khushiyon mein simte hain gham

yeh aanshoo in aankhon se 

nikal kar bah kyon nahi jate?
jo beet chuke hain pal 

woh gujar kyon nahi jate?

kyon har saans mein 

mahak jati hai khusbu uski?
kyon har jikr mein 

nikal aati hai baat uski?

kyon uski yaad mein 

ho jati hai aankhein nam?
kyon lagta hai, 

khushiyon mein simte hain gham?

rahta hoon khoya sa,  

sochta hoon hardam,
door raho chahe jitna,  

yeh pyar na hoga kam.

rahega sada tera intezaar justzoo bankar,
tu rahegi sada is dil mein dhadkan bankar.