shayad humare pyar ka imtehaan yeh judai hai

suna tha sapne tutate bhi hain
aaj unko tutate huye dekh bhi liya,
meri hi is kismat ne mujhse
itna barda dhokha kiya.

aisa toofan aaya zindagi mein
ke saare raaste kho gaye,
kal tak jo apne the
pal mein begaane ho gaye.

dil deta hai sadaye aaj bhi unko,
rakh ke ummeed ki laut aaye woh baharein,
aakhir kab tak jiye hum aise
beete kal ki yaadon ke sahare.

shayad meri kismat mein hai kuch kami
ki yeh saza humne paayi hai,
bewafai to kabhi ki na thi lekin,
shayad humare pyar ka imtehaan yeh judai hai.