jinse dil na mile apna unse pehchan nahi karte

hum kabhi kisi ko bhool ke bhi,
cheena muskan nahi karte,
hum sakht tabiyat hain lekin,
bin baat tufan nahi karte.

hum andhkaar mein reh sakte,
uski thokar bhi seh sakte,
par kisi ke dhar pe jaa ker,
hum manga daan nahi karte.

jo pyar se koi vish bhi de,
hum haste-haste pee jate,
par daya-daan main mila hua,
hum amrit paan nahi karte.

auron ki bath nahi kehte,
hum apni baat batate hain,
apna apmaan nahi sehte,
apmaan auron ka bhi nahi karte.

raaj ka dil jahan mil jaye,
pehchan ussi se kar lete,
jinse dil na mile apna,
unse pehchan nahi karte.