she just left

and she left him..

without giving him reason,
she just not left him alone,

she left him with the pain
of not knowing the reason,

left him with life time feeling

to not trust anyone,

left him with that feeling

to not fall in love again,

left him with tears,

left him with emptiness,

left him heartbroken,

she just left...

mat kar pyar kisi ko itna.. royega ek din

iss be-wafa pyar ki raah mein,
ho barbaad kitne mehboob gaye,

zindagi bhar saath denge jhute waade,
jhute kashmein kar kya khoob gaye,

iss dil ko samjhaya humne bahut ki,
mat kar pyar kisi ko itna.. royega ek din,

unhi barbaad logo mein ek hum bhi the jo,
sahil mein kharde the phir bhi doob gaye. 

zindagi tu bewafa hai

aye zindagi bewafai ki misal
kayam karne mein tune sabko haraya hai.

jab jab logon ne jeeven ko aur jeena chaha hai,

tab tab tune unhein bewafai ka samna kraya hai,

jeevan mein aati hi tu ek din dhoka dekar jaane ke liye,
tere dhoke se aaj tak koun bachh paya hai?

kya hua jo mujhe tumhare bina jeena parega

khush raho tum sada yeh dua hai tumhe meri,
khuda kare ab jab hum nahi hain saath tere,
to tujhe yaad aaye hal pal meri,

yeh chand sitare kab the iss duniya mein mere,
kya hua jo ab nahi hain saath hum tere,

bewafaian ka daour to hamesha chala karega,
kya hua jo mujhe tumhare bina jeena parega,

duniya teri hamare sang bahut haseen hoti,
agar o bewafa tune jara si bhi
dil se humse mohabbat ki hoti.

mahadev ka naam jap japaunga

na punya hoon na paap hoon main,

andekha sa koi shrrap hoon main,

mujhe dar nahi hai mantro ka,
ha khudmein hi maha jaap hoon main,

na andhiya na tunfaan hai,
mujhmein kaha koi jaan hai,

main koyala ki khaanon mein
hoon palla bardha,

meri khud nahi koi pechaan hai.

tantra tana...yag jalana
hai kaam mera bas yahi,

rakh mein hoon lipta hua,

bhutaal meri naam sahi.

mahadev aur mahakaal ka,

main naam jap japaunga,

mujhe swarg ka koi moh nahi,

mahadev ke naam se main
yahi swarg banaunga.

thorda hasna thorda rokar unko yaad karana

tannha tha safar humsafar ki talash thi,
barshon ki judaai mein milne ki aash thi,

woh bhool gaye humein chand lamhon mein,
dil to kya hum se zindagi bhi udash thi,

mayusi ke sang chale the do chaar kadam,
unki yaadon ki parchhai dil ke kuch yun paas thi,

thorda hasna, thorda rokar unko yaad karana,
zindagi bhi kya khubsurat ehsaash thi. 

neelkanta shiv harre

kaal mein, karaal mein… harre harre shiv harre,
samay ki tez chaal mein... harre harre shiv harre, 

pandavon ke dheer mein… neelkanta shiv harre,
karn daanveer mein… neelkant shiv harre,

kauravon ki bheerd mein… aadi dev shankarre,
bheem shourya veer mein… aadi dev shankarre,

aadi aur anth mein... basse basse ji shiv basse,
lekh aur granth mein… basse basse ji shiv basse,

harre harre shiv harre, aadi dev shankarre,
harre harre jo dukh harre… neelkant shiv harre.

kismat ko shayad kuch aur irada tha

hasne ka irada tha, rone ka irada tha,
gum aur khushi mein sath hone ka irada tha,
ruthe woh jo humse to marne ka irada tha,
iss jaan ko kurban karne ka irada tha.

bad-kismati hai meri ki jee rahe hain hum,
kismat ko shayad kuch aur irada tha,
nazre mila lete hain hum bhi sar utha ke ab,
yeh be-adabgi karne ka pahle na irada tha.

abaad jo hua tha to ab sochta hoon main,
barbad ussi din mera hone ka irada tha,
har baar toot ke bhi phir judta gaya kyonki,
har baar mera shayad bikharne ka irada tha.

