khud mein ek insaan rakho tum

geeta ya kuran rakho tum,
mann mein itna dhyaan rakho tum,

tut na paaye mann ka mandir,
har dil mein bhagwaan rakho tum,

dharti banegi pyaar ka saagar,
auroan ka ehsaan rakho tum,

bunn jaaoge tum bhi paygmber,
khud mein ek insaan rakho tum,

bardh jaayegi dil ki kheemat,
pyaara sa mehmaan rakho tum,

jeet hi loage duniya ek din,
jazboan ka tufaan rakho tum,

yaad rakhegi duniya tum ko,
apni ek pehchaan rakho tum,

kaam nahin hai koi mushkil,
dil mein yeh eemaan rakho tum,

duniya tum ko chaahegi,
bas chaahat ka armaan rakho tum,

dil hai tumhaara moam ke jaisa,
iss par na chattaan rakho tum,

pachtaaoge tum kisi din,
dil mein na shaitaan rakho tum.