pyaar kiya tumse to saza mein paayi tanhaai

pyaar kiya tumse to saza mein paayi tanhaai, 
toote dil ki hai parchchaayi.. tanhaai,  

yeh dil bewafa se wafaa chahta tha, 
kyon dil ke raaste mein aayi tanhaai? 

kabhi dikhaayi dete the jahan sapne beshumaar, 
ab in aankhon mein hai chhaayi tanhaai, 

manzil se pehle hi doob gayi khwabon ki kashti, 
ashkon ke samundar mein lehraayi tanhaai, 

jee lete hum sirf teri yaadon ke sahaare, 
par teri yaadein bhi sang apne laayi tanhaai.