toota jo yeh bharam jahan mein hai koi mere,
duniya se ussi roz rukhsat ka irada tha,
jo pyar pa kar khud ko khuda maan lete hain,
aise logon ke beech na jeene ka irada tha. 

tute hue dil bhi armaan rakhte hain

khaali shishe bhi nishaan rakhte hain,
tute hue dil bhi armaan rakhte hain,

jo khaamoshi se guzar jaaye,
woh dariyaa bhi dil mein toofan rakhte hain..

dua karo main usko jald bhool jaaun

maine ishq kiya tha uski saza bhi maine payi,
uth naa paoonga uski yaadon se aisi thokar khayi,

dil jalta hai kaise, tumko dil ke zakhm dikhaon,
yaaro rab se dua karo, main usko jald bhool jaaun.

hum kabhi naa badale

insaan apni apni aadat se naa badle,
prakriti apne neeyam se naa badle,

waqt badle waqt be-waqt phir bhi,
apne lamhon se naa badle,

maut zindagi se naa badle,
hakeekat sach se naa badle,

yun to dost hamare badle to badle,
phir bhi hum kabhi apne doston se naa badale.

kaash koi dilon ka baazar hota

kaash koi dilon ka baazar hota,jahan jo mann chaha woh pyar khareed leta,

kar deta apni har khushi us insan par kurban,
 jisse main apna bana leta,

na koi rota ishq ke liye,
na koi rota bewafaa ke liye,

har koi apne dil ka malik hota,
kaash koi dilon ka baazar hota..

apni har khushi apni zindagi uske,
naam kar deta,

har gum ko uske apne dil se mehsoos karta
kaash koi dilon ka baazar hota... 

phir ilzam lagao koi

hum par taras na khaao koi,
bas ab saja sunao koi,

kab se kaha nahi kuch tumne,
phir ilzam lagao koi,

dhardkan band huyi jaati hai,
gehri chot lagao koi,

tut rahe hain haste haste,
de ke khushi rulaao koi!

tera deedaar karne ki hai ek hasrat baaki

tammana kuch haasil karne ki nahi hai baaki,
hasrat ek hi jo bachi hai baaki,
woh tera deedaar karne ki hai baaki,

aye bhole, hey shiv...
tu hota to hai ru-b-ru harr waqt sabke,
phirr bhi nazar se tu pehchaan mein aata nahi hai,

bas tujhe pehchaan sakoon,

wohi ek nighaah ko paanna hai baaki.

hey shiv shankar shambhu tripurari bholenath prabhu

jinke daar par saare grah aakar dete hain dastak,
jine aage kaal-kapal bhi ho jaate hain natt-mastak,

jinki jatta lehraane pe nadiyan apna rukh badalne lagti hai,
jinki ek hunnkaar se sar-sar hawayein chalne lagti hai,

woh umma-pati.. kailash-pati, woh mahadev maha gyaani hai,
shiv.. shankar.. shambhu.. tripurari.. bholenath prabhu, tri-netra dhari hai,

dharti ambaar bhi tharrati jab woh taandav rudra rup mein aate hain,
woh ardhanaariswar woh bhasmdhaari baba mahakaal kehlate hain.

bahut takleef deta hai

mujhe na saans aati hai,
na mera dum nikalta hai,
magar yeh beech ka aalam,
bahut takleef deta hai.

samandar na nigalta hai,
na saahil par patkkta hai,
magar yeh dubbna ubharna,
bahut atakleef deta hai.

jo tum bolo to sawar jaayein,
jo tum bolo to bikhar jaayein,
magar yeh tootna jurdna,
bahut takleef deta hai.

jo tum maano to batlaayein,
jo tum samjho to samjhaayein,
tumhare bin adhurapan,
bahut takleef deta hai.

apana to ab na ghar hai na koi thikana

kahte the woh ki judaai mein dil na jalana,
jab bhi yaad aaye hamari paas chale aana,

aaj gaye hum unke paas lekar dare-e-dil apana,
to woh kahte hain jara apana parichay to karana.

unko to mil gayi khushiyan zamane ki doston
apana to ab na ghar hai na koi thikana,

humne pyar kiya tha unse koi gunah nahi,
tumhari nazar mein gar pyar gunah hai to humein bhi batana. 

