chup thi jubaan par kehti meri nazar thi

tujhe iss baat ki kuch na fikar thi,
tujhe haalat ki kuch na khabar thi,
tujhe main kya aur kaise batata,
chup thi jubaan par kehti nazar thi,

khaamosh hoke bhi maine kaha tha,
tune sunna na to isme mera khata kya,
teri berukhi se kya gujari hai mere dil pe,
aye bekhabar ye tujh ko pata kya,
waha maine apni pallkein bicha di,
jis raah se teri raah guzar thi,

jhaaka na meri aankhon me tunne,
waha mere dil ke raaz chippe the,
khaamosh mere hoton ko pardte,
kuch unkahe allfaaz chupe the,
kaise ye tera mera saath chutta,
jab ek hi manzil ek dagar thi,

ek pal bhi tujhe bhool na paaya,
har aur bas teri yaadon ka shaaya,
bechaineyon me nind bhi aayi,
to teri yaadon ki aahat ne jagaya,
har aur hai mehfillo ka daur lekin,
tannhai mere dil me shamo subah thi.