meri maut se pehle woh ek lamha de do mujhe pyar ka

lakh manane par bhi nahi thamte ye aanshoon,
inhein bin baat behne ki shayad aadat si ho gayi hai,

jaante hain ab kabhi nahi aaoge tum,
par humein bhi raah takne ki shayad aadat si ho gayi hai,

tumhein humse pyar na sahi ye aur baat hai,
humein to tumse bas tumse pyar karne ki shayad aadat si ho gayi hai,

sochta hun ki kya kabhi tum bhi mujhe yaad karti ho?
apni tanhaiyon me ye sochte rehne ki shayad aadat si ho gayi hai,

main khuda se kis tarah maangu ke shayad woh bhi hai kuch bebas,
par phir bhi apni duaaon me tumhein shumaar karne ki shayad aadat si ho gayi hai,

meri maut se pehle woh ek lamha de do mujhe pyar ka,
issi umeed, issi aasre pe jeene ki shayad aadat si ho gayi hai.