hum naa samajh paaye yeh duniyadaari

ajab dil ki duniya, ajab iski yaari,
hum naa samajh paaye yeh duniyadaari,

apne dil lagaayein, apne hi rulaayein,
dil ne jataayi humse aksar yeh laachaari,

hum chaahein aapko aur woh bhi apne hi,
kal aap dil dukhaaye aaj hai unki baari,

hum jinse bhi mile, sab log waaiz the,
ek hum mein nahi bas, itni samajhdaari,

apni taraf se karte purzor koshishein hum,
har koshish mein bhari humne imaandaari,

khudaaya, tu jahaan mein ek hi mukammal,
sikha de mujhko kuch apni adaakaari…