paise ke peeche bhagte bhagte woh apno ko peeche chord aaye the

paise ke peeche bhagte bhagte woh
apno ko peeche chord aaye the,
mil to gaya tha unhein sab kuch
par kabhi santusht nahin ho paaye the.

kho gaye the duniya ki chamak mein
so gaye the rupayon ki khanak mein,
payi thi unhone bas joothi shaan
yeh paaakar hi samajhte the woh mahaan.

zameer aatma ko bech daala tha
saara dhan isliye kaala tha,
paise se sab kuch kharid sakte hain
aisa bacchon ke dimaag mein daala tha.

insaan hokar bhi veh insaan naa the 
humne to dekhe kabhi aise hevaan naa the,
paise se kharid lenge pyaar ko
itne bhi woh paise wale balwaan naa the.

sab kuch hokar bhi woh gareeb the
koi apne naa tha aise naseeb the,
apne bhi unse door rehte the kyonki
upar se hi bas wohi shareef the.