lekin phir bhi tum aajana

ek aas ke sahare jee raha hun,
jaise sadiyon se rashta tak raha hun,
yeh khamosh raahein khushgawar to nahi,
lekin phir bhi tum aajana...

woh rokenge, aane nahi denge,
baat baat pe fikre kasenge,
jaanta hun mushkilein kam to nahi,
lekin phir bhi tum aajana...

main hassta hun, tum hassi ho meri,
kya tum jaanti nahi ho ki jaan ho meri,
in dhardkanon ki awaaz na sun paaogi,
lekin phir bhi tum aajana...

tere bin to jaise har saaye mein udaasi hai,
aaja ke saansein ab chand hi baaki hain,
tere aane ki khushi mein mar na jaun kahi,
lekin phir bhi tum aajana...