let nothing bother you

let nothing ever bother you
don't ever be afraid,
for everything you see each day
is only what man made.

don't listen to the stories
from people who would scare,
and anything that worries you
with friends be sure to share.

look not for ghosts or monster
where spiderweb fill a house,
if anything moves by its self
it might just be a mouse.

the darkness hides no terrors
only what's within your head,
what you believe will do no harm
but check beneath your bed.

kuch aankh mein aanshu baaki hai

sheene mein sulagte hain armaan, 
aankhon se aanshu behte hain,

jab yaad tumhari aati hai,
kuch aankh mein aanshu baaki hai.

jo mere gum ke saathi hain,
kuch sine mein saanse baaki hain,
jo teri yaad mein jeene ko kafi hai.

ab dil hai na koi dildaar hai,
bas mein hoon aur meri tanhaayi hai,
shine mein sulagte hain armaan,

aankhon se aanshu behte hain,

jab yaad tumhari aati hai.

ek aisi aag lagi hai
mann hai ke jeene bhi na de,

aur marne bhi na de.
chup rahun to kaleja jalta hai,
aur boloon to teri rushwayi hai.

na tujhse gila hai humko,

na iss duniya se shikayat hai humko.
ke do char kadam par jab manzil thi apni,

ke tabhi kismat ne khayi hai thokkar apni.

sine mein sulagte hain armaan,

aankhon se aanshu behte hai,
jab yaad tumaari aati hai.

apni zindagi ko bas yun hi guzarte huye dekhta hoon

kabhi chadte to kabhi dhalte huye suraj ko dekhta hoon,
main apni zindagi ko bas yun hi guzarte huye dekhta hoon,

waqt ke haatho ho chala, ek majboor shakhsh hoon main,
har roz yun hi apni tamannann ko marte huye dekhta hoon.

dard aur gum ke milne par koi bhi ranz nahi hai mujhe,
bas ek inhein hi to apne bure waqt main saath dekhta hoon.

har woh cheez jo mujhe lagi kabhi pyaari woh door ho gayi,
ab jo bhi lagta hai pyaara bas usse door se hi dekhta hoon.

aaj har mord pe khudko tannha tannha sa mehsoos karta hoon,
iss duniya mein har rishtey ko rang badalte huye dekhta hoon. 

bepanah chahat hai aaj bhi tumse

bepanah chahat hai aaj bhi tumse,
har roz teri yaadein aati hai mere dar par,

har raat tardapta rehta hoon main to mere ghar par,
har surkh labo ki laali tere jaise lagti hai,

milenge tumse kabhi na kabhi,

yeh dil ki dhadkan kehti hai.

takraar hoti rehti hai meri mere ghum se,
bepanah chahat hai aaj bhi tumse.

aaj bhi main tujhse pyaar karta hoon

jin raaho mein kabhi humari mulaakatein hoti,
aaj bhi un raahon se main roz gujarta hoon.

tu kare naa kare tujhse koi gila nahi, 
par aaj bhi main tujhse pyaar karta hoon.

tere bin zindagi sookha talaab hai jaise,
aaj bhi isse apne aashuon se bharta hoon.

khuda se maut kabhi nahi chahi maine,
dil ke saath tu bhi naa jal jaaye main darta hoon.

tu kare na kare tujhse koi gila nahi par..
aaj bhi main tujhse pyaar karta hoon.

mar gaya to bhi laut kar aaunga tere liye

mere dil mein hai surat uski,
uske siwa koi aur mujhe bhata nahi,

nahi so paata hoon raaton ko,
teri tarah koi pyaar se mujhe sulaata nahi.

pehle hans padta tha baaton par teri,
ab koi mazaak bhi mujh ko hansata nahi,

sookh gaye hain aanshoo bhi mere,
koi gham bhi ab mujhe rulaata nahi,

nahi milta kissi se tevhaaron par main,
aur deepavali par koi deep jalata nahi.

tu saath thi to jeevan mein the kitne rang,
ab to holi bhi main manata nahi,

bin tere mere jeevan mein andhera hai,
koi raasta bhi mujhe nazar aata nahi,

jab se saath chord gayi hai tu,
tabse koi aur mera saath nibhata nahi,

jab se tune thukraya hai jaan,
tabse koi aur mujhe apnata nahi,

lagta tha amrit tere haathon ka paani,
pyasa hoon koi paani bhi ab pilaata nahi,

tere jaane ke baad ho gaya hoon bahut akela,
par yeh dukh mein kissi ko batata nahi.

pyar mein tukde tukde ho gaya dil,
darta hai jas, ab kissi aur se dil lagata nahi,

yoon keh dene se khatam nahi hote rishtey,
kissi ke keh dene se koi mar jaata nahi,

mar gaya to bhi laut kar aaunga tere liye,
kya hua jo us jahan se koi waapis aata nahi.

aye dard chahata rahunga main tujhko

aye dard tu kabhi mere paas naa aana,
kahin tu ho naa jaaye mera deewana.

mere dil ko tukdon mein bikher de,
kuch bhi ho tu apna yeh wada nibhana.

aye dardon ka kafila kahin aur naa jaa,
mera dil hi to hai tera asli thikana.

yeh khushi kis bala ka naam hai,
jara kabhi humko bhi tum batlana.

kuch yun tardpaao mujhko tum aye dard,
ki naa reh paye mere dard ka koi payimana.

aye dard chahata rahunga main tujhko,
chahe ho jaaye dushman tera yeh zamana.

tu to mil jaaye kam se kam mujhko nahi to,
kismat mein hi nahi meri, apni chahat ko pana.

mujhe to yahi chahat hai ki aye dard tu,
mujhko apni kasak se ghayal kar jana.

kuch yun raaj ko aap satate rahiye

humare dil mein aake kaante chubhate rahiye,
issi bahane humse milne aap aate rahiye,

aapka koi dosh nahi tha humare dard mein,
hum hi the bewafa, duniya ko batate rahiye.

hum bhi aapke aashiq the kisi zamane mein,
humne ki yeh galti, humein aap jatate rahiye.

aankhon mein aanshu nahi, muskurat liye sahi,
humare maut ki rasm aap nibhate rahiye.

humare sapno aur yaadon mein jaroor aaiye,
askon ke samundar mein humein dubate rahiye.

apne us nayab andaaz mein hi sahi humein,
aap duniyadari ke gun sikhate rahiye.

kaun jaanta hai hum kal rahein naa rahein,
par saath likhe nagmein aap gungunate rahiye.

haiwan ki bhi rooh kaanp uthe dekh hume,
kuch yun iss raaj ko aap satate rahiye.

duniya wale raaj the shayar ko humesa yaad karenge

arre aaj ka insaan kya iss dharti ko aabaad karenge,
woh to iss dharti ki sewa bhi apne baad karenge.

inn insaano ka bas chale to sirf paison ke liye,
yeh kambakht apni zindagi khud barbaad karenge.

insaano mein aa jaaye sochne samajhne ki shakti,
hum to ab khuda se bas yahi fariyaad karenge.

jo jeete hain khud ke liye na ki dusaron ke liye,
arre woh kis liye iss zindagi ka swaad karenge,

main agar mar bhi gaya to yeh wada raha ki,
duniya wale iss raaj the shayar ko humesa yaad karenge. 

aisa ek samrajya hua karta tha

kabhi iss dharti par,
mera hi rajya hua karta tha,
har shakhs sukhi tha jahan,
aisa ek samrajya hua karta tha.

na koi jaat-paat tha,
na hi koi dharm-majhab tha,
us sundar-si duniya ka,
to har drishya hi gazab tha.

na rajniti thi,
na bhrastachar hi tha,
sab swakch sochte the,
kahin koi kuwichar na tha.

na dikhte the kahin par
saje-dhaje nange,
aur naa hi hote the,
kahin koi dange.

par ab dharti se,
mera wilop ho chuka hai,
sare manwi mulyon ka,
ab khatma ho chuka hai.

main koi aur nahi,
balki insaan hoon,
par ab main, main na raha,
ban chuka main haiwan hoon.

ghuspaithion par rok lagana bhi apni laachari hai

naagrikta kanoon sabhi ke hith mein hi pass hua,
aao sabhi hum yeh samjhe ki kaise hai yeh khaas hua,

ghuspaithi ho kisi desh ke, ghuspaith mein leen rahe,
pak, bangal, mayanmaar ya desh bhale woh chin rahe,

ek bhale samuday tumhara, ek bhale hi jeen rahe,
bharat mein aaker woh sabka, rozgaar to chin rahe,

bharat ka har ek naagrik, har hakk ka adhikaari hai,
ghuspaithion par rok lagana bhi apni laachari hai.

bharat mein yadi sabhi ghuspaithi, yun hi bardte jaayenge,
simmit apne sab sansadhan, kya shuvida de paayenge,

nirlaz hain kuch neta jo, manavta ke hatyaare hain,
fook rahein ghar gadi jinki, woh bhi tumhare bhaai hain,

sardi-garmi har mausam, 24 ghante taiyaar rahe,
rakshak hain jo bharat maa ke, un par patthar maare hain,

wardi apna farz nibhati, unka koi dosh nahi,
hinsa ko har haal mein rokna, reh sakte khaamosh nahi,

47 wala kala itehas, nahi ab dohraana tum,
desh tordne walon ke, behkaave mein mat aana tum,

jaane kab tumko itni si baat samajh mein aayegi,
bharat jaisi izzat tumko, kahi nahi mil paayegi.

sirf juban par bharat maata, dhadkan dhadkan sindhu ho,
ho sakta hai rahe purwaz kabhi tumhare hindu ho,

iss mitti mein pale barde ho, paya tumne pyaar yahan,
samvidhaan mein rahe aastha, sabka hai aadhikaar yaha,

holi ka tevhaar lage  jyun bin rangon ke fikki hai,
kisi ek ki nahi amaanat, bharat desh sabhi ki hai..

