tum apani hi mujh ko sunaate rahe

tum apani hi mujh ko sunaate rahe,
mujhe apani baaton se tardpaate rahe,

kuch baat thi jo kehana tha tumse,
tum sunane se hardam katraate rahe,

yun to kuch kehane ko himmat nahi,
ki iss kamjori ka tum lutf uthaate rahe,

kabhi socha jo apani baat bhi rakhani hai,
naa sunane ki zidd tum duhraate rahe,

dard jaanana kabhi tumne chaaha nahi,
khud ko nirdosh tum darshaate rahe,

aagaah karata hoon pal do pal pahale hi,
naa phoot pardoon, jo sitam tum mujh per dhaate rahe,

visphot hi naa ho jaaoon main kabhi,
agar aise hi mujhko jo rulaate rahe,

kasam hai ye raaj ki jhuti nahi,
band hoga ye manzar jo,
ab tak hum banaate rahe.