har dil patthar se banaa hai aaj

har haath khoon se sanaa hai aaj,
har dil patthar se banaa hai aaj.

keemat jaan ki utni hi hai yahaan,
jis keemat mein bikta chanaa hai aaj.

dosti ki tasveer dhundhli hai,
dushmani ka rishta ghanaa hai aaj.

talwaare chalaana asaan hua ab,
mushkil badaa gale milna hai aaj.

pyaar ke sarowar sookh gaye hain,
vair ki pyaas mein jalna hai aaj.

saare pishaach lahu ke pyaase,
kaun kiska yahaan apnaa hai aaj?

sur taal ke geet bhoole pade hain,
sangeet cheekhon ka gunjnaa hai aaj.

har mord pe ek kans baitha hai,
door badaa kishan hai aaj.

raaj neend mein hi mar naa jaaye,
sabko yahaan jagnaa hain aaj.