naa jane log pyaar kyon karte hai

naa jane log pyaar kyon karte hai?
apna jeena khud dushwar kyun karte hain?
hum to aaj bhi yahi sochte hai ki
bewafaa humesa yaar kyon hote hain?

hothon pe hansi dilon mein khwaab liye rehte hain

hothon pe hansi, dilon mein khwaab liye rehte hain,
shayar to bandh aankhon mein bhi sailab liye rehte hain.

dil zakhmon se chhalni hua rehta hain inka humesha,
jise bhulane ke liye labo pe sharab liye rehte hain.

kitna bhi dard ho jehan mein shayar ke par ,
chehare pe mushkan ek nayaab liye rehte hain.

shayaron ka dil to sagar jaisa aapar hota hai,
dushmanon ke liye bhi woh uphaar liye rehte hain.

yeh raaj to shayar bana hai kyonki,
shayar har sawal kaa jawab liya rehte hain.

kuch taumar mushafir hi rehte hain

kaante hi chubhan de jaroori to nahi,
phool bhi nashtar chubhote hain.

barish hi bhigoye tan-mann jaroori to nahi,
aanshu bhi daaman bhigote hain.

toofan hi duboye kashti jaroori to nahi,
maajhi bhi naau dubote hain.

humesa saath ho karwaan jaroori to nahi,
rashte bhi humsafar hote hain.

har mushafir ko mile manzil jaroori to nahi,
kuch taumar mushafir hi rehte hain.

dil ki baat pahunche labon tak jaroori to nahi,
khamosh lamhe bhi to bolte hain.

murtiyon ki hi ho pooja jaroori to nahi,
neew ke patthar bhi ibadat ke kabil hote hain.

kaise keh doon ki tujhe bhulaata jaa raha hoon

dil ke tukde teri galiyon mein lutaata jaa raha hoon,
har tukde mein teri ek adaa chipaata jaa raha hoon,

tere bina saanson se jism ko sataata jaa raha hoon,
ashq bana ke lahoo aankhon se bahaata jaa raha hoon,

apne janaze pe tera naam gungunaata jaa raha hoon,
andaaz-e-aashiqi jahaan ko sikhaata jaa raha hoon.

har saans mein teri khusbu, har sher teri yaad dilaaye,
to kaise keh doon ki tujhe bhulaata jaa raha hoon,

lakh koshishein ki tune khud ko mujhse chipaane ki,
har guzarte lamhein, main tujhme samaata jaa raha hoon,

teri diye zakhmon ko khud pe sajaata jaa raha hoon,
raaj ko thoda aur ghayal banaata jaa raha hoon.

aam-janta ko bargalaya jaa raha

chand ko suraj bataya jaa raha,
aam-janta ko bargalaya jaa raha,
rashtra-ghatak majhabi logo ko,
ekta ka swar bataya jaa raha.

dwesh, chhal, katu-ta, ghrina, aadhar jinka,
majhabi unmadh hi bypaar jinka,
ab humein insaaniyat samjha rahe.

pit-te hain chhatiyan, chhilla rahe hain,
bichaate hain muthiyan, jhalla rahe hain,
dosh mat dena humein baad mein logo,
dekho sehar ki aur gedard aa rahe.

majhabi chaadar yahan, hum tanne na denge,
dwesh ka darsan yahan chalne na denge,
vishdharo, bhaago hamari bhumi se,
aastin mein saap hum palne na denge.

I was different

as I stood that night, at some height,
having nothing to do, I put my mind at ease,

little did I know that, I would soon feel,
how it feels to watch a drama.

I was a part of a moment ago,
for that while I just,

felt I was different, don’t know why,
but sure I was different,

for that moment I stood breathless,
to hear others drawin breath.

for that moment I remained still,
to see the restlessness around me,

for that moment I put emotions at bay,
to see the smiles or tears of other,

around me and finally I realised in this life,
I been so preoccupied that,

I could never see from a different perspective,
the drama going on around me.

deewaron se nahin to kisase baatein karun

sunane ko to bahut kuch hai
magar kahan se shuruvat karun?

bahut dhokhebaaz duniya mein aaye
kiski baat mein pehle karun?

yeh duniya to bahut badi hai
kiske aage apni fariyad karun?

aanshu to bahut aate hain
kyon in motiyon ko barbaad karun?

iss akelepan mein deewaron se nahin
to phir kisase baatein karun?

sabhi begane hain
kisi apne ko main kya yaad karun? 

jaane kiski aas mein

jaane kiski aas mein,
aaj hoon udaas main,
baitha uske pass mein,
aata usko raas main,
hota uska kaash main,
magar yeh ho na saka...

jaane aisa kya hua,
mujhe ek dard sa hua,
mangi maine ek dua,
le na paaya saans main,
jaane kiski aas mein...

kaash ke aisi baat ho,
ek chandani raat ho,
aur woh mere saath ho,

bas do hi ho hum,
aur na ho koi ghum,
sochta raha yeh baat main
jaane kiski aas mein...

hum nahi koi karz rakhte hain

hum nahi kisi se koi harz rakhte hain,
dil mein sab ke liye pyaar darz rahkte hain.

hum har kaam samay par nibhate hain,
kyunki dil se aage hum farz rahte hain.

jaise ko taisa pe yakeen rakhte hain,
kyunki hum nahi koi karz rakhte hain.

sab ke saath hum wafadar rehte hain,
kyunki nahi shikwa-e-marz rakhte hain.

yeh raaj hindustani hai aur rahega,
kyunki hum sirf pyar darz rakhte hain.

when the sun fades away and darkness leads the way

when the sun fades away,
and darkness leads the way,

you look at me and smile,
all the fears have gone away by a mile,

I am afraid this was just a dream and not real,
I don't know why, fate is so cruel,

here I lie brooding up on your thoughts in solitude,
why can't you feel my love is sanctitude,

as I have many things to ponder,
silence just kills me, and its no wonder,

I try to forget you to go on without, a strife
and that is when I miss you the most in my life.

chalo ek sham aur sahi

ajab si hai zindagi,
jaane kyu tujhe jiye ja rahe hain,
zustzu ab baaki nahi,
jaane kyu behke jaa rahe hain.

aa rahi hai saans jitni,
sochte hain chalo ek sham aur sahi,
kya hai hakikat aur kya fasana,
yehi aaj tak dhunde jaa rahe hain.

kya hai iss zindagi ke mayine,
shayad humein pata ho na ho,
yehi janane ke liye dekho,
hum zindagi tere bagain bhi jiye jaa rahe hain.


roz tu mujhko aajmaati rahi,
aaj hum bhi aajma kar dekh le jara,
zor kitna hai tujhme ya mujhme aye dost,
aaj hum bhi dekhe jaa rahe hain.

tardpaya hai kitna humko,
kya hai mera kasur batla de zara?
tere nashemann mein dekho hum bhi,
thoda jiye thoda marre jaa rahe hain.

ajab si hai zindagi,
jaane kyu tujhe jiye jaa rahe hain,
aa rahi hai saanse aur jitni,
sochte hain chalo ek shaam aur sahi.

door chal kahin veeranon mein raaj

main uska raha, woh begana raha,
meri nazron mein uska hi afsana raha,
pyar uski bewafai pe aaya humesha,
kuch aisa main pagal deewana raha.

jalta raha door shamma se umar bhar,
ek aisa bhi yaaron parwana raha,
kismat hi apni sitamger rahi,
ki nishane pe sar kabhi, sar pe nishana raha.

jisko chaaha wahi na mil saka bas,
yun to kadmon mein sara zamana raha.
kushoor tha raaj ka ki badnam tha woh,
sabab-e-barbadi mein baharon ka aana raha.

door chal kahin veeranon mein raaj,
ab iss shaher mein tera na thikana raha.

jurm itna hai ke sirf unhein chaha

jaate lamhon ko rokna chaaha
phir tera haal puchhna chaaha.

wafa manga tha wafa ke badle,
sochta hoon yeh maine kya chaaha.

barish -e- khayalon mein
ek murakh ne bheegna chaha.

kitni umeedein, kitni hasratein hain,
humne tujhe kya na dilana chaaha.

main tere jaise naamwar to nahi,
par tujhko chaaha to kya bura chaaha?

bichhard ke tujhse agar jee na saka,
marna chaaha to kya bura chaaha?

nakami jawan kholne nahi deti,
kya bataun ke maine kya chaaha.

saza yeh hai ke umra bhar tardpoon,
jurm itna hai ke humne sirf unhein chaha.

rehne de teri wafaaon ka ab hisaab nahi karna

tere jhuthe sawaalon ka jawaab nahi dena,
rehne de teri wafaaon ka hisaab nahi karna,

khafaa hoon tujhse magar itni hi iltezaa hai,
gairon se to milkar mujhpe waar nahi karna,

zidd karta hai dil-e-naadan milne ko tujh ko,
magar aankhon ko tera deedaar nahi karna,

jo tum bhi naa samjhe woh baat samjhaate ho,
ab aise to waqt kisi ka barbaad nahi karna. 

a missing person in my life

sometimes we are lucky enough
to meet a person who stands out,

among all the other people
as being extremely special,

who knows what we
are thinking about,

who is happy for us at all times,
who is always there to talk to us,

who cares about us selflessly,
who is always truthful with us,

sometimes we are lucky enough
to meet someone who is
extremely wonderful,

for me that person
is missing from my life.

gar tu meri yaad mein tardapti to kya hota

tu meri yaad mein tardapti to kya hota,
mere liye tu aanshu bahaati to kya hota?

kabhi koi puchhe tere tutte dil ka haal,
bewafaa bhi tu mujhe kehti to kya hota?

