tune mujhe kho diya par maine tujhe khoya nahi

tune mujhe kho diya par, 
maine tujhe khoya nahi, 
yeh baat hai apne-apne dil ki, 
mujhe hua dard bahut, 
aur tu kehti hai kuch hua hi nahi. 

saalon pooja maine tujhe, 
pyaar ka khuda maan kar teri ibadat ki, 
aaj teri bewafai dekhkar mehsoos hua, 
ki tujh pathar dil pe, 
meri ibaadat ka asar hua hi nahi.

sach kehte hain log.. 
mohabbat ka koi sila nahi, 
kar lo beshak dil khol kar tum, 
par kabhi kisi ko mohabbat se, 
gham ke siwa kuch mila hi nahi.

tere chale jaane ka, 
kuch yun asar hua hai mere dil par, 
main ho gaya hoon masroof ghamon mein, 
par kabhi aankh bhar ke roya hi nahi.