tujhko unpar reham kyu naa aata hai

sard raato mein jab koi,
khud mein hi simta sa jaata hai,
fatte purane kapdo mein jab,
uska tan naa dhapa jaata hai,

kanp kapata jab wo apne dil ko,
jhuti dilashe dekar behalata hai,
ye sab dekhkar bhi aye khuda,
tujh ko un par reham kyu naa aata hai?

tere saaye mein rehte hain woh,
phir bhi unse tu bekhbar hai kyu,

apni khushiyo ki talash mein hai,
wo unse ab tak door hain kyu,

unki aankhon mein jo sapne hain,
wo har din kyu dhoondhla hota jaata hai,

ye sab dekhkar bhi aye khuda,
tujh ko un par reham kyu naa aata hai.