karti tu kisi ko mohobbat dil-o-jaan se,
aur woh tujhko thukraata to kya hota?

yuh nazrein chura ker woh guzrna tera,
mujhse nazrein mila bhi leti to kya hota?

tannha bhi guzar jaayegi yeh zindagi meri,
gar tuu mujhko mil hi jaati to kya hota? 

humein tannha jeene ko majboor kar gaye

gham ke saagar mein hum doob gaye,
armaan humare toot ke bikhar gaye.

khud ko woh jootha saabit kar gaye,
humein tannha jeene ko majboor kar gaye,

aanshoo to unki aankhon se bhi nikal gaye,
haalat dekh taras kha ke woh chale gaye.

mujhe majboor kar ke aabaad woh ho gaye,
meri kahani mein naam apna woh likh gaye.

tum apni yaadein le jaao

tum apni yaadein le jaao,
nind humari tut gayi hai, khawab humare tut gaye,
badal jo gher kar aaye the, bin barse hi laut gaye,
rait pe humne likhi jo kahani thi.. aaker usse mita jaao...
tum apni yaadein le jaao... tum apni yaadein le jaao.

jo tasveerein maine banayi, tumne usme kabhi the rang bhare,
yaadein teri rah-rah ke, karti hai mere zakhm hare,
inn tasvieeron mein jo rang hain.. aaker unhein bhi mita jaao, tum apni yaadein le jaao... tum apni yaadein le jaao.

main apne zakhmon ko saja lu, ya unmein marham bhar du,
apne dil ko main bahla lu, ya isko patthar kar du,
yaadein ab dassti hain tumari.. aaker inhein mita jaao..

tum apni yaadein le jaao... tum apni yaadein le jaao.

duniya walon ne sapno par pehra laga diya

ek garm hawa ke jhoke ne, kal raat achaanak jaga diya,
soye the kayi armaan abhi, usne unko bhi jaga diya.

shayed woh sapno mein aayein, yeh soch ke main soya tha magar,
lagta hai duniya walon ne, sapno par pehra laga diya. 

woh morde siskate hain ab bhi, hum sath-sath chalte the jahan,
unko bhi duniya waalon ne, apna yeh kissa suna diya.

phir goonji thi sehnai kahi, jodde mein saja tha koi kahin,
apni kismat ka khyaal aaya, maine ek aanshu baha diya. 

aisa bhi to ho sakta hai

woh saare ehsaas bhula dein, aisa bhi ho sakta hai,
woh apne vaadon ko bhula dein, aisa bhi ho sakta hai.

yaaron bhari mahfil mein usko, kaise bewafa main kaeh doon,
huyi koi mujhse bhi khata ho, aisa bhi ho sakta hai.

koi roshni ki khatir, ek ghar mein diya le aata hai,
wahi diya aashiyan jala de, aisa bhi ho sakta hai.

kahte hain ek tanha musafir bhi, manzil pa jaata hai,
kisi ko manzil hi thukra de, aisa bhi ho sakta hai.

koi hatheli par chahat mein, apna likh de naam kabhi,
aur usse woh khud hi jala de, aisa bhi ho sakta hai. 

kismat ka kasoor nahi ki safar bhi dard ka tha

kismat ka kasoor nahi, ki safar bhi dard ka tha,
tardpti rait mein chala hoon, ki chhale to aaye honge,

unki pyaas ne khada kiya hoga uska imtihaan,
ki apne haathon apna lahu bhi, khud hi ne chord laaye honge,

apni mohabbat pe dekhe honge jab kisi aur ke aashun,
khud ki barbaadi ke raaste, khud hi bata aaye honge,

jab kabhi kiya hoga uski yaadon ne pareshan bahut,
khamosh andheron mein, ashkon se dil behla aaye honge,

kahi maut baad, na charcha zamane mein tum ban jaao,
apni kismat pe ek anjaan naam likhwa aaye honge. 

tut jaaye dil to kherat mein milti hai tannhai

manzil chord deta hai nav, to sahil nahi milta,
pyar ki kashti ko koi kinara nahi milta,

agar tut jaaye dil to kherat mein milti hai tannhai,
par inn anshuon ko samjhne wala khuda kahi nahi milta.

gar ulfat kuch bhi baaki hai to mujhse milne aa jaao

badi gehari udasi hai, mohabbat aaj pyasi hai,
gar ulfat kuch bhi baaki hai, to mujhse milne aa jaao,

jab tere yaad aati hai, to ek tufaan laati hai,
magar tumko nahi laati, yeh khaali hath aati hai,

meri ujadi mohabbat par, kabhi khushiya mana jaao,
gar ulfat kuch bhi baaki hai to mujhse milne aa jaao. 

ek tannha safar par main chalta raha

raat bhar main apne dil ki guftgu sunta raha,
sar par na jaane kyun, khauf madrata raha,

khud hi afsana bana, afsos hai iss baat ka,
main hamesha dusro ko kisse sunata raha,

dusron ki khusiyon ko tarjeeh main deta raha,
aur khud ki khusiya main kaaton pe bichata raha,

khud hi apne haal pe aane lagi mujh ko hassi,
apni iss halat ke sabko sher sunata raha,

woh bane mehlon ki raunak, aur meri duniya luti,
umra bhar ke liye ek tannha safar par chalta raha. 

kal sunege phir wohi awaaaz aisa socha tha

kal karenge tumse kuch haseen baat, aisa socha tha,
aur kal sunege phir wohi awaaaz, aisa socha tha,

woh tumhara intezaar humko paane ka,
ki woh kashish, woh aitbaar tumko chahane ka,
karenge phir se woh hi baat aisa socha tha,

kal karenge tumse kuch haseen baat, aisa socha tha,
aur kal sunege phir wohi awaaaz, aisa socha tha..!

ke waqt le gaya hai phir tumhari baaton mein,
kamosh pal guzar rahe tumhari yaadon mein,

jaha tardap hai tere dil mein.. pyas woh meri hai,
jaha sukoon nahi dil ko.. yaad woh teri hai,
kahenge tumse yehi baat.. aisa socha tha,
kal karenge tumse kuch haseen baat, aisa socha tha,
aur kal sunege phir wohi awaaaz, aisa socha tha..!!

tumhari aur humhari baat aaj na hogi,
yeh doorian rahengi, doori paas na hogi,

karenge doorion ko paas, aisa socha tha,
kahenge tumse yehi baat, aisa soch tha,

kal karenge tumse kuch haseen baat, aisa socha tha,
aur kal sunege phir wohi awaaaz, aisa socha tha..!!

life changes so much, make it count

life changes so much.
at times we want it to speed up,
others we want it to slow down.

but time always goes just the same,
one second after the other,
turning into minutes, turning into hours.

but in this time we learn, love, laugh, and change.
sometimes slowly, other times drastically.

then there are the times, we wish we could go back,
and do things over…
but if we did, we wouldn't be where we are now.

time is such a delicate thing,
so easily are time can come to an end
or a new begining.

we need to take that time and use to the best,
dont spend it miserable and upset
you only get one shot at it,
make it count.

kaash woh gulaab ka phool jo tumne kabhi diya tha sookhne se pehle kho gaya hota

kaash woh gulaab ka phool
jo tumne kabhi diya tha,
sookhne se pehle kho gaya hota,
to aaj achanak kitaab kholne par
mere hosh kho naa gaye hote.

kaash woh bargad ke ped
jispe humara naam likha tha,
aari se kat gaya hota,
to aaj achanak usse dekh kar
mere dil par aari naa chalti.

kaash woh rassi ka jhoola
jispe kabhi hum jhoolte the,
kisi ne utaar liya hota,
to aaj achank usse dekh kar
mera chehra uttra naa hota.

kaash woh saaree tasveerein
jisme hum saath hain,
sab jal gaye hoti
to aaj achanak usse dekh kar
mere dil jalta na hota.

paise ke peeche bhagte bhagte woh apno ko peeche chord aaye the

paise ke peeche bhagte bhagte woh
apno ko peeche chord aaye the,
mil to gaya tha unhein sab kuch
par kabhi santusht nahin ho paaye the.

kho gaye the duniya ki chamak mein
so gaye the rupayon ki khanak mein,
payi thi unhone bas joothi shaan
yeh paaakar hi samajhte the woh mahaan.

zameer aatma ko bech daala tha
saara dhan isliye kaala tha,
paise se sab kuch kharid sakte hain
aisa bacchon ke dimaag mein daala tha.

insaan hokar bhi veh insaan naa the 
humne to dekhe kabhi aise hevaan naa the,
paise se kharid lenge pyaar ko
itne bhi woh paise wale balwaan naa the.

sab kuch hokar bhi woh gareeb the
koi apne naa tha aise naseeb the,
apne bhi unse door rehte the kyonki
upar se hi bas wohi shareef the.

mohabbat ek jua hai

tanhaiyon mein hamara haal woh hua hai,
bistar ki silwaton ko tumhe samajhke chua hai,

yeh jaante hue ki tum paas nahi mere,
nazron se phir bhi bachake jaam ko chua hai,

agar miloge kayamat mein to kayamat hi aaye,
subah shaam honthon pe bas yeh dua hai,

chehra dekh ke hi mera samajh jaoge,
beete dinon mere saath kya-kya hua hai,

zinda hoon kaise main yeh jaan lena,
dhardkano mein teri aawaaz ko suna hai,

samajh paya hoon ab iss khel ko,
daaon pe hai saansein.. ki mohabbat jua hai,

aa bhi jaao ab aur kitna tardpaogi,
bagiya mein dekho naya gulaab khila hua hai,

ram se bhi maanga tujhe rahim se bhi maanga,
mila de jo tujhse bas woh hi khuda hai.

