tab yaad tumhein hum aayenge

jab serd bhuji si ratoon mein tum chand ko tannha paoge,
or door kahein kho jaaoge,
tab yaad tumhein hum aayenge.

jab nadiya ke behte paani mein chehare ko dhundla paaoge,
or khud ko pahchan na paaoge,
tab yaad tumhein hum aayenge.

jab thoker kha ker girte girte kisi hath ko choo na paaoge,
or be-sahara rah jaaoge,
tab yaad tumhein hum aayenge.

jab tapti dhoop mein phirte phirte bojhal say ho jaaoge,
per woh chaaw dhondh na paaoge,
tab yaad tumhein hum aayenge.

jab apne ghar mein baithe baithe door kahi jaa pahuchoge,
or yadoon mein kho jaaoge,
tab yaad tumhein hum aayenge.

jab hanste hanse yunhi achanak ankheen bhar si jaayengi,
or chehara tum chupaoge,
kuch bol bhi tum na paaoge,
tab yaad tumhein hum aayenge.

jab har phool mein woh chehara dikhaoge per hath berdha na paaoge,
or door kharde rah jaoge,
tab yaad tumhein hum aayenge.

jab hansti khelti mehfil mein tum khud ko tannha paaoge,
per mujh ko dhond na paaoge,
tab yaad tumhein hum aayenge.

jab apne aapse lardte lardte aakhir har hi jaaoge,
or behos se ho jaaoge kuch kah sun tak na paaoge,
tab yaad tumhein hum aayenge.

jab dil ka dard tum sahte sahte aakhir thak hi jaaoge,
rote rote chilage aur mayra naam pokaroge,
tab yaad tumhein hum aayenge.

jab geli raiyt par baithe baithe kuch soch ke ungli pheroge
per naam woh likh na paaoge,
tab yaad tumhein hum aayenge.

jab chalti phirti lash banoge kirchi kirchi ho jaaoge,
or khood ko sameeta na paaoge,
tab yaad tumhein hum aayenge.