jab waqt badal jata hai to raahein badal jaati hain

jab waqt badal jata hai to raahein badal jaati hain, 
ache-ache logon ki nigahein badal jaati hain, 
wafaein badal jaati hain, duaein badal jaati hain, 
jab waqt badal jata hai to raahein badal jaati hain. 

haath chhut jaate hain, saath chhut jaate hain, 
aankhon se askh behte hain, dil bhi tutt jaate hain, 
umeedein tutt jaati hain, chahatein badal jaati hain, 
jab waqt badal jata hai to raahein badal jaati hain. 

aas chhut jaati hai, vishwas tutt jaata hai,
jab naye rishte bante hain, to puraane chhut jaate hain,
dil fariaad karta hai par aahein badal jaati hain, 
jab waqt badal jata hai to raahein badal jaati hain.