naa milte humse tum to behtar hota

naa milte humse tum to behtar hota,
naa hoti yeh mulakaat to behtar hota.

naa tardapti jism ki deewaron mein rooh,
naa bikharte mere jazbaat to behtar hota.

naa aate yahan hum aur tum kabhi,
naa bannti yeh kaaynat to behtar hota.

naa chahte tujhe yoon toot kar hum,
naa hote til til barbaad to behtar hota.

chaha tha rab se tujhe bhoolun na kabhi,
karta na yeh fariyaad to behtar hota.

ashkon ne ek ek zakhm mehkaya hai,
naa hoti yeh barsaat to behtar hota.

phir pyaas jagi hai dil mein tere dard ki,
teri bewafaiyon se ho jata tript to behtar hota