bas viraan hokar raj ki duniya reh gayi

dhoop dhal gayi aur jhulsi kaaya reh gayi,
door jab se tum huye, saat perchayiyan reh gayi,

khali daraakhon par maut ke nishaan saaf dekh lo,
phool-patte jhad gaye, khali daliyan reh gayi,

zindagi main milke tumse aakhir humein kya mila,
hamara wajood tha alag, ab ruswayiyan reh gayi,

ek tufan-sa uta, pal mein chala bhi gaya,
ab ye manzar ki bas dhool ki aandhiyan reh gayi,

jaane kaisi aag hai ye dil ki bhujti hi nahi,
raakh hokar bhi isme chingariyan reh gayi,

khile chaman ko jaane kiski lagi hai nazar,
bas viraan hokar raj ki duniya reh gayi.