phir pyar kise tum kehte ho?

khamosh jubaan ke lafzon mein,
kuch dabi dabi si baatein hain,

inn dabi dabi si baaton mein,
kuch chahat ki barsaate hain,

inn baaton ko hum muddat se,
seene mein chupaaye beithe hain,

kuch paaye bina kuch kho dena,
yeh pyar mein humne seekha hai,

sooraj mein, chand sitaron mein,
har chiz mein tumhi ko dekha hai,

dhadkan mein bhi naghma bankar,
saagar ki tarah tum baihte ho,

yeh pyar nahi to tum hi kaho,
phir pyar kise tum kehte ho?