kisi par vishwaas karne se darr lagta hai

duniya mein mera dil nahi lagta, har koi paraya lagta hai, 
darr aur koi nahi mujhe par kisi ko apnane se darr lagta hai. 

duniya mein shaamil hokar bhi jaane kyu hoon duniya se door, 
ab to mujhe jaane kyu apne aap se bhi darr lagta hai. 

kaun deta hai yahan saath kisi ko barso ki doori tak, 
tannha sa rehta hoon ab main, bas bherd se darr lagta hai. 

har koi ek jaisa, jaise kisi ka koi imaan nahi, 
hai har shaks beyimaan, iss baat se darr lagta hai. 

himaat bhi itni nahi ab ki aur dhokhe bardaash kar le hum, 
pehle kehte the kaash sapne pure ho, 
ab to kaash kehne se bhi darr lagta hai. 

roo bhi nahi sakte duniya ke saamne, 
aur muskaan bhi raas aati nahi, 

chupaye kya muh apna tanhayo mein, 

mujhe ab har saath se darr lagta hai.

khud se hi ghabraata hoon, aur bechain bhi hua karta hoon,
aree dukhi hi rehne do yaaron, ab to chaain se bhi darr lagta hai.

dekhne wale bhi dete hain marne ki hi dua doston,
maut bhi apna le to shikwa na kare, 

mujhe to jeene se darr lagta hai.

khwaab kamiyaabi ko chhune ke, kabhi mere bhi hua karte the,
ab arzu rahi hi nahi, ab to tarrakki se bhi darr lagta hai.

dushman koi hai nahi aur dost bhi ab banata nahi,
kya nibhayun rashmein-riwajein, ab to inn juthi rashmon se darr lagta hai.

kisi ka na hai bharosa iss dil ko, kisi se na hi aas,
hua kuch aisa mere saath, 

kisi par vishwaas karne se darr lagta hai.