iss liye chup hoon

zindagi hai nadan iss liye chup hoon,
dard hi dard hai subha sham iss liye chup hoon,
keh to doon zamane se dastan apni,
lekin usme aayega kisi ka naam isliye chup hoon.

rahiso ki party

ek baar humme aya nyota rahiso ki party ka,
jhat taiyar hue hum pehan suit bhai ke sadi ka.

phate purane jooton ko dekar ke naya roop,
deo laga kar itminan se nikhara apna roop,

chala kar apna scooty hum club mein the padhare,
andar pahoonch kar humne jo nazara dekha,
samaj na aaya kaun thi ladki kaun tha ladka,

himmat kar kar hum kuch aur andar ko padhare,
ek joomti hui jawan mahila se takraye,

hum apni nadani se thar thar the kaape
lekin humme dekh kar woh kyoon kar ghabrate,

hothon ki lipstick unki aur adhik rang laayi,
do second ke andar mere chehre par jo chayi,

hayee re.. ghabra kar hum andar ki aur bhage,
dekh wanha ki raunak mann hi man sharmaye,

ke pi-kar sab masti mein aise jhoom rahe the,
kaise batayein kaun kissse kanha choom rahe the,

aage jo nazare dekhe wey kuch nahin the achey,
murder picture ka khel khel rahe the rahiso ke bache,

ek bana tha imraan hasmi aur ek bani thi mallika,
ithni si umar mein haathon par sharab tha chalka,

ladki ne ladke se kaha aisa kyoon na ho jaaye,
hum tum ho kamre mein band aur chabhi kho jaaye,

aisi raunak aaj tak humne kahi na dekhi,
sach to hai.. bharat kar raha kithni oonati,

aur adhik kuch dekhne ke liye hum na ruke the,
sach kehta hoon pal bhar ke liye bhi hum na tikke the,

bahar aakar hamari nazar jis aur uthi thi,
footpath par ek nirdhan maan ki kismat usse roothi thi,

baal the uske bikhre huye aur bahon mein thi uski mamta,
pata nahi aur kya dukh sehne usne janam liya tha,

ek taraf to chal raha tha masti ka hahakar,
ek taraf chilla rahi thi daridrata ki pukar,

hey bhagwan kaisa tune yeh sansar banaya,
kyun tune ek ko ameer aur ek ko nirdhan banaya?

lekar bozil mann hum wapas ghar ka laute,
sach kehta hoon raat bhar bilkool na so sake,

subah uth kar sabse pahle khayi yahi kasam,
aaj se aise partyaan kabhi na attend kare hum

ek tadap ek ahsas ek dard ka sila hai

ek tadap ek ahsas, ek dard ka sila hai,
ke gum ka har fasana to tohfe mein mila hai,

hum to samajhte the hum hi hain dard ke maare iss jahan mein,
par yahan to dard ke maroon ka kafila hai.

ke khwahise na jaane kahan gum ho gayi  bheed mein,
phir bhi jamane se na humko koi gila hai,

ke hum to chahte hai ke gulsan ho jaaye yeh duniya saari,
ek phool bhi na khushiyon ka mere gulshan mein khila hai,

muddaton se mil rahe hai zakhm bas tannhi mein,
ke waqt ne hi yaar dil ka zakhm har sila hai.

ek tadap ek ahsaas ek dard ka sila hai,
roke hain sailaab kitne palko ke kinaro pe,

har gadhi in aashuon ka waar humko mila hai,
jism bas ek laas hai, yeh kab mile phursat mujhe,

lagta hai ghut ghut ke jeena iss bar humko mila hai,
ek tadap ek ahsaas ek dard ka sila hai.

pehle hum insaan hain

kehkar bas, behlaate hain dil, ke mera desh mahaan hai,
koi kehta hai main hindu, koi kehta musalmaan hai,

jaane kyun har shaqs apni pehchaan se anjaan hai,
mahan tab hoga desh,
jab har koi samajh le ke pehle woh insaan hai.

jurm itna hai ki bas unhein chaha

jaate lamhon ko rokna chaha,
phir tera haal puchhna chaha,

wafa mangi thi wafa ke badle,
sochta hoon yeh maine kya chaha.

