tune kya khoob duniya banayi hai

wah mere khuda, 

tune kya khoob duniya banayi hai,
kisko kya hassil hai, 
jo bhi mila woh kismat ka khel hai,
jo nahi mila samjho takdeer ka tamasha hai,
yahaan har chiz teri marzi se hoti aayi hai,

tu jab chaahe nachaata hai,

aur jab chaahe mitata bhi hai,
dukh bhi tu hi deta hai, 

sukh bhi tu hi deta hai,

na jaane kyo mere khud tu aisa karta hai…

ek pal mein khushiyaan deta hai,
to dusre pal mein woh hi khushiyaan chin bhi leta hai,

dard dene se tujhko khushi milti hai,
yaa phir kisi ki yaado mein kisi ko,

tardpane se tujhe mazaa aata hai,
maana ke yeh duniyaa tune hi banayi hai,
aur yahaan teri hi marzi chalti aayi hai,

na jaane kyo mere khud tu aisa karta hai…

kehte hai log aye mere khuda,

tere marzi ke bagair ek patta bhi nahi hilta hai,
toh phir iss zamaane mein itni bewfai aur nafrate kyo hai,

duniya mein mohabbat ki den bhi tu hi hai,
jab mohabbat tune banayi hai, 

to phir tune hi bewafai kyo banayi hai,

do anjaan dilo mein chaahat bhi tu hi jagata hai,
to phir kyo dil milne ke baad,

dilo mein dooriya banata hai,

na jaane kyo mere khud tu aisa karta hai…

jab do dilon ko mila ke bhi judaa karna hi hai,
to phir kyo unhein milata hai aye mere khuda?

milna, bichardna yeh tera hi saara khel hai,
agar pyaar mein insaan jaan deta hai,
to phir aye mere khuda,

tu usse zindagi hi kyo deta hai?

ajab hai tera keh, gajab tera tamasha, 
na jaane kyo mere khud tu aisa karta hai…

tu hasste huye insaan ko rulata hai,
aur rote huye insaan ko hassata kyo hai,

aye mere khuda tune ye kya sitam kiya hai,
wah! mere khuda...

tune kya khoob duniya banayi hai.