Skip to main content

Posts

Total Pageviews:

ban naa saka main ek parinda

yeh kaisi zindagi hai, ruth si gayi mujhse, meri zindagi hai.
dukhi jeewan ki vyatha yahi,
kya kahun jo ab tak nahi kahi.

jis par kya viswas,
ussi ne vishwasghat diya.
jis par nyochawar kiya pyar,
usne bar-bar aaghat kiya.

ab to yahi sochta hoon ki,
na hum unki zindagi mein aate,
aur na hi ho pati yeh sab baatein.

kutton se bhi bad-ttr aaj insaan ho gaya hai,
pata nahi kahan brahma ki
kalpanao ka insaan kho gaya hai.

yeh duniya hi ban chuki ek darinda hai,
jisme insaniyat naam ka kuch nahi zinda hai.

mera dil ab tut chuka hai,
iss jeevan se bilkul ruth chuka hai.

har rishtey nate ab mujhse chut chuke hain,
jo kuch bhi tha mere paas,
woh to yeh duniya wale kab ke loot chuke hain.

mujhe to lagta hai ki
mujhse ahcha to woh parinda hai,
jo logon ke hathon mara jata hai,
kam-se-kam iss be-dard duniya se
mukti to pata hai.

ab jeevan mein koi iicha nahi,
kya pata kuch dino baad,
meri lash pardi mile yahin kahin.

ban na chahta tha main unmukt panchi,
par mil gayi mujhe manusya ki yoni,
ban naa saka …
Recent posts

aisi zindagi kisi aur ko na dena

jab koi bhi nahi saath hota hai, tab mera dil bhi rota hai.
jab kabhi bhi raat hoti hai, 
tab aanshon ki barsat hoti hai.

arman, aarzoo ki sanshein nikal rahi hai,
aaj meri umangon ki lashen nikal rahi hai.

har haushla ab mera dher ho raha hai,
charon aur bas andhera ho raha hai.

jo kuch maine saha hai, 
woh kisi se nahi maine kaha hai.
ab to dil ko bhi bhaa chuka hai itna rang yeh kala,
ki aankhein to ab dekh hi nahi pati hain ujala.
aye khuda tu mere zakhmon par aur namak chirak dena,
par aisi zindagi kisi aur ko na dena.

tannha akeli raaton ko

geeli palkein keh jaati hain,
tannha akeli raaton ko,

dhoondhta aisa humdum hoon jo,
rok de inn barsaaton ko,

thaam le soone haathon ko,
aankhon ki zubaani sunn le,

ishq ki saari baaton ko,
lafzon se kya byaan karun main,
iss dil ke jazbaaton ko.

zindagi ne kaha muskuraate huye

zindagi ne kaha, muskuraate huye,
mil to jaao kabhi, aate jaate 
huye,

woh bhi shayad pareshan tha meri tarah,
murd ke dekha to tha, ussne aate jaate 
huye,

aadmi ki hain bahut si majbooriyan,
yeh kaha ussne, mujhko sunaate 
huye,

apne vaade pe jin ko bahut naaz tha,
unko bhi dekha hai humne, baatein banate 
huye,

yaaron.. hum bhi manzil pe aa hi gaye,
thoda ladkhadaate huye, thoda dagmagaate 
huye.

ek aas lagaye baitha tha

ek roz musafir bhatka tha,
tanha tha udaas tha,
ek aas lagaye baitha tha.

na jaane aankhon se kitne,
sailaab bahaaye baitha tha.

uske haath mein kismat ki lakeerein hi na thi,
bas shayad, takdeer ke khayaal se hi,
jaan churaaye baitha tha.

kisi soch mein shayad gum tha woh,
bas tardapti chahon mein
maut ka intezar liye baitha tha.

mera mann manzil ke nishaan dhunde

ek aas liye, vishwas liye,
mera mann manzil ke nishaan dhunde,
manzil ki meethi pyaas liye,
mera mann manzil ke nishaan dhunde.

har kadam pe nirmam kaante hain,
hazaro ghum takdeer ne batein hain,
kadmon ke talle aakaash liye,
mera mann manzil ke nishaan dhunde.

bandhano se khud ko chhudana hai,
ab har zanjeer ko tord girana hai,
khul kar jeene ki aas liye,
mera mann manzil ke nishaan dhoonde.

avichal vichaar prerit karte,
sanskaar mujhe shobhit karte,
ek sthir-adig aatmavishwas liye,
mera mann manzil ke nishaan dhoonde.

pal pal jeevan ka samarpit hai,
inn palkon ka aansu arpit hai,
pal pal ka purwabhas liye,
mera mann manzil ke nishaan dhunde.

kaash mil jaate kahin nazrein bichhaye tum

saal beete.. dil se mere jaa na paye tum,
sham ki tannhai mein phir yaad aaye tum,

har subah paya tumhein khayalon mein apne pas,
raaton ko khawabon mein mere muskaraye tum,

lagte ho mere apne jabase tum ho door,
na jane kyon lagte the pahle kuch paraye tum,

pyar hum se behisab tha tumhein phir bhi,
jaane kyon hum se rahe nazarein churaye tum,

jab tak tum sath the shikway bhi sath the,
kuch nahin ho ab mohabbat k siwah tum,

thak gaya hoon zindagi ki rah mein,
kaash mil jaate kahin nazrein bichhaye tum. 

Flag Counter