barish -e- khawab-o-khayalon mein,
ek murakh ne bheegna chaha.

kitni umeedein, kitni hasratein hain,
humne tujhe kya na dilana chaha.

main tere jaise naamdaar to nahi,
gar tujhko chaha to kya bura chaha.

bichhad ke tujhse agar jee na saka,
marna chaha to kya bura chaha.

nakami jaban kholne nahi deti,
kya bataun ke maine kya chaha.

saza yhe hai ke umra bhar tardpo,
jurm itna hai ki bas unhein chaha.

roz jeete hain roz marte hain

roz jeete hain roz marte hain,
kya zindagi issi ko kehte hain.

kabhi aa jaati hai hothon pe hansi,
kabhi aankhon se ashk behte hain.

ab to aadat si ban gayi hai yeh,
muskurate huye dard sehte hain.

kahin bhi jaayein hum kahin bhi rahein,
unki yaadon se jude rehte hain.

aisa bhi nahin ke woh humein milte na ho,
pass aate hain door rehte hain.

hum bhi kabhi mohabbat kiya karte the

raat din ghar mein raha karte the,
kisi veerane mein tujh se mil kar,
dil mein kya phool khila karte the,

ghar ki deewar sajhane ki khatir,
hum tere naam likha karte the,

woh bhi kya din the tujhe bhula kar
hum tujhe yaad kiya karte the,

kal tujhe dekh kar yaad aaya,
hum bhi kabhi mohabbat kiya karte the.

koi yaad humein bhi karta ho

iss ajnabi anjaan nagar mein,
iss be-reham veeran shahar mein,

jahan na apna hai na paraya koi,
na saathi hai na sangi koi,

in tanhayon ke dairay mein,
na umeedion ke ghairay mein,

aur gham ke ghor andhere mein,
jab bhi aas ka diya bujhne laga,
aur umeed ka daman chutne laga,

to aise mein bas jugno hain kuch yaadon ke,
kuch beete dino ki baaton ke
yaadain kuch beeti baharon ke,

kuch apno ke kuch pyaron ke,
jo hum ko yaad dilati hain,
jeene ki aas dilate hain.

ki shayed kisi ki baaton mein,
aur shayed kisi ki aankhon mein,

apni yaad ka deep bhi jalta ho,
aur shayed kahin par door bohat,
koi yaad humein bhi karta ho. 

na badle kabhi hum na hamare khayalat

kuch log badal gaye hain,

iss raat ki tannhaiyon ke, 

sab rang badal gaye hain,

chand nikla hai waise hi,
andhere badal gaye hain,

jinke bharose thi khusiyan,
woh badal gaye hain.

manzile to abb bhi wo hi hain,
kuch raste badal gaye hain.

jinpe kiya tha bharosa humne,
woh dost bichard gaye hain.

dekhe the kabhi jo humne,
woh kahwab badal gaye hain,

jo bane the kabhi hamsafar,
aaj woh hi mukarr gaye hain.

aise tute huye dil ke sare,
jazbaat badal gaye hain.

na badle kabhi hum,
na badle hamare khayalat.

bas rona hai yahi,
kuch log badal gaye hain.

forgive me lord shiva

forgive me lord shiva
for the wrongs I have done.

for anger, I shouldn’t have
against anyone.

I know I’m weak lord shiva,
but I love you, I really do,

and in spite of my weakness,
I know you love me too.

forgive me for not reading your word,
and for the times that I stray.

forgive me for just being too tired
when I don't take the time to pray.

give me the strength, oh! lord shiva,
to do what I should each day.

let your love shine through me
so others will follow your way.

even though I’ve failed you lord shiva,
I know you’ll forgive me,

and this I promise lord,
a better human I will be.

for your presence is in me
filling my heart with your love,

and I have your reassurance
you are guiding from above.

