tum acchayi ke deepak ban jagmagate rehna

har milne wale ki zindagi ko mehkate rehna,
kitna hi dard ho dil mein par muskarate rehna,

zindagi ki raat mein chahe amavas hi aa jaaye,
par tum aasha ke taron ki tarah timtimate rehna,

mushkilein to mehman ban kar aati rahengi,
tum bas un mushkilon mein bhi khilkhilate rehna,

jeevan ki ranbhumi ke har mord par tum bas,
aage bardh kar apni vijay pataka fahrate rehna,

iss paapi kaliyug ke is ghor andhakar mein,
tum acchayi ke deepak ban jagmagate rehna,

yeh raaj kabhi yahan rahe ya na rahe par,
tum usse yaad karne ko humesha aate-jate rehna.