raaj hai mera naam

bakaiti thakur hoon main, raaj hai mera naam,
bhoole bhatako ko raah dikhana, hai mera kaam,

pade likhe bewakoof se, nit hoti mulakaat,
kosish kerne par bhi samjhe na meri baat,

mandir mein jaa ker log ebaadat kerte hain,
apne sukh samridhi ki wakalat kerte hain,

kalyug mein ishwar ko paana hai aasaan nahi,
prem bhaw se bhakti kerne wala hai insaan nahi,

guru-shisya ka nata aaj kalankit ho gaya,
naytikta ka pattan aaj sunischhit ho gaya,

mata-pita ki baani hoti annmol hai,
baccho ke liye jo kadvi besak ghol hai,

yoga yoga sab kahe, par kare na koi,
samay-samay par yog kerte to rog hoye na koi..