apne usoolon par hum apne andaaz se chalte hain

zindagi ke safar ka tay faasla karte rahe,
nigaahein dhoondhti rahi manzil paanv chalte rahe,

ek gumshuda hoon main is bheed ke shehar mein,
khud ki talaash mein hum sab se milte rahe,

yeh mana murjha kar khaakh mein mil jana hai inhein,
dard-e-dil mein magar umeed ke gul khilate rahe,

dekh kar har hassin chehare ko yeh dua deta chal,
julfon ke saaye tale maikhane khula karte rahe,

apne usoolon par hum apne andaaz se chalte hain,
karte hain jo raaj se gila, woh karte rahe..!!