone anymore.

kuch baatein kuch yaadein

pyaar ki nishani hai, teri jaagir hain kuch yaadein,
dil lubhati hain, aaj bhi teri bemani si baatein,

sochta hoon, kuch to socha hoga khuda ne hamare vaaste,
yun to nahi mile hum aur phir juda huye yeh raaste,

dard mila, khushi mili, pyar mila, ruswayi yaan mili,
saath koyi ho naa ho, humein kabhi to teri parchhaiyaan mili,

haath ki nami aaj bhi kuch ehsaas humein dilati hain,
bechaini dil ki humein, aaj phir tardpati hain,

kuch yaadein, bas kuch yaadein reh jaya karti hain,
kuch baatein, bas kuch baatein, dil lubhaya karti hain. 

aye zindagi tu chalti rehna

aye zindagi tu chalti rehna,
chaahe koi saaya chooth jaaye,
chaahe koi sapna tutt jaaye,
gir gir ke tu sambhalti rehna,
aye zindagi tu chalti rehna..!

mere andhakar ka koi chaara nahi ,
yeh woh kashti hai jiska kinara nahi,
waise to phoolon se bhari hai duniya,
maango to ek phool bhi humara nahi,

chaahe koi khwaab rooth jaaye,
chaahe koi raah chooth jaaye,
tu ek raah nikalti rehna,
aye zindagi tu chalti renha..!

kitne aayenge.. chord jaayenge,
kitne bichdenge.. laut aayenge,
dastoor-a-aashiqi kabhi na badlega,

hum na sudhrenge.. chott khayenge,
chaahe apne hi loot khaayen,
chaahe dil kitni chott khaayen,
tu dard se bhi behalti rehna,
aye zindagi tu chalti rehna,
aye zindagi tu chalti rehna..!! 

kuch paane ki aas mein kaanto par bhi the hum chale

kuch manzilein thi apni, kuch khwaab bhi the bune,
kuch chahate bhi thi apni, kuch raaste bhi the chune,

pathrile raasto par mere kadam, kabhi kabhi the dagmagaaye bhi,
kuch paane ki aas mein lekin, kaanto par bhi the hum chale,

nahi hoti koi dagar aasan, kuch logo ne tha yeh samjhaya bhi,
par bhuj na paaye umeedo ke diye, jo mere mann mein the jale,

jaan rahe hain aaj sab mujhko, pehchaan rahe hai aaj sab mujhko,
kuch kar dikhane ke liye, hum har mushkilon se the lardein,

sab kuch dekha hai maine bhi, wafaa, prem aur judaai bhi,
kuch ghaav aaj bhi hai taaze,  jo apno ne humein the diye,

zindagi safar nahi hai aasaan, jab yeh samajh mein aaya,
tay karne har mushkil safar ko, hum akele chal the diye,

aaj mumkin hai manzil tak pahunch kar, mera har koi saath nibha jaaye,
par bhoola nahi hoon mein ab tak,  jo akele safar maine tay the kiye. 

yaadon ke saaye se hum bheege iss tarah

kal aagan mein mere barsaat huyi,
door tak thi bundo ki rimjhim,

kuch der mein hi khamosh huyi,
bundo ki rimjhim ne mujhko kuch aisa tardpaya,

saath mere meri tanhaai rahi,
yaadon ke saaye se hum bheege iss tarah,

phir der tak ashko ki barsaat huyi,
yeh bundein kasak si dil mein kuch aisi jaga gayi,

jinhein bhula chuke the hum kabhi,

unhi lamho ki yaad dila gayi,

kuch gham ka daur aur bardha iss kadar,
charon aur andhiyaara hua,

jo chiraag jalaye rakha tha humne,
ussi diye tale andhiyara hua,

barsaat mein mord ki kook ne kuch cheda aisa tarana,
mere lab khamosh rahe,

bas khamoshi mein hi dil ki asmaan se baat huyi,

kaha dil ne aye raaj ab aur na baras,

na le aur mera tu imthaan,
tere sang to hai suraj chand sang sitare
par mera na koi yaha, mera na koi yaha

na jaane kyu aaj badle huye se haalaat hain

na jaane kyu aaj badle huye se haalaat hain,
kalam bhi na nibha rahi aaj mera saath hai,

ek ajeeb se kash-m-kash mein uljhe hain hum,
na koi hai mere paas na hum kisi ke saath hain,
na jaane kyu aaj badle huye se haalaat hain,
kalam bhi na nibha rahi mera saath hai.

