apne bhawnao ko dekar shabdo ka roop

hum sabhi ke zindagi ka ek sacch...

kisi ke pyaar ne zindagi mein ummeed ka suraj jagaya,
to ussi ki bewafai ne usse duba diya,

kisi ke milan ne aasha ki kirane jagayi,
to ussi ke bichardne ka dukh kaante bikhra diye,

kisi ne apne pyaar mein humein ek pal tha hassaya,
to ussi ne humare vishwas ka mazak urdaya,

kisi ke rukhepan ne humein pal-pal sataya,
to ussi ki humdardi ne dil ko karar diya,

kisi ke gusse ne mann ko ghayal kiya,
to ussi ki mithi baaton ne marham lagaya,

in sabhi bhawnao ko kagaz par utrne ki kisi ne zidd ki,
aur mujh me chupe kavi ko bahar nikalne ko majbur kiya,

to maine apne bhawnao ko dekar shabdo ka roop,
apne dil ke bojh ko iss blog mein halka kiya.