tere diye zakham bharte kahan hain

tune to koi kasar chodi na thi humein maarne mein,
par pyar karne waale aasani se marte kahan hain?

shuruaat se katal hi to karte rahe ho mera,
ab teri kaatil addaon se hum darte kahaan hain?

hogi na tujhe koi taqleef meri wajah se,
aise haseen vaade hum aaj kal karte kahan hain?

jee to karta hai tu jab tak jeeye tadap tadap kar jeeye,
par bhagwaan bhi saari dua poori karte kahan hain?

chaha to bahut tujhe ek khuwaab samajh kar bhula doon,
par sanam tere diye zakham bharte kahan hain?

kabhi miloge humse to puchunga ek hi sawaal...
yeh zameer, aatma, mohabbat aakhir bikkte kahan hain? 

humne ab yeh kissa sunana chord diya

unko bhi jab apni kasme apne vaade yaad nahin,
humne bhi unke khuwabon ko sajana chord diya.

aate hain abhi bhi ashq in aankhon mein,
farq itna hai humne inko bahana chord diya.

uthti to abhi bhi hai kasak dil mein unse milne ki,
humne par ab dil par taras khana chord diya.

woh jagah woh fizaa jahan milte the kabhi,
humne ab un thikano par jaana chord diya.

woh haal kiya hai usne mere dil ka,
humne ab shama jalana chord diya.

door rehkar bhi mujhse.. khush reh lete hain,
humne ab unpar nazar lagana chord diya.

milte to abhi bhi hain kai rehnuma,
humne par ab dil lagana chord diya.

kyon kiya usne aisa mere saath,
humne ab yeh ghuthi suljhana chord diya.

khayi hain jabse usne meri jhothi kasam,
humne tabse kasam khana chord diya.

naa aana kabhi bhool se saamne mere,
humne ab unki soorat pehchana chord diya.

dekhi nahin jaati halat unki tasveeron ki,
humne unko seene se lagana chord diya.

yeh mat soch ke unhe badnaam karenge,
humne ab unpe ilzaam lagana chord diya.

maanga tha unhein kabhi har duaaon mein,
humne ab dua mein haath jordna chord diya

naa woh pyaar naa dosti nibha paaye,
humne bhi unhein ehsaas dilaana chord diya.

bharte hi nahin hai unke diye zakham,
humne ab marham lagana chord diya.

naa jaana mere hanste huye chehre par doston,
humne ab yeh kissa sunana chord diya. 

tune jo bewafai ki kya hum samajhte nahin the

tune jo bewafai ki kya hum samajhte nahin the?
yeh aur baat thi ki hum kuch kehte nahin the,

toda mere dil ko yeh samajh mein aata hai,
chhoda kyon apne dil ko, kya hum wahan rehte nahin the?

aaj lagte hon tumhein gair kitne hi acche,
kal tak meri wafaon par kya tum marte nahin the?

naa jaane kya tujhe humme pasand nahin aaya,
tere ek ek sitam ko kya hum sehte nahin the?

aaj juda hokar bhi teri aankhein khushq hain to kya
kal tak kya mere liye inse ashq behte nahin the?

milte to humein bhi the kai rehnuma,
farq itna hai ku hum dil fenka karte nahin the.

aati hai teri yaad to hum toot ke bikharne lagte hain

jab teri yaad ke zakhm bharane lagte hain,
kisi bahane tumhein phir yaad karne lagte hain,

jab kabhi woh baatein, woh mulakate yaad aati hain,
phir hum tere khyalon mein utarne lagte hain,

apni yaadon se keh do woh ab to na aaya kare,
ab aati hai teri yaad to hum toot ke bikharne lagte hain,

kabhi tum aa jaogi meri aanshuon se pighal kar,
yeh soch kar pal-pal tera intezaar karne lagte hain,

tum aati nahi ho, apni yaadon ko bhej deti ho,
yahan hasrat-e-deedar mein hum har roz aahein bharne lagte hain.

afsosh... ki koi humse wafadar na tha

ghum ki hadhon se bahar nikalna koi muskil na tha,
agar muskil tha to teri yaadon ki giraft se nikalna tha,

humdam bhi hain, humraaz bhi hain iss mehfil mein,
afsosh... ki koi humse wafadar na tha,

chahhat ki raah mein luta diya jo bhi mere pas tha,
phir bhi pyar mera teri nazar mein kabhi aitabar na tha,

humne to hans kar tere waadon par jaan de di,
dum tordne par bhi mere janaze ko tera sahara na tha

kyun ka sawal chhubhta hai ab bhi

dard hota hai dil mein aaj bhi, aanshoo ab aate nahi,
sooni si ho jaati hain aankhein, zakham ab utna satate nahi,

kyun ka sawal, chhubhta hai ab bhi teer rah rah kar,
magar yeh teer ab lahoo ke aanshoo mujhe rulaate nahi,

awaaz teri sunn kar bhi kar deta hoon anshuna sab kuch,
dhawani tere shabdo ki, ab dil ko sehma paati nahi,

dab chuka hai sab kahin ander mere,  jaise ban gaya ho shamshaan,
magar phir bhi kuch jazbaaton mein se saansein jaati nahi.

toote sapno sang rahna achha lagta hai

apni duniya mein rahna achha lagta hai,
toote hain sapne, toote sapno sang rahna achha lagta hai.

chaah badi thi.. dekhun iss duniya ko main,
dekh kar duniya ka haal, akela rahna achha lagta hai.
toote hain sapne, toote sapno ke sang rahna achha lagta hai.

har koi kahe mujhko apna, par sabse mujhko ab dar lagta hai,
woh na samjhe mujhko, main na samjhu unko, 

sab kuch dhoondhla dhoondhla sa lagta hai.

chahe woh bolun main bhi duniya ki boli, 

mujhko khud main rahna acha lagta hai.
toote hain sapne, toote sapno ke sang rahna acha lagta hai.

jab soch kar agge barda, dukh hi maine paaye hain,
shayad yeh duniha mere liye nahi, 

na jaane kyun hum iss duniya main aaye hain,
mujhko chord kar jaana hi sabko phir achha lagta hai,
toote hai sapne, toote sapno ke sang rahna acha lagta hai. 

bani hain deewarein mere dil ke tukdon se

banaya hai mere aashuon par aashiyana apna,
jo aaye bech mein sailaab to shikyat naa karna.

bani hain deewarein mere dil ke tukdon se,
jo dhardkane lage tukde bhi to shikyat naa karna.

rangi hain deewarein mere khun ke katron se,
jo tapkane lage bech mein to shikyat naa karna.

bani hai chatt mere tute hue armaanon ki,
jo gir jaaye bech mein to shikyat naa karna.

laga is par mere sabr ka darwaaza hai,
jo tut jaaye bech mein to shikyat naa karna.

hai kaid mere saansein inn fizaon mein,
jo aaye meri khushbu to shikyat naa karna. 

dil mein ek soonapan lag raha hai

koyi mere tarah mere sawaalon mein uljha
kahin jaag raha hai?

mujhe aisa kyon lag raha hai,
shayad koi dabbe paun se aayega.

ek halki si dastak dega, 

apne hone ka ehsaas karayega,

achhank yeh kya hua hai,
mujhe yeh khalipan kyun lag raha hai?
saare jazbaat kahin kho gaye hain,
naa dukh hai naa dard, naa hi koi chah hai.
ek soonapan sa dil mein jaag raha hai.

kaise jeeyunga sochta hoon,
kaise bharunga yeh khalipan,
kaise bharunga ye khali mann?
kaun nayi rah dikhayega?

shayad koi dabbe paun se aayega,
ek halki si dastak dega, 

apne hone ka ehsaas karayega.

thodha sa pyaar dikhyega,
dil mein ek vishwas dilayega,
mujhe apna banayega,
pyaar ke sapne jagayega,
mera soonapan bhar jayega,
par kaun aayega?

yahi soch raha hoon aur dil mein
ek soonapan lag raha hai...

nothing left but an empty picture frame

nothing left but an empty picture frame,
hopes and dreams that went up in flames.
the picture of you and me ceases to exist,
like a dream disappearing into the mist.

the picture perfect you is an illusion,
leaving me in dis-belief and seclusion.
foolishness prevented me to see
the power you had over me.

tempting me with love and affection,
ending with feelings of rejection.
taking away the picture in my mind,
of a true love I can find.

taking back the love, you proclaimed,
leaving me broken and never the same.
nothing left to reclaim,
but an empty picture frame.

har roz is dil ne ek naya ilzaam liya hai

mohabbat ne dil se mere yahi kaam liya hai,
tujhe yaad kiya hai, sirf tera naam liya hai,

simatt aayi hai duniya ek tere chehre mein,
aankhon ne aankhon se paigaam liya hai,

shama jalti hai tere intezaar mein har raat,
ishq ne mera imtehaan har shaam liya hai,

jis ka nasha na utarega umar bhar mujhe,
pyaar ka haathon mein woh jaam liya hai,

mat puchho kya-kya sitam na sahe humne,
har roz is dil ne ek naya ilzaam liya hai.

aaj phir wohi pyaasi shaam hai

aayi phir wohi pyaasi shaam hai,
phir wohi intezaar ka mukaam hai,

lut gaye yeh neend-o-karaar ab,
aarzu mein tere.. dil hua nilaam hai.

karte hain sawaal yeh lab mujhse,
muskaan kis cheez ka naam hai?

kahaan dhoondhu main us shakhs ko,
la-pata woh, shehar gumnaam hai.

aa ja ke saansein hain pareshaan,
tere bagair lage zindagi ilzaam hai,

sab paa kar bhi kuch nahi hai paas,
bas yeh jazba-e-ishq nakaam hai.

you have no idea the pain that you put me through

you broke my heart, 
you crushed it like dirt, 

but you have no idea how much it hurts. 

you made me cry for hours & hours
but even worse I lost all power
my heart was ripped,

a piece forever lost
but you have no idea–no idea the cost, 

the cost of my love that you got for free
you brought me happiness you brought me glee, 

it made me sad to see you happy
how could you go on.. leave me feeling so crappy? 