dil mein hain kayi baatein par zubaan deti saath nahi,
socha ki likh kar hi hum hale-e-dil bayan kar dein,
par kalam ko koi lafz bhi milta nahi,

na jaane kyu aaj badle huye se haalaat hain,
kalam bhi na nibha rahi mera saath hai.

hai kaisi yeh bechaini aur na jaane kyu hai berukhi,
jab ki na hai dil mein ab koi na kisi ki aas hai,

na jaane kyu aaj badle huye se haalaat hain,
kalam bhi na nibha rahi mera saath hai.

woh thi hawa ka jhoka koi, jo ehsaas unka kara gaya,
beetein lamho ke saaye se phir humko mila gaya,

na jaane kyu aaj badle huye se haalaat hain,
kalam bhi na nibha rahi mera saath hai.

aks bhi jinka mita chuke the hum,
kyu ab bhi aati unhi ki yaad hai,

na jaane kyu aaj badle huye se haalaat hain,
kalam bhi na nibha rahi mera saath hai.

beetein lamho mein hi kyu jeeti humari har saans hai,
tham jaaye ab ye silsila, dil yahi karta ab fariyaad hai,
na jaane kyu aaj badle huye se haalaat hain,
kalam bhi na nibha rahi mera saath hai. 

jhoota hi sahi... ek roz to kiya mujhe pyaar

kaun hota hai yaha kisi ka,  

kis par kare yaha aitbaar,
har kisi ke zehan mein dagaa basti hai,  

har koi hai yaha dhoke-baaz.

soch kar ki woh iss duniya mein sabse alag hai, 

kiya tha ek roz unpar aitbaar,
usne bhi dikha diya apna chalan,  

woh khudgarz bhi nikali dhoke-baaz.

dekar mujhe gham aur tanhaaiyan, 

meri bebasi par muskurati hai woh,
kar ke meri zindagi mein andhera, 

ghar roshni se apna sajati hai woh.

banake mujhe usne beechraah, 

akela chorda hai zaalim ne, 
phir bhi dil se dua nikalti hai, 

pura ho har unka khawaab.

unki yeh berukhi aur yeh bewafaai, 

bhi humne hass kar seh li,
dil ko samjha liya humne, 

chahe jhoota hi sahi... 

ek roz to kiya tha usne mujhe pyaar! 

jis roz unki bhi meri jaisi haalat hogi

us roz bhi ek kayamat hogi,
jis roz unki bhi meri jaisi haalat hogi,

tadpegi woh bhi kisi roz kisi se milne ke liye,
jis roz unhein bhi kisi se mohabbat hogi,

us roz bhi ek kayamat hogi,
jis roz unki bhi meri jaisi haalat hogi,

jaan paayegi woh bhi judaai ke dard ko,
bichadkar jab kisi se unki mulakaat na hogi,
us roz bhi ek kayamat hogi,
jis roz unki bhi meri jaisi haalat hogi, 

saahil par baith kar woh bhi kabhi pukara kareinge,
jab bhi tannhai se unki bhi dosti hogi,
us roz bhi ek kayamat hogi,
jis roz unki bhi meri jaisi haalat hogi, 

jisne kabhi gam na kiya tha mere dil tord jaane ka,
todega jab koi uska bhi dil, tabhi unhein mohabbat ki kadar hogi,
us roz bhi ek kayamat hogi,
jis roz unki bhi meri jaisi haalat hogi, 

bin mausam ashkon ki nigaahon se barsaat bhi hogi,
jabhi kisi se milne ki unko bhi khwahish hogi,
us roz bhi ek kayamat hogi,
jis roz unki bhi meri jaisi haalat hogi, 

har ek ko azmaa kar jabhi unhein sirf dagaa hi milega,
mehsus tabhi unhein iss raaj ki kami hogi,
us roz bhi ek kayamat hogi,
jis roz unki bhi meri jaisi haalat hogi... 

mat haar aye dil

mat haar aye dil, yeh duniya ek mela hai,

taaron ki raat mein har koi yahan akela hai,

mat haar mana, tannha safar hai lekin
ashmaan ki chaah mein, har dil yahan akela hai,

badalte mausamon ka rukh yaha dekha hai lekin,
sukh dukh ke mausam mein, ek tu hi nahi akela hai,

mat haar mana, waqt ka dosh nahi lekin,
kismat ne hi ajeeb khel tujhse khela hai,

mat haar mana, gum bahut hain lekin,
ek tu hi nahi jisne, gum ko yahan jhela hai,

mana.. chalti lehron ka rukh rukta nahi lekin,
wohi jeeta jisne, toofanon ko yaha jhela hai,

mat haar aye dil, yeh duniya ek mela hai,
taaron ki raat mein har koi yahan akela hai.

