jo tum hoti paas

dard hai kitna batate, jo tum hoti paas,
iss dil ka haal sunate, jo tum hoti paas,

mil jaata sahara in dhadkano ko jara sa,
tere seene se lag jaate, jo tum hoti paas,

teri baahon mein hum bhool jaate khud ko,
do pal to muskurate, jo tum hoti paas,

kabhi koi raat jo guzarti teri mehfil mein,
thoda sote aur jaag jaate, jo tum hoti paas,

tumhari aawaz se apni aawaz milate,
ek ghazal gungunate, jo tum hoti paas,

bahut aarzoo hai mujhko tere saath ki,
apne armaan sajaate, jo tum hoti paas,

tum par shuru aur khatam zindagani ho,
aisi apni duniya basaate, jo tum hoti paas.