I am heartbroken… forever scarred
but your life is wonderful
and my life is barred, 

away from love, away from you,
oh god, you have no idea the pain 

the sadness that you put me through.. 

tera pata to yaad raha khud ka thikana bhool gaye

hum ne aap se pyaar kiya muskurana bhool gaye,
apne dil mein aag lagayi aur bujhana bhool gaye..

deewana ho gaye sanam, tere ishq mein hum itne,
tera pata to yaad raha, khud ka thikana bhool gaye..

socha na tha ulfat kabhi iss mod par laayegi humein,
dil lagaana bhool gaye,  fitrat-e-aashiqana bhool gaye..

kehte rahe hum sab se.. zindagi zinda-dili ka naam hai,
behaal huye khud iss kadar,  jeene ka bahana bhool gaye..

aanshoon teri aankhon ki, girti hai aankhon se mere,
ishq jo humne ki sanam, tum usse nibhana bhool gaye.

hum musaafir safar pe hi chalte rahe

woh suraj ke taraah aag ugalte rahe,
hum musaafir safar pe hi chalte rahe,

woh beete waqt the, unhein aana na tha,
hum saari raat karwat badalte rahe,

dil bhi pighla hai mom ke taraah unke bin,
hum umar ki tarah sirf dhalte rahe,

aashiyana ujda tufaan ki taraah,
kyun kareeb se mere woh nikalte rahe?

manzil aye ishq paane ki ummid mein woh,
mord pe har raah kaise badalte rahe..?

gar nasib mein nahi tum to kaisa nasib,
band-e-ghum mein hi hum roz galte rahe,

hausle past nahi hote hain unke kabhi,
aandhi mein jo diya ban ke jalte rahe..

dard mein khil khilaana seekh liya maine

zindagi tujhe sataana seekh liya maine,
dard mein khil khilaana seekh liya maine,

darr mujhe to ab andheron se lagta nahi,
dil-e-aashiq jo jalaana seekh liya maine,

zindagi mein mere woh aate kyun nahi,
sapnon mein bulaanaa seekh liya maine,

dil ki baatein bayaan kar deti hai nazrein,
ab nigaahein churaana seekh liya maine,

musibaat ke waqt saath chhordte hain sab,
in logon ko aazamaana seekh liye maine,

kuch bhi nahi hai zindagi ka falsafaa,
bemaan hasratein lutaana seekh liya maine,

aage manzil bhi hai, karwaan bhi ahi,
ummedon se dil behlaanaa seekh liya maine..

kiya pyaar par jataaya nahi

chup raha, bataaya nahi,
kiya pyaar par jataaya nahi,

dil ke zakham nasoor huye,
marz ki dawaa karaaya nahi,

barbaadi par dil roya bahut par
kisi ne mujhe hasaaya nahi,

zindagi bikhri, armaan bikhare,
kisse to thik se saltaaya nahi,

kah ke bewafa woh chal diye,
samjhe khud par samjhaaya nahi,

waqt gujra, ek umar gujra,
ashiyaana koi basaaya nahi,

halat dekh kar kahte hain log,
kya pyaar par nibhaaya nahi.

yeh dil hai pyare bachana iss ko

yeh dil hai pyare, bachana iss ko,
chahat ke raaste na dikhana iss ko,

pyar karna buri baat nahi lekin,
kisi bewafaa se na lagana iss ko.

dushmanon se to tum bachte rahoge yakinan,
yaad rakh.. doston se bhi chupana iss ko,

agar koi thukraye to bhool jaana usse,
na maane to, pyar se samjhana iss ko.

kabhi iss par koi sitam na karna,
raaj ki tarha na tarsaana iss ko.

dil ke zakhmon ko koi shaayri kahe

dil ke zakhmon ko koi shaayri kahe to parwah nahi,
dard to tab hota hai jab koi wah wah kare!

bhula di woh tu ne mohabbat ki baatein

nighahein mila kar badal jaane waale,
mujhe tujhse koi shikayat nahi hai,

yeh duniya bardi sangdil hai,
yahan par kisi ko, kisi se mohabbat nahi hai,

jafaaon se tu ne mere dil ko torda,
mujhe tu ne zaalim kahin ka na choara,

huwa mujhko maloom, sab kuch lutaa kar,
wafaa ki yahaan koi keemat nahi hai,

na pehle se din hai, na pehli si raatein,
bhula di woh tu ne mohabbat ki baatein,

sunaaye the jo tu ne jhoote fasaane,
zara si bhi unn mein hakeeqat nahi hai,

karoon main jo faryaad apni zubaan se,
girein toot kar bijliyaan aasmaan se,

main ashkon mein saare jahan ko bhua doon,
magar mujh ko rone ki aadat nahi hai.

kaise keh doon sirf saans se zinda hoon

alvida keh kar jab koi aankhon se door hota hai,
aankhein dekhti rehti hain lekin dil rota hai,

koi kahe na kahe juban se magar
dil mein dard jarur hota hain.

saanse lene se teri yaad aati hai,
na lene se meri jaan jaati hai,

kaise keh doon sirf saans se zinda hoon,
kambakht saanse bi toh teri yaad ke baad aati hain,

kisi ke dil mein basna bura to nahi,
kisi ko dil mein basana khata to nahi,

gunhaa hai yeh zamane ki nazar mein to kya hua,
zamane wale bhi insaan hai koi khuda toh nahi,

pyar ka zajbaa bhi kya khub dikha deta hai,
ek ajnabi chehre ko mehboob bana deta hai,

maine to usse zindagi bhar ka saath manga tha,
ussne to mere dil se khel kar wapas kar diya. 

kahan aye dost chalte jaa rahe ho

kahan aye dost chalte jaa rahe ho,
bohut aage nikalte jaa rahe ho,

chale jaao magar yeh to bata do,
yeh raaste kyu badalte jaa rahe ho?

dilon ko ishq ki sooli chada kar,
kahan ab haath malte jaa rahe ho?

hume samjha rahe ho pyaar se tum,
suno tum bhi badalte ja rahe ho,

utha kar bojh kaandho par jafa ka,
suna hai phir sambhalte jaa rahe ho,

lagi ho chot koi dil pe jaise,
utha kar dard chalte jaa rahe ho,

bada kar dosti raaj  se,
kaha shaayon mein chalte jaa rahe ho?

jaao chale jaao
kabhi na wapas aana,

bohut door chale jaao,
kabhi peeche mudh kar na dekhna,

magar jaane se pehle,
mere ek sawal ka jawab de kar jana.

jab sari duniya soti hai hum chand se baatein karte hain

jab sari duniya soti hai, hum chand se baatein karte hain,
ek khwab hai jo in aankhon mein, har roz sajaya karte hain,

woh raat kabhi to aayegi, jab chand humein mil jayega,
uss raat ko aksar soch ke hum, har raat guzara karte hain,

yeh chand kabhi chhup jata hai, badal mein rooth ke humse jo,
hum aanshun bhar kar aankhon mein, ro ro ke pukara karte hain,

ek roz kabhi to aayega, jab humse nahi roothega yeh,
yeh soch ke ab iss chand ko, hum har roz manaya karte hain. 

kise achha kahu aur kise kahu bura

kise achha kahu aur kise kahu bura,
yaha to juth bhi imandari se bolte hain,

socha kasi jab kisi juth ko juth sabit karna ho to karte kaise,
yaha to sach bhi beimani se bolte hain,

be-nakab kare kaise un mukhoton ke pichhe chippe cheharo ko,
yaha to mukhota bhi chehare se bolte hain,

dekh kar be-gunah nazro ko bas itana sa khayal aata hai,
kis nazar ko be-gunah kahu, yaha to gunah bhi begunahi se bolte hain.

go ahead and take the leap

take a breath..  step into the light
and know that you are going to be alright!

those tears will dry, that heart will mend,
keep one eye out for that angel god will send!

now you feel broken,
but know things will get better!
let God put all of your broken pieces back together.

he is reaching out to you now…
will you take his hand?

his arms are always open!

here is your chance to break free from all your insecurities,
so go ahead..! take the leap.

meri haar jitna teri jeet mein dum nahi

ab tumhein dekhne ka koi arth nahi,
mujhe samajh sake aisa tera dil nahi,

main chaha karu tujko aur tu nafrat kare mujko,
ab yeh mujhe manjur nahi,
agar main haara hoon aur tu jeet gayi hai,to meri haar jitna teri jeet mein dum nahi,

khush naseeb hai woh jise tu mil gayi,
par usmein main kya kar saku kyunki
mere haatho mein tujhe paane ki
koi lakeer nahi.

aanshu nikle aur aankhein zuk gayi par
kab tak yeh aankhein bhigota rahu,
main tumhein dekhu aur tum mujhe na dekho
isiliye ab tumhein dekhne ka koi arth nahi.

main likha karu aur tum padh na sako,
agar padh sako to samajh na sako
to phir mere gazal likhne ka koi arth nahi.

kyun kahani meri itni aadhuri hai

kyun zindagi ne tumse milaya humein,
aur phir iss tarah se juda huye hum,
kyun tumko dil itna chahata hai,
phir har baar tumse milne ko tardpe hai mann.

kyu humare dil ko phir se dhardkana shikhaya tumne,
kyu humari aankho ko woh sapne dikhaye tumne,
jo ummeed pahele se hi mit gayi thi,
kyu us ummeed ko phir se jagaya tumne?

