raat bhar dil ne tanhaiyon se tera zikr kiya

bheegi palkon ne aashkon se tera zikr kiya,
raat bhar dil ne tanhaiyon se tera zikr kiya,

chal diye tum to apni raahein juda kar ke,
sisakate aarmanon ne aahon se tera zikr kiya,

khatam ho gaya ye afsana baki kuch na raha,
bhikhre khawabon ne yaadon se tera zikr kiya,

umeedein khatam sahi phir bhi humein jeena hoga,
udaas dhadkano ne saanson se tera zikr kiya,

kaise guzaregi ab ye zindagi kuch khabar nahi,
khamosh labon ne nazaron se tera zikr kiya.