usse bana kar ghazal mein subh-o-sham likhta raha

usse bana kar ghazal mein subh-o-sham likhta raha,
haqeekat ki har ghadi mein usse salam likhta raha,

woh meri mohabbat ko mera janoon samajh baithi,
main naam-e-mohabbat ko baar-baar likhta raha,

kar lo ikrar-e-dilagi mujh se, ye kaha tha usse maine,
ajab shakhs thi, mujhe hi bewafa kehti rahi,

uski aarzu yeh thi ke bhool jaao mujhe,
aur main har deewar par ishq ki intaha likhta raha,

zulm sehna hi to ishq ki naam hai doston,
woh badnam karti rahi aur main nadaan likhta raha.

a vanished friend

around the corner I have a friend,
in this great city that has no end,

yet the days go by and weeks rush on,
and before I know it, a year is gone.

and I never see my old friends face,
for life is a swift and terrible race,

he knows I like him just as well,
as in the days when I rang his bell.

and he rang mine but we were younger then,
and now we are busy, tired men.

tired of playing a foolish game,
tired of trying to make a name.

“tomorrow” I say! “I will call on him
just to show that I am thinking of him.”

but tomorrow comes and tomorrow goes,
and distance between us grows and grows.

around the corner, yet miles away,
“here’s a telegram sir,” “he died today.”

and that’s what we get and deserve in the end.
around the corner, a vanished friend.

socha tha tum mil jaoge

socha tha tum mil jaoge,
dil ki baatein batalaoge,

toota mera sapna jhoota,
humko to sirf isne loota,

soch-soch kar hua main hairan,
tan se lut gayi chain aur jaan,

socha tha sukoon milega,
mann ko thandak pahunchayega,

tum aaoge thandak leker,
mere sar par hath ferker,

poochoge tum mera hal,
main boloonga sar ko jhukakar

tumhari yaad satati hai,
tan mera pighlati hai,
mann hi mann rulati hai..

kehna to bahut kuch tha us din bhi mujhe

bhulkar bhi tujhe bhula naa sake,
aur baar baar yaad karke bhi tujhe yaad aa naa sake,

aisi ki thi kuch paane ki chah humne,
ki phir aur fariyaad ko haath utha naa sake,

num huyi meri aankhein kuch iss tarha tere sitam se,
beet gayi umar par hum muskra naa sake,

waise to tune apna banakar chhod diya tha,
chah kar bhi hum tujhe thukra naa sake,

kehna to bahut kuch tha us din bhi mujhe,
the haalaat aise ki hum lab hila naa sake,

dhadhakta  dil mera, royi thi ruh bhi bahut,
par kaise the bemaane aanshu,

tujhe mere pyaar ka yakeen tak dila naa sake,

bhulkar bhi tujhe bhula naa sake,
jaise yaad kar kar ke bhi tujhe yaad aa naa sake.

ab kya kahein ke hum keise hain

aksar mere apne ye shikaayat dohrate hain,
ke hum unhein apne se nazar nahi aate hain,
kuch to mulakatein badhao,
hum ko jaano aapne aap ko batlaao...

ab kya kahein ke hum keise hain
aur kaise nazar aate hain,
yeh nazdikiyaan kayi baar faasle aur badha deti hain,
bas yahi sochkar hum kuch door nikal jaate hain,

kayi baar aisa bhi hota hai jab hum,
apne saaye se bhi katraate hain,
iss bepanah bheed se bachne ke khaatir,
kahi veeranon mein chale jaate hain,

mujhse nazdikiyaan badhane ke khaatir,
woh mujhe wahaan bhi khoj lete hain,
yeh phone wahaan bhi baj uthta hai lekin,
hum hi shaayad, silent mode par chale jaate hain,

ghar mein aaine nahi kya tumhaare raaj,
log aksar yeh jumle dohraate hain,
kasur in bikhri julfon ka nahi aye dost,
dar-asal aainon se nazrein hum kam hi milate hain,

har koi kehta hai aage badho.. 

