aa jaao ki jaan par ab ban aayi hai

tujhse dil ki yeh kaisi judaai hai,
jo tu na ho to sirf tanhaai hai,

na guzarte din, na katti raatein,
har lamhein mein betaabi chayi hai,

tum bin kho gayi saari manzilein,
mujh se har khushi sharmaai hai,

kahaan dhoondu, kaise pukaarun,
aa jaao ke jaan par ab ban aayi hai,

yaad hai mujhe bas tera hi naam,
bhula di maine saari khudaai hai,

karti hai yaad meri udaas duniya,
tere saath hi zindagi muskuraai hai,

door reh kar yun na sazaa do,
teri baahon mein hi meri rihaayi hai,

mil jaayenge hum ek naa ek din,
mohabbat ne kasam khaayi hai.