kaise kissa barson ka kuch lamhon me bayan karu

kahan se shuru karu aur,
khatm isse kahan karu,
kaise kissa barson ka,
kuch lamhon me bayan karu,

ek rang tha masoomiyat,
ek pyar tha rang,
ek rang tha aanshoo,
ek muskurahat ka rang,

ek rang tha josh ka,
ek niraasa ka rang,
zindagi ke kagaj pe,
bikhre sab ek sung,

kis tarah ek rang ko,
doosre se juda karu?
kaise kissa barson ka,
kuch lamhon me bayan karu?

kuch lamhe doston ke,
kuch ajnabi se pal,
kuch pehchana sa aaj,
kuch andekha sa kal,

kuch honthon pe hansi thi,
kuch palkein huyi namm,
kuch tukde kaanch ki,
kahani me chunne hain sambhal,

har chubhne wali yaad ko,
aaj phir main yaad karu,
kaise kissa barson ka,
kuch lamhon me bayan karu..?