kuch naya suruwat karo,
sach to yeh hai ke sochta bahut hai yeh raaj,
aur issi gehri soch ke chalte aksar
apne iraade dhundhle pard jaate hain.

hum bhi nikale hain hosla kar ke

ek patthar ko yun khuda kar ke,
kya mila aisa tazurba kar ke,

dard bardhta gaya dawa kar ke,
lammha-lammha zarra-zarra kar ke,

ban gayi baddua, jo thi kabhi khushi,
jis ko maanga kiye humne dua kar ke,

zakhm khaaye bare-bare humne,
uss se choti si ilteja kar ke,

zindagi aazmaye jee bhar ke,
hum bhi nikale hain hosla kar ke,

raaste mein yakin mila lekin,
woh bhi jaati rahi dagaa kar ke,

sirf yaadein hi humne paayi hain,
bhool jaane ka faisla kar ke,

usski raahon ka rukh agar karna,
zakhm khaane ka hosla kar ke,

yaad rakhna bhalayi auron ki,
bhool jaana magar bahala kar ke. 

kuch log badal gaye hain

kuch log badal gaye hain is raat ki
tanhayion ke, sab rang badal gaye hain,

chaand nikla hai waise hi,
andhere badal gaye hain,

jinke bharose thi khusiyan ,
woh badal gaye hain ,

manzile to abb bhi wo hi hain,
kuch rashte badal gaye hain,

jinpe kiya tha bharosa humne ,
woh dost bichard gaye hain,

dekhe the kabhi jo humne ,
woh khawab badal gaye hain,

jo banaye the kabhi humsafar ,
aaj woh hi mukarr gaye hain,

aise tute huye dil ke shaye,
jazbaat badal gaye hain,

na badale kabhi hum,
na badale hamare khayalat,

bas rona hai yahi ,
kuch log badal gaye hain.

beeti baatein basi hain sanam seene mein

koi jalata hai ghum seene mein,
phir bhi sard hai mausam seene mein,

siskti hain saansein.. bikhar-ti hain baahein,
aab to ghut-ta hai dum seene mein,

bhatak-ti hain raahein.. sulagti hain raatein,
bada mayoos hai aalam seene mein,

roti hain aankhein,  jab yaad aati hain baatein,
beeti baatein basi hain sanam seene mein,

tadpti hain yaadein, nikalti hain aahein,
kayi chippa hai sitam seene mein,
koi jalata hai ghum seene mein,
phir bhi sard hai mausam seene mein.

bhool jane ka jab bhi tumhein irada chaha

maine kab mulakat ka wada chaha,
door reh kar tujh ko aur bhi jada chaha,

har ghadi.. har waqt.. har subah.. har sham,
meri aankhon ne tujhe dekhne ka fasana chaha,

mere dil mein, dardkan ki tarah rahti ho tum,
tere siwa kisi aur ko na sanam hum ne chaha,

mere daman se lipat kar roti hain yaadein teri,
tere khayalon se jab bhi nikalna chaha,

aur bhi shidat se yaad aaye tum mujhe,
bhool jane ka jab bhi tumhein irada chaha.

mohabbat nahi na sahi.. nafrat mere liye hoti

woh phool si muskurahat mere liye hoti,
woh masoom shararat mere liye hoti,

main us zulf ki chaaon main so jaata,
woh kali raat mere liye hoti,

raat bhar woh ghomaati apna kangan,
woh bechayni.. woh betaabi mere liye hoti,

woh ek taara tha khule aasmaan mein,
aye kaash woh roshni mere liye hoti,

mere wazood main bhi zindagi ka suraagh milta,
jo woh jhuki nazar mere liye hoti,

rishta kuch to ban jaata apna bhi,
mohabbat nahi na sahi.. nafrat mere liye hoti..! 

bas aakhri baar tumse milna chahta hoon

suno.. ek aakhri baar tumse milna chahta hoon,
ek aakhri baar tumhari nazaro se nazar milana chahta hoon,

tum bhale mujhse kuch na kaho par,
tumhein apni dil ki saari baatein batana chahata hoon, 
ek aakhri baar tumse milna chahta hoon.

jo gille sikhway hain un sabko mitana chahata hoon,
bas ek aakhri baar tumse milna chahata hoon.

