ek baar mujhe gale se lagao tum

apni yaadon ke liye bhi itna mat tarsaao tum,
jab chahun mere khyalon mein aa jaao tum,

maine wafa nibhayi hai har daur mein,
apni wafa ki ek jhalak to dikhao tum,

lab sile rahe aur hum muskuraate rahe,
khamshiyon mein siskiyan chhupate rahe,

ab woh dard geet ban nikla hai kalam se,
ek baar apni aawaaz mein gungunao tum,

duriyan ab to duriyon se bhi door kho gayi,
itni lambi saza mujh bekasur ko mili,

bhula do saari khatayein, mita do saare gile,
bas ek baar mujhe gale se lagao tum.