khud mein ek insaan rakho tum

geeta ya kuran rakho tum,
mann mein itna dhiyaan rakho tum,
tut na paaye mann ka mandir,
har dil mein bhagwaan rakho tum.

dharti banaegi pyaar ka saagar,
auroan ka ehsaan rakho tum,
bun jaaoage tum bhi payamber,
khud mein ek insaan rakho tum.

bardh jaayegi dil ki kheemat,
pyaara sa mehmaan rakho tum,
jeet hi loage duniya ek din,
jazboan ka tufaan rakho tum.

yaad rakhegi duniya tum ko,
apni ek pehchaan rakho tum,
kaam nahin hai koi mushkil,
dil mein eemaan rakho tum.

duniya tum ko chaahegi ek din,
chaahat ka armaan rakho tum,
dil hai tumhaara moum ke jaisa,
iss par na chattaan rakho tum.

pachtaaoagae tum kisi din,
dil mein na shaitaan rakho tum.