hum to dost the dost hi rahne diya hota,
kyu apne dil ke kone mein bithaya tumne?
kyu har insaan mein tumhein main talashta hoon,
ab to yeh aankhein bhi tumhein dekhna chahti hai.

kyu har aawaz pe main chaunk uthta hoon,
kyu har khushbu mein tumhein khojta hoon,
kyun zindagi se kuch maang nahi sakte?
tumko kabhi aapna keh nahi sakte.

kya iss ke baad bhi jeena aasan hoga?
kya ab hum mar bhi nahi sakte?
bas yahi iss dil ki majburi hai,
kyun kahani meri itni aadhuri hai?
kyun sapne aise dekhein maine,
jiski wajeh se aaj zindagi mein yeh tannhai hai.

the sun is rising

the sun is rising, strong are his rays,
spreads his warmth everywhere, 

all are his ways.

the life we owe to him, he is the reason so bright,
when we are sad from the darkness of life, 

he makes everything seems so right.

his rays are the energy, his heat is the passion,
a new days begins with him, he is the enthusiasm.

so much to do in a lifetime, he makes us feel delight,
everything would seem so dark and dull, without his sight!

when we see the sun rising, 

rises my thoughts and inspirations,

I feel the sun gives us a reason to smile, 

look forward as he is the symbol of motivation.

har sans sulajh rahi thi uljhane ko tum aa gaye

har sans sulajh rahi thi,
uljhane ko tum aa gaye.
jo aag bujh rahi thi,
bhardkane ko tum aa gaye.

har kadam thakka hai, kathin raasta hai,
jeene ka hosla par dard ka silsila hai,
sans tut rahi hai,  jeena dushwaar hai,
ab iss dil ko maut se pyaar hai.

main phir bhi jee raha hoon,
azmane ko tum aa gaye.
main kab ka kho chuka hoon,
batane ko tum aa gaye.

koi kehta yahan zindagi sujj gayi,
main kehta yahan zindagai mitt gayi,
ek tamana yahan, ek tamana wahan,
ek bharosa yahan aur bewafai wahan.

har zakham khil raha tha,
dil jalane ko tum aa gaye.
rashte pe main chal parda tha,
behkane ko tum aa gaye.

har sans sulajh rahi thi,
uljhane ko tum aa gaye.
jo aag bujh rahi thi,
bhardkane ko tum aa gaye.

aaj samane hoke bhi woh kitne anjaane hain

aaj woh samane hain par anjane hain,
phir bhi unko hi chahte hain, 

hum kaise deewane hain?

rote hain na haste hain, na kisi se kehte hain,
woh mere hoke bhi mujhse begane hain,

pas hain itni ki chu le hum unhein,
par dooriya kuch ajeeb hain, sab rishte bemane hain,

hum kya kare.. kya na kare?
aakhir hum na sahi woh to humare apne hain,

aaj samane hoke bhi woh kitne anjaane hain,
phir bhi dil unhein hi chahta hai, 

hum kaise dewane hain. 

tere liye kya kuch kar gaye hum

tere liye kya kuch kar gaye hum,
apno se hi khafa aaj ho gaye hum,

intezaar mein iss kadar kho chuke hum,
na jaane kitne saal aaise jee chuke hum,

tumhein kabhi kyun na bhula sake hum,
yaadon ko dil se kyun na mita sake hum,

aankhon se aanshu kuch baha gaye hum,
mehfil mein aaj tannha tannha rah gaye hum,

saagar ki gehrayinon mein simat gaye hum,
tumhari khushboon se aaj mehak gaye hum,

mohbbat ke kuch raaz ab samjh gaye hum,
bewafai bhi iss kadar tum se sikh gaye hum. 

khwaab huye dhundle aur unhein khoya

yun hi zindagi ko sanjoya,
khwaab huye dhundle aur unhein khoya.

kalam ko shihayi mein duboya,
phir ek ek moti saath piroya,

halke se – kahi chub naa jaaye,
yeh kaanch ke tukro sa dil,
sab tukdo ko saath rakha to
dekho khud ko kabhi tannha naa paaya.

mein aur kuch soch.. gehri sagar si,
iski lehron par kaabu kaise paaun,
jo de iss dil ko sukoon,
woh saugaat aye dard kaha se laun?

ek ek moti se gharda bharta hai,
par daaman jo yeh bhara hi nahi,

jo mila.. usse chaha nahi,
jo chaha.. woh kabhi mila hi nahi,

yun hi zindagi ko sanjoya,
ek ek moti sang piroya.

I would never forget

precious are the times which we shared
but why in return you never cared?

I cared so much for you
that in caring I became insane,

was there anything missing in it
that you always gave me pain?

I would never forget..
I always wished for your happiness,

if circumstances could be converted,
why then thinking day and night of you
left me just hurted?

how you left me
you can never guess,

being in this world today
everywhere I have loneliness,

before that, these times were beautiful,
full of happiness and no regret!

but then you tought me a lesson
I would never forget!

jee rahe hai aise jaise koi tamnnna hi nahi hai

dil ke zakhmon ko abhi seeya nahi hai,
dard shayad bhada hai par itna nahi hai,

unhone chord diya haath par humein gila koi nahi hai,
shayad yeh thi kimsat humari, dil kehta hai woh bewafa nahi hai,

roye ya hanse, jeeye ya mare, ab hum sochte hain,
jee rahe hai aise jaise koi tamnnna hi nahi hai.

bas muskrate jaaye

bas muskrate jaaye jeewan ki pyari rah mein,
dil ko lagate jaaiye jeewan ki pyari rah mein,

hai zindagi choti magar ghum ke fasane hain bade,
har ghum bhulate jaiye jeewan ki pyari raah mein,

mousam ho mohabbat ka, har taraf bahar ho,
teer ho nigahon ka, dil nishana yaar ho,

pyar ki barsaat mein bhige sabhi ke dil yahan,
dil se dil mil jaaye sabke, har taraf bas pyar ho,

tardap uthe armaan sabhi, jo dil ne dil ko yaad kiya,
ho gaye yeh aankhein nam, jo dil ne fariyaad kiya,

aye khuda rakhana salaamat,  jo the kabhi dil mein mere,
tord ke ek pal mein jisne, dil ko mere barbad kiya.

meri pyaari behna

seep ke moti, gale ki mala si hai.. meri pyaari behna,
baba ki pari, maa ka gehna.. meri pyaari behna.

ghar ke har koona khusbu se mehkati.. meri pyaari behna,
hum sab ka saaransh hai.. meri pyaari behna.

ghungru si khanakti, panchi si chhehakti.. meri pyaari behna,
sang mein kheli-kudi badi huyi hai.. meri pyaari behna.

thaa pata ek din mujhe bahut rulayegi.. meri pyaari behna,
par khushi hai do pariwaron ko ek sath roshan kar rahi.. meri pyaari behna.

tu sada hasti muskaati rahe... meri pyaari behna,
ishwar se bas yehi kehna hai... meri pyaari behna.

Happy Bhai-Dooj... Kabita & Babita.

jab bhi kabhi achaanak dil dhadakne lage

jab bhi kabhi achaanak dil dhadakne lage,
meri khusboo tumhare honthon par mehakne lage,

dil khud ba khud koi geet gungunane lage,
labon pe muskaan bikharne lage,

jab kabhi saanoson mein ek ajab thandhak mehsoos hone lage,
baat dil ki jubaan paer aaker bayan karne lage,

chandani raat mein dil machalne lage,
to samajh lena maine tumhein yaad kiya. 

aisa aur kaun hai jaisi meri maa hai

dhup mein chaaya jaise, pyas mein dariya jaise,
tann mein jeevan jaise, mann mein darpan jaise,

haath duwaon wale roshan kare ujjale,
phool pe jaise shabnam, saas mein jaise sargam,

prem ki moorat, daya ki surat,
aisi aur kaha hai, jaisi meri maa hai..!

jab bhi andhera chaa jaaye, woh deepak ban jaaye,
jab ek akeli raat sataye, woh sapna bann jaaye,
ander neer bahaye par bahar se muskaaye,

kaaya woh paawan si, mathura vrindawan jaisi,
jiske darsan mein ho bhagwan,
aisi aur kaha jaisi meri maa hai..!

Happy Birthday Maa

ab bas ki ab aur nahi

ab bas ki ab aur nahi,
subah shaam yahi kashmakash chalti rahi,
tumhaari tasveer kayi baar nigaahon mein
aa aa ke pighalti rahi,

kitni hi baar waada kiya khudse,
kitni hi baar koshishein bikharti rahi,
doori bhi naa bana saka tujhse aur
nazdikiyon ki khwaaish bhi nikalti rahi,

aisa nahi aadtan tujhse judi,
yeh taareekh bhi bhula di maine,
jaane kyon, par kayi baar yeh ungliyaan
tumhare number pe aa aakar fisalti rahi. 

kitna acha waqt tha jo kitne jaldi beet gaya

kitna pyara dil tha mera,
dard mein kaise bheeg gaya,

hansta har dum rehta tha jo
rote rote bheeg gaya,

khusion se daman jhatak ke
kam ka matlab seek gaya,

kaise meri haar huyi kab
kaise koi jeet gaya,

kitna acha waqt tha jo
kitne jaldi beet gaya.

ek aam aadmi..

