ek tanhai hi sougat mili mujhe har rishte se

kise karun bayan dil ke iss dard ko, 
har apne mein dikhayi deta, 
mujhe beganapan hai,

duniya mein bahut hai rang dosti ke, 
par jaane kyun mere liye, 
har rang mein samaya ek soonapan hai, 

chand taaro ko paane ki chahat, 
to kabhi na ki maine, 
ek pyar hi chaaha har kisi se, 
par mila jaane kyun sirf gham hai, 

bahut hai iss duniya mein saath nibhane wale, 
jaane kyun phir bhi bhari duniya mein, 
mere paas akelapann hai,

ghame-e-dard ki dastaan kab tak, 
mann mein chipa paunga sabse, 
toot kar bikhar jayega 
aakhir yeh to ek najuk sa mann hai, 

ek tanhai hi sougat mili mujhe har rishte se, 
yahi mere jeene ki wajah aur 
issne hi diya mujhe apnapan hai.