jaanta tha main ek din toot ke bikharunga

talaashi thi zindagi jiski baahon me maine,
woh baahein kabhi mere liye thi hi nahi,
socha tha jise har pal har khushi apni,
woh khushi kabhi apni thi hi nahi,
kiya jiska intezaar maine itne barson tak,
woh shaks kabhi meri thi hi nahi,

gair ko uski baahon me dekhaa jab,
to ye zindagi kyon tham si gayi,
main to jaanta tha wo meri nahi hai,
phir kyon aankho me ashkon ki bahaar hai,

ye pyaar hai mera ya dil tootne ka dard,
zuban se na nikal saka usse dekh ek bhi shabd,
woh buland haussle woh pyaar pe aitbaar mera,
toote sheeshe sa bikhar gaya ye dil mera,

kyon kisi ko dil itna chah baithta hai,
kyon kisi ko zindagi maan leta hai,
ye jaante huye bhi ki woh apna nahi,
be-intehaan usse kyon chaahta hai,

jaanta tha main ek din toot ke bikharunga,
yeh na socha kabhi kaise main sambhalunga,
kyon main is kadar tumhe chahata raha,
khamoshi se pal pal nihaarta raha,
zindagi ke har sapne me tumhein jagah di hai,
par zindagi ko aaj kaise sapna keh doon main.