Just Meet Me Once !!

mera dil akela hi to aisa nahi zamaane mein

lagta ek pal hai naya rishta koi banaane mein,
bahot mushkil hai magar door tak usse le jaane mein,

vaada karte to hain ta-umr saath nibhaane ka,
toot jaate magar rishte hain, jaane anjaane mein,

aata kyun hai apnaa bankar koi dil ke kareeb,
jab hoti mushkil hai ek galti bhi bhulaane mein,

khair, accha kiya jo tord diya bharam mera,
sochta tha ke hoon accha dosti nibhaane mein,

toote huye rishte chubhte unko bhi to honge,
mera dil akela hi to aisa nahi zamaane mein. 

chaar kadam bas meri raah jis par main chalta rehta hoon

aur kahan main kuch kehta hoon,
deewaron sa chup rehta hoon,
chaar kadam bas meri raah,
jis par main chalta rehta hoon.

maine hai ek aagn jagaya,
jis mein main jalta rehta hoon,
paani ki bas ek lehar sa,
uthta hoon, girta rehta hoon.

mera kahan kab koi thikaana,
behta hoon, behta rehta hoon,
sukoon maut si meri hasrat,
jiske liye marta rehta hoon.

jhoote sapne aankhon mein kab tak hum sajaayenge

jhoote sapne aankhon mein kab tak hum sajaayenge,
tut jaane par unke phir aanshu hum bahaayenge, 

hain hum insaan, insaan hona khud mein ek sazaa,
jaane kis roz hum yeh baat samajh paayenge.

jeena humko hai khokle riwaazon ko nibhaate huye,
dharm-o-mazhab ke issi bandhan mein jiye jaayenge,

hote jo pancchi naa baandh paati sarhadein bhi humein,
hain jo insaan, bebas bin pankhon ke kahaan jaayenge.

reh jaayegii yeh zindaagi bhi ek samjahautaa bankar,
jaankar bhi hum kuch naa kar paayenge. 

apne usoolon par hum apne andaaz se chalte hain

zindagi ke safar ka tay faasla karte rahe,
nigaahein dhoondhti rahi manzil paanv chalte rahe,

ek gumshuda hoon main is bheed ke shehar mein,
khud ki talaash mein hum sab se milte rahe,

yeh mana murjha kar khaakh mein mil jana hai inhein,
dard-e-dil mein magar umeed ke gul khilate rahe,

dekh kar har hassin chehare ko yeh dua deta chal,
julfon ke saaye tale maikhane khula karte rahe,

apne usoolon par hum apne andaaz se chalte hain,
karte hain jo raaj se gila, woh karte rahe..!! 

jab se tum gaye ho

veeraan hai mehfil meri jab se tum gaye ho,
bujh gayi hai saari roshni jab se tum gaye ho,

andheron ke saaye mein hai abb rooh meri,
roshni ne chhorda daaman jab se tum gaye ho,

dil ki duniya khali hai tab se,  jab se tum gaye ho,
sab aane se darte hain yahan, jab se tum gaye ho,

sheeshe mein dekhta hoon chehra apna to ro deta hoon,
kissi ne na poonche aanshun, jab se tum gaye ho,

khamosh ho chuki hai zubaan, jab se tum gaye ho,
meri aankhon mein toote huye sapne kuch de gaye ho,

unhi sapno mein ab zindagi ki guzzar karta hoon,
us khawab ko torda nahi, jab se tum gaye ho,

door jab tum mujh se ho to yeh khyal aata hai,
kya meri tarah tum bhi aahein bhar rahe ho,

phir jab aati hain mujhe yeh hichkiyaan,
yeh sochta hoon kahi tum mujhe yaad kar rahe ho,

zinda hoon main yahaan to teri hi khatir,
ke maut bhi aati nahi hai,  jab se tum gaye ho,

akelapan hi hai bas sirf abb mere saath,
khushiyan to tum se thi, tum unko le gaye ho.

abb na manzil na rasta hai koi

ek lamhe ki bas khata hai koi,
abb na manzil na rasta hai koi,

kaise saans lena hai, zindagi to nahi,
roz mar mar ke jee raha hai koi,

mein tere pas aa to jaoon magar,
mujh ko roo roo ke rokta hai koi,

mujh ko is raat ki subah to mile,
mein bhi samjhon mera khuda hai koi,

ek lamhe ki bas khata hai koi,
abb na manzil na rasta hai koi.

