phir bhi intezaar karunga tumhara

zindagi ka har ek pal kiya hai tere naam maine,
teri chaukhat pe aaya tha bas itna hi kehne,

kya tha wo jo teri aankho me maine dekha,
laakh chupao tum mujhse kuch na chupega,

pyar kiya hai tujhse teri aankho ko samajhta hoon,
yunhi nahi daawa tujhse pyar karne ka karta hoon,

tumhari zuban se lekar tumhari khamoshi tak ko chaha hai,
pyar me maine tujhse kabhi kuch bhi nahi maanga hai,

main jaanta hoon tumne mujhse kabhi pyaar nahi kiya,
isiliye shayad maine kabhi tumko jaane se nahin roka,

main chahta hoon bas itna ki tum khush raho,
chahe na baat karo, mujhse na kuch bhi kaho,

main samajh jaaunga khud tumhein kya kehna hai kab,
bas yahi duaa hai meri tujhe har khushi de rab,

tum kabhi mere nahi hogi phir bhi intezaar karunga tumhara,
shayad kabhi koi rishta ban jaaye mera tumhaara.