phir woh aayenge aur mere dard duhaai denge

phir woh aayenge aur mere dard duhaai denge,
kab ke khaamosh raaz aankhon se sunaai denge,
ek baar chorde to behte hi chale jaayenge,
apne aanshun ko hum kuch aise rihaai denge.

puchenge kaise ho, to usse muskura kar dikhayenge,
aankhein chura kar apne yaar ko safaai denge,
phir woh aayenge aur mere dard duhaai denge,
kab ke khaamosh raaz aankhon se sunaai denge.

phir hum unke haal chaal se mukhaatib honge,
ghum dbaa kar khushiyon ki badhaai denge,
ek baar chorde to behte hi chale jaayenge,
apne aanshun ko hum kuch aise rihaai denge. 

jab unke rishte ko le kar duniya humse sawaal karegi,
buraai le kar bhi, hum ussko bhalaai denge,
phir woh aayenge aur mere dard duhaai denge,
kab ke khaamosh raaz aankhon se sunaai denge,
ek baar chorde to behte hi chale jaayenge,
apne aanshun ko hum kuch aise rihaai denge.