I love you lord shiva, and thank you
for the blessings you bestow,

I will tell others about you
so your goodness they too, will know.

dil ko jala jala kar tera pyaar dhundhta hoon

dil ko jala jala kar, tera pyaar dhundhta hoon,
bechain zindagi hai.. karaar dhundhta hoon,

luta mere chaman ko, mere hi apno ne,
lag kar gale fiza ke... main bahar dhundhta hoon,

kabhi saath saath dono chale the jahan se,
bakki ho shayad kahin... woh nishan dhundhta hoon,

saye mein jiske beete the kabhi jo dilkash lamhein,
yaadon ke safar ki... woh khyaal dhundhta hoon,

meri to zindagi ab bujhti hui shama hai,
jaha dafan hui meri chhahat.. woh mazaar dhundhta hoon.

raat ke aate hi mujhko ek dar sa laga rehta hai

raat ke aate hi mujhko ek dar sa laga rehta hai,
iski khamoshi mein jo dil ka shor sunayi deta hai,

din to bas yunhi kisi tarah mere katt jaate hain,
sach kahu to unme bhi tere khyaal aate-jaate hain,

aajao ke tumse mujhe bahaut si baatein karni hain,
meri saase meri aankhe mera dard bayaan karti hain,

chand ki chandni to har taraf dikhayi deti hai,
meri ankhein to tujhko dekhne ko taras jaati hai,

suna hai aaj woh be-khabar mere shaher mein aaye hain,
saath apne woh apna dilkash humsafar bhi laaye hain,

dekh ke unhein aaj dil mera tukde tukde toota hai,
jaanke us bedardi ne mera aaj sab kuch loota hai,

chaah kar bhi is dilse uski tasveer nahi utarti hai,
pyaar iss kadar hai ki ab to nafrat bhi nahi hoti hai,

kya kahun mein ab aur samajh mere nahi aata hai,
jaan gaya hoon ab ke yeh pyar mehez ek dikhawa hai.

been so long that I had a good night sleep

its been so long that I had a good night sleep,
its been so long that I had a beautiful dream.

its been really long... yeah
since I felt the morning dew on my cheeks,

since I felt the warmth of your hands,
since I felt the glow in my brown eyes,

since I felt the softness of the roses,
its been really long... yeah

since I felt your fingers through my hair,
since I felt your smile light up my life,

since I felt your eyes looking at me,
since I felt your lips kissing me, 

its been really long I wonder...
how life changes in a matter of moments,

how people change their colors so soon,
how relations loose their glow with time,

I really wonder…
what if things were fine,

what if you really loved me,
what if I was a little lucky,

but its been really long
since I last dreamt of these false hopes.

kuch log pal bhar mein paraya kar jaate hain

kuch log aise hote hain jo pal bhar mein paraya kar jaate hain,
manzil ko dekhte hi ek pal mein rasta badal jaate hain,

jaate jaate dil se woh kuch iss kadar khel ke jaate hain,
jiski aag mein hum umra bhar baas jalte hi reh jaate hain.

haste raho aur hasaate raho

haste raho aur hasaate raho,
gham ke nishaan mitaate raho,
daggar mein aayenge lakhon patthar,
pyaar ke phool bichhaate raho.

suraaj ki kiran phaylate raho,
gham ki shama bujhaate raho,
kat jayegi raat pal do pal mein,
subah ke geet gungunaate raho.

jeevan aaj hai, kal kisne dekha,
baccho ki tarah khil-khilate raho,
mil jayengi khushiyan tumko bhi,
bas dusron ka gham ghatate raho.

aandhi aye, tufan aye, ya patjhad,
baagho mein kaliyan khilate raho,
hazaar gham bhale aa bhi jaaye,
chehre pe muskaan sajaate raho.
haste raho aur hasaate raho,
gham ke nishaan mitaate raho.

kal bhi mann akela tha aaj bhi akela hai

kal bhi mann akela tha, aaj bhi akela hai,
jaane meri kismat ne kaisa khel khela hai.

doodhti ho tum khushboo kagazi gulabon mein,
pyaar sirf milta hai aaj kal kitabon mein,

dard bhari ankhoon main anshuon ka mela hai,
jaane meri kismat ne kaisa khel khela hai,
kal bhi mann akela tha, aaj bhi akela hain!

zindagi ke mandap mein har khushi kanwari hai,
jis se mangne jaao.. har koi bhikhari hai,

riste-nate jhoote hain, swarth ka jhamela hai,
jaane meri kismat ne kaisa khel khela hai.