ek aam aadmi..
khaamosh se in raahon mein bhatakta,
iss bhare se aasmaan mein apnaa,
astitva dhoond paane ko tarasta, 

ek aam aadmi..
do joon roti aur ek chhat ke khaatir,
in tez raftaar se bhaagti sadkon par,
zindagi se bhi dheemi chalti bason par,
roz bhagwaan bharoose latakta,

ek aam aadmi..
apne lehraate kheton ko dekh kar muskurata,
apni chhoti-chhoti khushiyon ki khaatir,
chhote-chhote se sapne sajata aur
unke poora na ho paane se ghabrata,

ek aam aadmi..
shehron ki chakachoundh se door,
uoonchi-uoonchi meenaaron se bharpoor,
motaron ki hord se anjaan,
apne chhote se ghar pey rang-rogan lagata,

ek aam aadmi..
sard kohre mein ghar se nikalkar,
apne maveshiyon ko chaara jutata,
seena cheerti thand se lardta,
apne kheton mein paseena bahata,

ek aam aadmi..
apni naakaamiyon ka maatam manata,
roz chulhe ke khaatir lakdiyaan jutata,
internet aur globalisation ke iss daur mein bhi,
pichhili sadi se bhi pichhla nazar aata.

asli karmveer

jhulasti dhup mein aksar
woh nanhe masiha nazar aa jaate hain,
jinke pairon ko zakhmon ki aadat hai,
woh apne dard ko nazar-andaaz kar jaate hain.

unki kameezon par pure batan nahi hote,
phir bhi shaan se ithlaate hain,
kabhi caron ke sheeshe chamkaate,
to kabhi jute polish karte nazar aa jaate hain.

woh kisi doud mein shaamil nahi,
unhein koi mukaam bhi nahi bhata,
woh us sukhi roti mein bhi khush hain,
jiska ek tukda bhi humaare,
gale se neeche nahi jaata.

unki baaton mein badi saralta hai,
woh chikni chupdi baatein nahi banatein hain,
har din naya sagharsh hai unke liye,
woh apne aur apnon ke khaatir,
khun paseene ki tareh bahaate hain.

hum sirf mohobbat ke dard se lardte hain par,
yeh roz jaane kitne dardon se lard jaate hain,
jaane jamaane ki nazaron mein kya hain woh,
mujhe to woh sab asli karmveer nazar aate hain.

ho sakta hai kuch haasil na ho tere intezaar se

woh parinda apni choti si umr se
achhi uddan bhar leta tha,

nadi pahard to choti baat thi
woh saagar tak paar kar leta tha,

aksar apni chhamtaon ko dekhkar
woh foola nahi samata tha,

aatmvishwas abhimaan ban-ne laga tha uska,
ab woh jameen par panw na rakh paata tha,

yoon to aksar nazar aata tha woh,
ek roz chaand usse bha gaya,

chahat sirf nigaahon tak naa rahi,
uska dil chaand par aa gaya,

apni naadaan chaahat ke chalte
woh apne paroon par,
kuch jada hi vishwas karne laga,

chaand ki doori se anjaan,
woh apni udaan bharne laga,

ek umr urdne ke baad uski,
ummeed ne dum tord diya,

iraade to majboot the uske,
par uske paroon ne saath chord diya,

apni iss naakaami ke chalte,
usne paroon ko fadfadana chord diya,

girne laga waapas zameen par,
aur jeene ka khayal chord diya,

shayad uske naseeb mein
dard aur bhi paana tha,

mar naa saka iske baad bhi
woh jaan gaya tha ab usse,
dobaara naa urd paana tha,

aaj bhi takta hai chaand ko
woh ussi se nazrein bachakar,

phir moond leta hai palkon ko
shaayad apne aap pe sharma kar,

har raat ke baad ujli subah ho
yeh jaroori to nahi,

ghtaaien bhi chha sakti hai,
ho sakta hai kuch haasil na ho tere intezaar se,

par zindaagi ka koi waada bhi nahi aye dost..
mout kisi waqt bhi aa sakti hai.

zindagi apne aap jeene ke raaste dikha rahi hai

zindagi apne aap jeene ke
raaste dikha rahi hai,
kalpnaaon ki kalayi mein hakiqat
aaj saaf nazar aa rahi hai.

kuch baatein jo paheli thi
humaari kachi umron mein,
aaj khud apne aap ko
khol kar dikha rahi hai.

maana aashmaan ko chuti thi
us umr mein khwaishein apni,
par accha hi hai zindagi humko
zameen par rehna sikha rahi hai.

waise alag hi mazaa hai
khuli aankhon se jeene ka,
manzilein bahut door sahi
par saaf nazar aa rahi hai. 

iss dard aur tanhaai se mera rishta bahut puraana tha

iss dard aur tanhaai se to mera
rishta bahut puraana tha,
par teri berukhi ne mujhko
kahin gehare tak hila diya,

main aksar sochta aye dil
ki bada hausla hai mujhme,
teri meherbani se tufaan kuch aisa utha,
meri saari dariya-dili tak urda diya,

tujhse milne ki tamaam koshishein,
mere ghumon ko aur bardhati rahi,
main til-til tardapta raha yunhi,
aur aahista-aahista tu door jaati rahi,

khone laga kahi mera vishwash bhii,
jo mujhe auron se juda banata tha,
barbaad ho hi gaya teri mohobbat mein,
jo kabhi apne aap par itraata tha.

bas ek adna sa intezaar hai

shukriya aye dil gar yahi inaam hai mohobbat ka,
hum isko bhi muskuraa kar liye jaayenge,
kuch din to guzar gaye tumhaari aarzoo ke chalte,
aur kuch tumhaare intzaar mein guzar jaayenge, 

kaun kehta hai ki sangdil ho gaye ho tum?
kaun kehta hai ki tangdil ho gaye ho tum?
hum to jab bhi tumhaare dar pe pahunche..
aksar woh bhi paaya jiski ummeed naa thi kie jaayenge, 

mukkaddar jaane kaun kehta hain ki woh khuda likhta hai,
meri kismat to har baar tum hi likhte rahe,
jab bhi socha ke naseeb shaayad abke badal jaayenge, 

kuch lamhein tumhaare.. abtak mere paas rakhe hain,
main ussi mord pe thehraa hoon iss ummeed se ki shaayad..
woh waqt palat ke aaye ya naa aaye,
tumhaare kadam tumhein waapas le hi aayenge, 

bas ek adna sa intezaar hai,

abto saans lene aur jeene ke darmiyaan,
dekhein ab baaki ki zindagi hum saans lekar ya jeekar bitaayenge.

tum tannha hi reh gaye

woh shehar bhi chhord gaya
jo kabhi apna sa lagta tha,

un apnon se naata tut gaya
jinse bichadna ek sapna lagta tha,

main hairaan tha fitrat-e-insaan se
sab ke sab ek saanche mein dhal gaye,

chehre to sabhi jaane pehchaane the
phir achanak kaise badal gaye,

kuch khas to naa kamaaya tha
siway mohobbat ke lekin,

meri iss kamaai ke chehre se
mohobbat kaa hi rang utar gaya,

phiki muskrahaton mein chipe
woh chehre hi baaki reh gaye,

nasamjhi mein jinhein shayad hum mere apne keh gaye,

afsos teri naakami par chaand
chaandni  bhi teri naa ho saki,

inn sitaroon ki bheed mein bhi
tum tannha hi reh gaye. 

yeh to apni apni adda hai

baat woh hi nahi karte,
kehna to humein bhi aata hai, 

yeh to apni apni adda hai,
koi keh deta hai koi chup reh jaata hai. 

perhaps I’ll find you again someday

I happened upon your memory today, 
I try to forget, but in my mind you stay.
heartbreaking it was that we said goodbye,
it was for the best, I can’t lie. 

I know that you loved me, I even felt it too,
but I still couldn’t bring myself to loving you.
this chapter of my life just isn’t over yet,
still, you are a part of me that I can’t forget.

you’re still my solace on those lonely nights.
you still keep me warm, and hold me tight. 
I hear your laughter, I can see your smile.
you are the only one that soothes me,
no matter the miles.

so, if it’s true things happen in mysterious ways,
then perhaps I’ll find you again someday. 
I wanna hold you, and look into your eyes,
as we share our first kiss,
and our last kiss goodbye.

for now, I hope your “promise” is lying next to you,
loving you completely, the way I couldn’t do.
and I hope your heart’s as filled as it could ever be,
but please, could you save a little spot for me. 

aye geet mere.. kisiko udaas mat karna

geet mere kisi ko udaas mat karna,
kisi ke nain saagar mein neer mat bharna,

dukh apna le mann ke shishe mein jad kar,
muskurana sikh le tu khushi se bichad kar, 
peeda ki chaap adhar dawaar par mat dharna, 
aye geet mere.. kisi ko udaas mat karna.

kanth maun hoga.. yeh sawar maun honge,
ek deewas jab mere adhar maun honge,
patjhad mein phoolon sa yun mat bikharna, 
aye geet mere.. kisi ko udaas mat karna.

sangam hriday ka.. hriday se karane,
dwesh aandhiyon mein.. prem deepak jalane,
marne se tu sau baar mat darna,
aye geet mere.. kisi ko udaas mat karna.

wafa bhi kijiye.. magar tannha tannha

main tannha, mera dil tannha,
mere ghazal, mere geet tannha,

meri soch tannha, mere jazbaat tannha,
mere har din aur raat tannha,

dhalte hain lafz mere ghazlon mein,
jab main likhoon, mere ehsas tannha,

har roz hoti hai meri mulakaat unse,
hote hain mere neend mein khawab tannha,

apna mohabbat mujhe lagta hai kareeb,
jab main hota hoon, sirf tannha tannha,

soch to yeh hai iss bewafa jahan mein raaj,
wafa bhi kijiye.. magar tannha tannha.

zindagi ne humein kisi ka na hone diya

zindagi ne humein kisi ka na hone diya,
kabhi unhone kabhi zamaane ne rok liya,
ab to issi umeeed par sirf jeete hain hum,
kabhi to iss tanhaai se ubhrenge hum.

