kuch aur barda apna pariwar bana le

andheron se jang ka vichar bana le,
ashkon ko apna hathiyar bana le,

hum pahunch hi jayenge sooraj ke gaov tak,
roshni ko hum agar adhaar bana le,

apne hi ghar se koyi na humko nikal de,
apne watan pe apna adhikar bana le,

aadmi ko aadmi se jord sake jo,
ek pool nadhi ke aar-paar bana le,

aao kisanon aur majdhuron se kahe,
yeh bhi apna teek se ghar-dwaar bana le,

parwaton ko cheerkar aage nikal sake,
zindagi ko itni dhardar bana le,

pyar ke dhaage se jord le sabko,
kuch aur barda apna pariwar bana le.