nakam rehta hoon jab bhi apna koi imtehaan leta hoon

main jab hawa ke iraadon ko jaan leta hoon,
larde bagair hi phir haar maan leta hoon,

gairon ki yaad anghoote se aane lagti hai,
main jab bhi haath mein teer-o-kamaan leta hoon,

fizaa-e-shehar se aati huyi hawaon ko,
main saans lene se pehle hi chhan leta hoon,

barde sukoon se aksar zameen ke bistar par,
ab aasmaan ki chaadar bhi taan leta hoon,

yeh aur baat hai ke poora koi nahi hota,
hamesha dard koi dil mein thaan leta hoon,

yeh wakeya hai ke nakam rehta hoon hamesa,
main jab bhi apna koi imtehaan leta hoon.

ek mithi yaad se jyada mohabbat kuch bhi nah

ek mithi yaad se jyada aaj mohabbat kuch bhi nahi,
gila nahi khud se koi, zamane se shikayat kuch bhi nahi,

dil ke paaon mein mehfuz hai woh khushnuma lamhein,
kitaabon mein phul rakhne ki yun meri aadat kuch bhi nahi,

dil tuta jis din us pal yeh ehsaas hua,
khushiyon ke baazar mein ek aanshun ki keemat kuch bhi nahi,

khul jaye maikhane wahan jahan uthe woh sharaabi aankhein,
ek tute huye paimane ki aur chahat kuch bhi nahi,

daur-e-ulfat ne beshkeemti tazurbon se nawaza raaj ko,
haal-e-zindagi mein chahe inki ehmiyat kuch bhi nahi.

sab wahi hai naya kuch bhi nahi

sab wahi hai ke zamaane mein naya kuch bhi nahi,
haath ki channd lakeeron mein bayaan kuch bhi nahi.

tu jo keh de to tujhe chaand pesh kar doon main,
saamne tere woh pather ke siwa kuch bhi nahi.

paas jo tu nahi to meri jung mukaddar se hai,
paas jo tu hai to phir meri dua kuch bhi nahi.

kab se pardhta hoon ek hi baat unke chehare par,
ji huzur mere chehare pe likha kuch bhi nahi.

jalwe ho tere to phir kyu na marre jaayein hum,

nazar gar garm ho to husn ko haya kuch bhi nahi.

zindagi haar gaye ghum ke saude mein,
aaya hi aaya mere paas gaya kuch bhi nahi.

zinda rehne ko koi to bahana chahiye

safar mein gujari hai umar apni, ab ek thikana chahiye,
ke zinda rehne ko koi to bahana chahiye,

koi to ho jo inn rasmon se elaan-aye-baghawat kare,
kahi to andhere mein koi chirag jalana chahiye,

kab se veeran parda hai yeh aaina–aye–dil,
sochta hoon ab koi naya chehra sajana chahiye,

bahot muddat se banjar hai mere desh ki matti,
shayad ke ab mujhe lout ke ghar jana chahiye,

mujhe to bas uske sath ki tamana thi aye dost,
magar usse mere sath-sath sara zamana chahiye.

zara sa hatt ke chalta hoon zamane ki riwayat se

main logon se mulakaton ke lamhein yaad rakhta hoon,
main baatein bhool bhi jaun to lehje yaad rakhta hoon,

sar-e-mehfil nigahein mujh pe jin logo ki pardti hai,
nigahon ke hawale se woh chehare yaad rakhta hoon,

zara sa hatt ke chalta hoon zamane ki riwayat se,
ke jin pe bojh main daalun woh kaandhe yaad rakhta hoon.

zindagi ka pata nahi maalum

zindagi ka pata nahi maalum,
kuch bhi to tere siva nahi maalum,
jisne baksha hai dard, usko bhi..
dard-e-dil ki dawaa nahi maalum.

dhire hi sahi usne kuch kaha to tha,
hothon par koi baat aayi to thi,
zor-e-lab usne kuch kaha to tha,
bad-duaa thi ya duaa, nahi maalum.

us se jo bhi mili sazaa, seh liya..
humko apni khata nahi maalum,
raat phir neend meri khul gayi,
thi woh kiski sadaa nahi maalum.

jaan dena hi humko aata hai,
ishq ka falsafa nahi maalum,
zindagi ka pata nahi maalum,
kuch bhi to tere siva nahi maalum. 

yeh duniya yeh sansaar kyun hai

bahut socha par main samajh na paya,
yeh duniya yeh sansaar kyun hai?
nafratein hi dabbi hain jab dilon mein,
to cheharo pe jhootha pyaar kyun hai?

