aye dard chahata rahunga main tujhko

aye dard tu kabhi mere paas naa aana,
kahin tu ho naa jaaye mera deewana.

mere dil ko tukdon mein bikher de,
kuch bhi ho tu apna yeh wada nibhana.

aye dardon ka kafila kahin aur naa jaa,
mera dil hi to hai tera asli thikana.

yeh khushi kis bala ka naam hai,
jara kabhi humko bhi tum batlana.

kuch yun tardpaao mujhko tum aye dard,
ki naa reh paye mere dard ka koi payimana.

aye dard chahata rahunga main tujhko,
chahe ho jaaye dushman tera yeh zamana.

tu to mil jaaye kam se kam mujhko nahi to,
kismat mein hi nahi meri, apni chahat ko pana.

mujhe to yahi chahat hai ki aye dard tu,
mujhko apni kasak se ghayal kar jana.