kaash waqt phir se apni baat na duhraaye

kaash mere ek awaaz par
yeh duniya dol jaaye,
abhi hai shaam
abhi subah ho jaaye.

kaash meri ek baat par
saara shama badal jaaye,
har insaan ke chehare par
muskaan fail jaaye.

kaash meri ek chaah mein
itna wajan ho jaaye,

adhure-kore sapno mein
har rang bhar jaaye.

kaash yeh duniya
mere bas mein yun ho jaaye,

koshish rahegi meri
koi raaj phir na yun kho jaaye.

kaash waqt phir se
apni baat na duhraaye,

jis raaste pe badha tha kabhi
ussi par kadam laut jaaye.