woh raaj yaad hai tujhko

woh din mohabbat ka aaj bhi yaad hai mujhko,
mere sang bitaye pal, kya yaad hai tujhko?

aaj bhi dil tardapta hai mera, ussi sirhane ko
mere badan ki khushbu, kya yaad hai tujhko?

woh din suhane the, bada josh tha dil deewane ko,
mera pal pal tujhpe marna, kya yaad hai tujhko?

aadhi raat ki baatein, woh khawabon ki mulakate,
mohabaat ki woh sogaatein, kya yaad hai tujhko?

woh har baat pe jhagadna, woh apni meethi-meethi takrare,
mera woh ruthna tujhse, kya yaad hai tujhko?

mera hi ban jaane ko, tera bhi dil machalta tha,
mere woh pyaar ka sparsh, kya yaad hai tujhko?

nahi hota gujar ek pal phirbhi jee raha hoon main,
tera naam leta har pal, woh raaj yaad hai tujhko?