mohabbat ek jua hai

tanhaiyon mein hamara haal woh hua hai,
bistar ki silwaton ko tumhe samajhke chua hai,

yeh jaante hue ki tum paas nahi mere,
nazron se phir bhi bachake jaam ko chua hai,

agar miloge kayamat mein to kayamat hi aaye,
subah shaam honthon pe bas yeh dua hai,

chehra dekh ke hi mera samajh jaoge,
beete dinon mere saath kya-kya hua hai,

zinda hoon kaise main yeh jaan lena,
dhardkano mein teri aawaaz ko suna hai,

samajh paya hoon ab iss khel ko,
daaon pe hai saansein.. ki mohabbat jua hai,

aa bhi jaao ab aur kitna tardpaogi,
bagiya mein dekho naya gulaab khila hua hai,

ram se bhi maanga tujhe rahim se bhi maanga,
mila de jo tujhse bas woh hi khuda hai.