ab lagta hai jaise tum kabhi saath the hi nahin

mere kareeb se tum aise uthe,
ki ab lagta hai jaise saath the hi nahin.
sapne batorne ke liye waqt to mila,
par uss mukaam par mere haath the hi nahin.

sejh par saath dekar tum subah aise the ki,
ab lagta hai tum uss raat the hi nahin.
sapne batorne ke liye waqt to mila,
par uss mukaam par mere haath thhe hi nahin.

phir ek din tum ajnabi aise hue jaise,
dil mein kabhi koi jazbaat the hi nahin.
sapne batorne ke liye waqt to mila,
par uss mukaam par mere haath the hi nahin.

laut kar aaye, ek baar phir tum mere paas,
par tab wo haalaat the hi nahin.
sapne batorne ke liye waqt to mila,
par uss mukaam par mere haath the hi nahin.