ek toofan ko humne rok to liya hai apne andar

ek toofan ko humne rok to liya hai apne andar,
tham to gaya hai par uske aankhon se barasna abhi baaki hai,

khud ko bhula chuka hun teri yaad mein,
ek aas hai ke mera tujhe yaad aana abhi baaki hai,

yun to bichhrde humein jamaane huye,
par shayad tere paas mera koi samaan abhi baaki hai,

saykadon raaten tere yaad mein jaag ke bitayein hain,
meri jaagti aankhon ke khwaabon ka tootna abhi baaki hai,

kya baat hai tujhme jo mere khayaalon se tum jaate nahi,
us ishq mein tere likhe khaton ko jalana abhi baaki hai,

tere intezaar mein sadiyan beeti hain,
maut bhi na aayegi kyunki tera aana abhi baaki hai.