ab kya kare?

jab dard nikal naa paaye, sukh jaaye.. to kya kare?
ashk paani ki jagah lahoon barsaaye.. to kya kare?

dhadkan aur zindagi ka kitna hota gehara naata,
dhadkan hi kaanto sa chubhta jaaye.. to kya kare?

rim-jhim barish ka paani pallavit kare har dil ko,
woh jab tufaan ka aagaz kar chaaye.. to kya kare?

andhere se dara mann chikh kar bulaata apane ko,
jo apani chaaya ko bhi dekh na paaye.. to kya kare?

ek apana ek sapana zindagi ke do rukh ban gaye,
sapne ki khushi bhi bichhadane aaye.. to kya kare?

aalam yeh aisa ghir raha, dard ko tannha sahane ka,
dar se maut bhi apane saath na le jaaye.. to kya kare?

aanshuon ko jalaakar, khush hote rahein kai dino se,
ab yeh ashk bhi mera mazaak udaaye.. to kya kare?

apni hi talaash mein ghoomate rahe kaanto mein bhi,
khood ka wajood hi prasshn uthaaye.. to kya kare?