zindagi har kadam ek fasaana hai

zindagi har kadam ek fasaana hai,
yahan har ek ko khushi aur gham se takrana hai,

garr na mile tumhe kinara samundar mein,
to samajh lena shayad yahi teri kismat mein aaya hai,

kabhi to badlegi takkdeer tumhari yahi sochkar jeete rehna,
ki buland ho jisske houslle ussi ne yahan kuch payaa hai,

zindagi har kadam ek fasaana hai,
yahan har ek ko khushi aur gham se takrana hai,.

dil mein chupakar rakhta hoon gham apna

subha bhi hai, raat bhi hai,
jo guzar chuka hai woh waqt mujhe yaad bhi hai,
dil mein chupakar rakhta hoon gham apna,
kabhi kabaar aankhon se hoti aanshuon ki barsaat bhi hai.

yeh haadsa mere saath ho gaya kaise

yeh haadsa mere saath ho gaya kaise,
mujhe meri kismat ne barbaad kar diya kaise?

kuch waqt tak to sab theek chal raha tha,
mere safar ka rasta yun badal gaya kaise?

jahan tak nazar gayi tannhai nazar aayi,
ya khuda.. main ek pal mein yun tannha ho gaya kaise?

ek waqt tha jab har koi tha mere saath kashti mein sawar,
yakin nahi aata.. unhone mujhe samundar mein dubba diya kaise?

kya kuch nahi sochha tha maine apni iss zindagi ke liye,
aankhon mein basa tha jo khwab pura hone ke liye,
woh bas ek khwab.. rah gaya kaise?

ab chordho bhi yeh duniya jahaan ki baatein

ab chordho bhi yeh duniya jahaan ki baatein,
chaliye hum khud ko hi aazmaaein,
kitni sachhaai hai apne bheetar,
duniya ko na sahi, khud ko hi dikhlaein,

kitne dard hamaare apne hi piroye hain,
kitni baar hum jhoote aanshu roye hain,
kab kab mujrim theharaya auron ko,
jabki jhooth ke paudhe hamne hi boye hain.

ab aisi bhi gairat ki diwaar kya,
jo adna-adna se jhoothon se banaayi jaaye,
gar swarg milti ho to aur baat,
afsos, jhooth bhi isliye ke apni baat reh jaaye.

aye nek insaanon bahaduri jism se nahi,
apne dilon aur dimaagon se dikhao,

zamaane ko jhukaana aur baat hai,
pehle sachh apnaane ki himmat to jutaao.

uff yeh mobile phone

yeh mobile yun hi hatta katta nahi bana,
bahut kuch khaya piya hai issne,

yeh haat ki ghadi khaa gaya,
yeh torch-light khaa gaya,
yeh chhiti-patriyan khaa gaya,
yeh kitabein khaa gaya.

yeh radio khaa gaya,
yeh tape-recorder khaa gaya,
yeh camera khaa gaya,
yeh calculator khaa gaya.

yeh padosh ki dosti khaa gaya,
yeh mail-milap khaa gaya,
yeh hamara waqt khaa gaya,
yeh hamara sukkun khaa gaya.

yeh paise khaa gaya,
yeh rishte khaa gaya,
yeh yaadaast khaa gaya,
yeh tanduristi khaa gaya.

kambakkt itna kuch khaa kar hi
yeh smart phone hai banna,
badalti duniya ka aisa asar hone laga,
aadmi paagal aur phone smart hone laga.

jab tak phone wire mein bandha tha
insaan aazad tha,
jab se phone aadaz hua hai,
insaan phone se bandh gaya hai.

ungliyaan hi nibha rahi hai rishte aaj-kal,
jubaan se nibhaane ka waqt hai kaha?
sab touch mein busy hain,
par touch mein dekho koi nahi hai....

apnon se hamesa mujhe ruswai mili.

juda ho kar tujh se ek judaai mili,
ek tu na mili mujhe, baki saari khudi mili,

raat dekha jo chand ko sitaron ke sath,
to mujhe apne hi ashiyane mein tannhai mili,

yun lagta tha jaise tum mere pas khadi ho,
murd kar jo dekha to apni hi parchai mili,

tere pas bhi kuch nahi un ki yaadoon ke siwa,
raaj tujhe to hamesha apnon se ruswai mili.