kuch taumar mushafir hi rehte hain

kaante hi chubhan de jaroori to nahi,
phool bhi nashtar chubhote hain.

barish hi bhigoye tan-mann jaroori to nahi,
aanshu bhi daaman bhigote hain.

toofan hi duboye kashti jaroori to nahi,
maajhi bhi naau dubote hain.

humesa saath ho karwaan jaroori to nahi,
rashte bhi humsafar hote hain.

har mushafir ko mile manzil jaroori to nahi,
kuch taumar mushafir hi rehte hain.

dil ki baat pahunche labon tak jaroori to nahi,
khamosh lamhe bhi to bolte hain.

murtiyon ki hi ho pooja jaroori to nahi,
neew ke patthar bhi ibadat ke kabil hote hain.