phir kaaghaz-kalam uthaayenge

phir shaam dhali phir raat huyi,
phir yaad mujhe woh aayenge,
yeh khwaab adhuure se mujhko,
phir saari raat jagaayenge.

yeh baadal kaale-kaale se,
zulfon ke yaad dilaayenge,
yeh aanshu teri judaai ke,
phir palkein meri jalaayenge.

jo zakhm diye tumne humko,
seene mein sajaa kar rakhe hain,
yeh phool hain meri chaahat ke,
dil kaa aangan mehkaayenge.

sau baar kaha dil ko humne,
kuch hadd hai paagalpan ki bhi,
ab jaane waalon ka aakhir
hum kab tak sokk manaayenge.

chup-chup se baithe hain tannha,
chehare pe udaasi chhayi hai,
lagta hai aaj solitary raaj..
phir kaaghaz-kalam uthaayenge.