kanton se darta raha dil par phoolon se bhi chot khaya

kabhi pyar ne kabhi nafrat ne hardam mujhe aajmaya,
kanton se darta raha dil par phoolon se bhi chot khaya,

dushmano ka shikwa kya kiya jaaye iss zindagi mein,
doston ke mehfil mein hi yeh aksar aanshoon bahaya,

sikha tha isne hardam sirf pyar hi karna,
nafraton ki bhird mein aksar yeh rashta banaya,

num aankhon se muskarana kitna mushkil hota hai,
ab tak yeh dard bewafa jahan samajh na paya,

ghumon se dosti karo “raaj“ gujar jayegi yeh zindagi,
inn aankhon ko koi haseen khawab raas na aaya.

tu yaad aati rahi.. tujhe bhulaane ke baad bhi

dil se mita na sake ek zamaane ke baad bhi,
tu yaad aati rahi.. tujhe bhulaane ke baad bhi,

tere sath tujh mein magan tha tamaam waqt,
tujh mein khoya raha.. tere jaane ke baad bhi,

sab kuch apna loota-te rahe teri chaahat mein,
zinda hain.. tujh pe yeh dil lutaane ke baad bhi,

samandar-e-tannhai mein dooba hi rah gaya main,
pyaar mein tum se dil lagaane ke baad bhi,

tum phir bhi ajnabi ho mohabbat ke waste,
iss tarah raah-e-rashm bardhaane ke baad bhi.

kadam-kadam nishan dhundhta raha

kadam-kadam nishan dhundhta raha,
main ek naya hi jahaan dhundhta raha,

bahut se kafile mile the raah mein, 
jaise main apne karwan dhundhta raha,

chand ke mohabbat mein main chot khakar,
iss dharti par main aasman dhundhta raha,

ajeeb shaks hoon main khushi ka ek pal bhi,
ghamon ke mehfil ke darmiyan dhundhta raha,

mujhe bayan kar raha tha koi shaks kabhi,
lakh dastanon mein main khud ko dhundhta raha.

inn zakhmon pe namak laga kar dekh bahut maja aayega

zindagi se pyar ko bhula kar dekh, bahut maza aayega,
dil se dil ka sauda kar ke dekh, bahut maza aayega,

payr kya hai.. sirf dillon ka sauda, 

iss saude ko tord kar dekh, bahut maza aayega.

zindagi hai ek jua.. khel kar dekh, bahut maza aayega,
tu bhi kisi ka dil tord kar dekh, bahut maza aayega,

hassin kehati hai sari duniya jisse, 

usse tukdon mein la kar dekh, bahut maza aayega.

mohabbat ko kafan pehna kar dekh, bahut maza aayega.

sari duniya ko joot bana kar dekh, bahut maza aayega,
toote dil ke saaj ko baja kar dekh, bahut maza aayega.

zakham hi zakham hain tere naseeb mein raaj,
inn zakhmon pe namak laga kar dekh, bahut maja aayega.

tannha-tannha hi zindagi mein kuch pane ki koshish karte hain

aankhon ke aanshoon ke sath muskarane ki koshish karte hain,
ghumon mein doob kar khud ko behlane ki koshish karte hain,

dukhon ke sath-sath chalte hue iss zindagi ki raah mein,
har waqt, har pal khushi ke geet gane ki koshish karte hain,

zindagi dubi hai meri nakamiyon ke andhere mein,
tannha lardte hue halat se, deep jalane ki koshish karte hain,

koi sath nahi deta, tannhai hi mukaddar ban gayi,
tannha-tannha hi zindagi mein kuch pane ki koshish karte hain.

yeh bhi beet jayega

ghum ke badal se bheegi palke..
yeh bhi beet jayega,
sunehre sukh mein khushiyan chalke..
yeh bhi beet jayega.

samay ke saath mausam bhi badalta hai,
suraj ke saath din bhi dhalta hai,
patjhad ke baad phool bhi khilta hai,
saawan ke baad badal bhi dhalke..
yeh bhi beet jayega.

sone ke mahal, heeron ke haar,
khushiyon ka aangan, dhan ki bauchaar,
motiyon ka maala, ratno ka shringaar,
reshmi parde, farsh makhmal ke,
yeh bhi beet jayega.

dard ki chingari se jalta hriday,
daridra ki bhukh, mrutyu ka bhay,
peeda ke pal, dukh bhara samay,
pahaad sa bhaari mann, aansu kuch halke.. 
yeh bhi beet jayega.

koi zakham ab chhubhta nahi

koi zakham ab chhubhta nahi,
dil hai pathar ki kuch sunnta nahi,

tannhai ka sath pasand aata hai humein,
ki koi dost humein apna lagta nahi,

ghum bhi kaha apna raha ab,
inn ankhon mein woh dikhta nahi,

kanch ke tukdon mein dekhun to
koi aks apna sa lagta nahi,

lekar baithein hain ek tasveer aisi
jisme koi saaya dikhta hi nahi,

meri tanhaiyon par hasne walon,
yeh janaza hai mere armano ka,
koi tamasha nahi.

reh kar phoolon ke aas pass inn kanton se rishta rakhte hain

reh kar phoolon ke aas pass
inn kanton se rishta rakhte hain,
inn jhuthi muskrahton ke peeche
ashkon ke sailab chupa ke rakhte hain.

na dekh le koi mere beete huye lamhein,
har lamhein ko is duniya ki
nazron se bacha kar rakhte hain.

kahi bhool na jaaye teri yaadon ko isleye,
har zakhm ko nasur bana kar rakhte hain.

mumkin kaha kisi ke jazbat ko samjh pana,
isliye har jazba iss juban mein daba kar rakhte hain.

hota yeh mumkin kaise

hume to kisi ka sahara na tha, 

door khadi thi kashti par koi kinara na tha, 

humne to chaha tha saath humesa chalna, 

par waqt ko hi saath humara gwara na tha, 

kuch kadam ke fasle the
kuch meelon ke duriyan thi,
kaun aata yahan jab kisi ko aana hi na tha. 

sitare bhi zamin par aa jaate hain,
jab kisi ke dil mein chahat hoti hai,
sikwa kya karein kisi se,  

 jab kisine kuch chaha hi na tha.  

mit jaati dooriya,
mit jaate fasle bhi,  

agar hoti khwahish dil mein,
par hota yeh mumkin kaise,  

jab kisi ko dooriyan mitana hi na tha.

ruke huye kadam phir chalne lagte,
bhool jaate woh yaadein bhi, 

par hota yeh mumkin kaise, 

jab kisi ko woh yaadein bhoolana hi na tha.

humne dosti ke liye apne duhsman chune hain

chord kar saath phoolon ka humne kante chune hain,
bhool kar khushiyan humne ghumon ke tarane chune hain,

bheed se ho kar juda humne tannha safar chune hain,
din ke ujjale jab chubhane lage tab inn raton ke saaye chune hain,

jee rahe hain jinake sahare humne un yaadon ke fasane chune hain,
duniya jise deti hai deewangi ka naam, humne har kadam aise sapne chune hain,

har lamha khud ki talash mein, hum duniya se door ho chale hain,
shikwa kare to bhi kare kiss se, humne hi dosti ke liye duhsman chune hain. 

chalte rehna hai yunhi waqt ne yahi bataya hai

chalte rehna hai yunhi,
waqt ne yahi bataya hai, 
jee lijiye har pal ko hanste hanste,
har mord par yahi smajhaya hai.

mana ki tut jaate hain
ret ke mahal bar bar,
khud ko behalne ko humne, 

phir ek mahal banaya hai.

chahata to bahut kuch yeh insaan,
par sab kuch hasil kaha kar paya hai,
phir bhi jo gir gir utta baar baar, 

wahi toh yaha jee paya hai.

jisne pee liye hain aanshu apne,
wahi iss hansi ki keemat jaan paya hai,
ghum utaya ho iss zamane mein wahi
iss duniya ko jeet paya hai.

bas intezar hai yahan

kisko dhundhe hain aankhein meri
bas tanhahiya hai yahan,
dikhte hain chehare nahi
bas parchahiyan hai yahan, 

door tak na koi shor hai
bas sannate hain faile hue,
na koi lamha hai na koi pal hai
bas intezar hai yahan. 

din ke ujjale mein dekhun jo
nazar aati hai kuch tasveerin yahan, 
kuch to hai magar phir bhi
rehati hai khamoshiyan yahan.

haste huye chehare to hain
par udasiyan hai yahan, 
waqt gujarta jata hai har pal
phir bhi thehra hua sa hai yeh shama.

aankhon mein sapne zinda
dil mein yaadein jawan,
poochte hain khud yeh humse
aa gaye yeh hum kahan?

gir ke phir sambhal ke yeh kya maine kiya

gir ke phir sambhal ke yeh kya maine kiya,
ab puchho na tum kyun aisa maine kiya,

laane ko mushkuraahat hothon pe unke,
katal bhi phoolon ka maine kiya,

dil ne chaaha aabad woh hamensha rahe,
unke naam saari khushion ko maine kiya,

afsoos raha na milega koi hum sa unhein,
hadd se jaada pyaar to maine kiya,

naa mili manzil magar dikha di raah unhein,
yeh jeevan mera safal to maeine kiya. 

tab nahi tha kuch kehne ko ab sehna mushkil lagta hai

tab nahi tha kuch kehne ko,  
ab sehna mushkil lagta hai, 
aanshoon palkon pe therey hai, 
girna mushkil lagta hai, 

kitni bojhil lagti sansey, 

kitni dharkan murda hain,
jeeney ki majboori ho jab, 

merna mushkil lagta hai.

jo dekha murd kar to jana ki yeh to weham mera hai

na yeh shehar tera hai,

na yeh shehar mera hai,
ajanbi si deewaron mein,

charo taraf se ghera hai,

har kadam par koi aahat, 

har kadam par koi awaaz,
jo dekha murd kar to jana, 

ki yeh to weham mera hai.