yunhi nikal pade hain shayad tujhse mulakaat ho jaaye

bas yunhi nikal pade hain,
shayad tujhse mulakaat ho jaaye.

ke hum -tum ho chhat par,
aur phir woh barsaat ho jaaye,

din aanchal mein tere gujare,
zulf teri chandani raat ho jaaye,

saanse khusbu se lun teri aur
sulage sulage se jazbaat ho jaaye,

har gazal meri tere naam ki dua ho,
kuch is tarah dil ke khayaalat ho jaaye,

zikra khuda se kardu khuda ka,
aur hardum teri baat ho jaaye,

yeh mana ke tu mukaddar mein nahi,
phir bhi har rahgujar tere saath ho jaaye,

mere aksh main tu nazar aati rahe sada,
aise umr bhar mere haalaat ho jaaye.