kuch bhi to nahi hai iss jahan mein apna,
phir kyu basa hai aankhon mein jhootha sapna,
mitti hai sab.. mitti mein mil jayenge ek din,
phir bhi na jaane khud pe itna ahankaar kyu hai?

main muskuraya bhi bahut mehfilon mein,
maine baati bhi khushiyan zamane bhar ki,
par na jaane phir bhi tanhaiyon mein dil ko
ro kar ke hi milta karaar kyu hai?

barde shauk se log tord dete hai dilon ko,
chand lafzon mein ugal dete hai zehar ko,
jab koi samajh hi nahi sakta jazbaaton ko yaha,
to phir raaj hi berukhi ka hakdaar kyu hai?

nafratein hi dabbi hain jab dilon mein,
to cheharo pe jhootha pyaar kyun hai? 

na jaane aaj bhi in aankhon ko uski talaash kyun hai

ghum-e-zindagi mein dubo diya jisne hamein,
beech majhdaar mein chhord diya jisne hamein,
na jaane aaj bhi in aankhon ko uski talaash kyun hai?

kyu hai woh shaks aaj bhi pyaar ke kaabil,
kyu hai woh shaks aaj bhi iss dil mein shaamil,
door hote huye bhi mujshe woh aaj bhi mere pass kyu hai?

nahi samjah pata ulfat-e-manzar ko main,
na hosh hai khud ki na khabar hai khud ki,
par phir bhi na jaane dil mein uska ehsaas kyun hai?

bahut mile hain log iss duniya mein mujhe,
bahut apnaye hain rishte iss duniya mein maine,
na jane aaj bhi lagta woh rishta khaas kyun hai?

toot ke gir chukka hoon jaise ek laash ki tarah,
aur shayad ruk si gayi hai dhadkan bhi meri,
par na jaane iss jism mein baaki abhi bhi saans kyun hai?

woh na aayi kabhi phir bhi dil ne usse dua di

intezaar mein uske hamne zindagi gawa di,
woh na aayi kabhi phir bhi dil ne usse dua di,

khayi thi kabhi kasme saath nibhane ki hamne,
par usne to har kasam mitti mein mila di,

jaane kyon dekhti hai aankhein aaj bhi uska raasta,
jab usne yeh aankhein bhi ashko se saja di,

bewafai usne nahi hamare dil ne ki hai,
jo jaante huye bhi ki bewafa hai woh, usko wafa di,

khade hain hum to abhi bhi ussi mord pe,
jis mord pe usne mohabbat ki chitta jala di,

hamne sifarish ki uss khuda se aur,
apni saansein bhi uske naam likhwa di.

doston ki hi mehfil mein ek dushman nazar aaya

doston ki hi mehfil mein ek dushman nazar aaya,
mehfil to bhari hi thi yeh dil bhi bhar aaya,

ordhe huye thi nakaab woh sharafat ka iss kadar,
ke pehchan pane ka usko na humein hunar aaya,

bardi chalaaki se kar diye kuch vaar usne,
ke mehfil mein tanha ho ke main bikhar aaya,

kabhi basta tha jo sapna ban ke aankhon mein doston ki,
aaj ban ke aanshon raaj ke aankhon se utar aaya.

na chhed mere jazbaaton ko

na chhed mere jazbaaton ko,
dil ka dard ruk na payega,

jo huyi hulchul itefaak se bhi,
to ghumon ka payimana chhalak jayega.

mat de hawa dabi huyi un chingaariyon ko,
warna tera bhi daaman iss aag se jal jayega.

kaid hai jo dariya in aankhon mein,
mat de usko aur ashko ke moti,
nahi to woh bhi bewajah beh jayega.

kaise bhool paunga woh beete huye pal,
kaise mita paunga uski yaadein iss dil se,
jab ussi ka hi ehsaas meri har saans se ayega.

yeh woh zakhm hai jo mile hain wafa ke badle,
yeh woh tohfe hain jo uski nishaniyan hain,
agar kahu usko bewafa to daag mohabbat pe lag jayega.

chala jauga mehfilon se tanhai mein,
aur phir dhoondhunga mehfilon ko hi tanhai mein,
shayad yehi ek aakhri mukaam zindagi mein aayega.

kyun bichha ke baithu main nigaahe uski raahon mein,
kyun karu aaj bhi intezaar uske aane ka main,
waqt woh bhi na raha to waqt yeh bhi chala jayega.